Рэзыдэнцыя букавінскіх мітрапалітаў

	Рэзыдэнцыя букавінскіх і далматынскіх мітрапалітаў анг. Residence of Bukovinian and Dalmatian Metropolitans
	Сусьветная спадчына ЮНЭСКО
	Рэзыдэнцыя мітрапалітаў Букавіны і Далмацыі ў 1899 годзе
Краіна	Украіна
Тып	культурны
Крытэры	ii, iii, iv
ID	1330
Рэгіён	Эўропа і Паўночная Амэрыка
Гісторыя ўключэньня
Уключэньне	2011 (35-я)
	^ Назва ў афіцыйным сьпісе па-ангельску ; ^ Рэгіён паводле клясыфікацыі ЮНЭСКО ;

Рэзыдэнцыя праваслаўных мітрапалітаў Букавіны і Далмацыі — архітэктурная славутасьць места Чарнаўцы, Украіна.

28 чэрвеня 2011 року на 35-й сэсіі камітэту Сусьветнай спадчыны ЮНЭСКО ўлучаная ў сьпіс Сусьветнай спадчыны^[1]^[2].

Мінуўшчына

Пабудаваная на месцы старога япіскапскага палацу ў 1864—1882 рр. дзякуючы высілкам япіскапа Яўгена Гакмана. У 1863 р. ён дамогся ад аўстрыйскага імпэратара дазволу на ўзьвядзеньне новай прасторнае рэзыдэнцыі, годнай для сталіцы Букавіны.

У цяперашні час тут разьмяшчаюцца цэнтральныя карпусы Чарнавецкага нацыянальнага ўнівэрсытэту імя Юрыя Фядзьковіча.

У 1993 было адноўлена тэалягічнае аддзяленьне ў складзе філязофска-тэалягічнага факультэту Чарнавецкага ўнівэрсытэту, а ў сэмінарскай царкве аднавіліся набажэнствы.

Архітэктура

Праект архітэктурнага ансамблю выканаў вядомы чэскі архітэктар, акадэмік Ёзэф Глаўка. Ён спраектаваў нетрадыцыйны комплекс пабудоваў у духу эклектыкі зь перавагай элемэнтаў бізантыйскага і раманскага стыляў. Ягоны праект неаднаразова займаў прызавыя месцы на вядомых конкурсах архітэктараў, быў адзначаны на Сусьветнай выстаўцы ў Парыжы.

Кампазыцыя ансамблю досыць складаная, але адзначаецца выразнасьцю плянаваньня. Яна складаецца з трох манумэнтальных будынкаў-карпусоў: галоўнага, духоўнае сэмінарыі разам з царквою Трох Сьвяціцеляў, прэсьбітэрыі.

У корпусе, дзе цяпер знаходзіцца IV корпус унівэрсытэту, разьмяшчаліся дыяканская школа, архідыяцэзальны музэй і фабрыка зьнічак. Пасярэдзіне будынку над галоўным уваходам узвышаецца вежа з гадзіньнікам і купалам, аздобленым па коле зоркамі Давіда. Такім чынам увекавечаная памяць пра фінансавую дапамогу, якую надала букавінскай праваслаўнай мітраполіі жыдоўская грамада места.

Глядзіце таксама

Чарнавіцкі нацыянальны ўнівэрсытэт імя Юрыя Фядзьковіча

Крыніцы і заўвагі

Вонкавыя спасылкі

Сусьветная спадчына ЮНЭСКО

Турыстычны даведнік па Чарнаўцах

[1] Назва ў афіцыйным сьпісе па-ангельску

[2] Рэгіён паводле клясыфікацыі ЮНЭСКО

[3] Буковинська резиденція митрополитів стала всесвітньою спадщиною ЮНЕСКО // Урядовий портал

[4] Всесвітня спадщина ЮНЕСКО збагатилася ще одним українським об’єктом // Укрінфарм

[~ 1]

[~ 2]

[1]

[2]