Рыгор Кійко

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рыгор Кійко
Імя пры нараджэньні Григорій Кійко
Дата нараджэньня 27 чэрвеня 1951
Месца нараджэньня Цалуйкава, Луганская вобласьць
Дата сьмерці 3 кастрычніка 2014 (63 гады)
Адукацыя Беларускі тэатральна-мастацкі інстытут
Альма-матэр Беларуская дзяржаўная акадэмія мастацтваў
Занятак мастак

Рыго́р Іва́навіч Кійко́ (27 чэрвеня 1951, вёска Цалуйкава Луганскай вобласьці, Украінская ССР — 3 кастрычніка 2014, Менск, Беларусь) — беларускі мастак-кераміст, грамадзкі дзяяч.

Жыцьцяпіс[рэдагаваць | рэдагаваць крыніцу]

Нарадзіўся ва Ўкраіне ў настаўніцкай сям’і. Неўзабаве сям’я пераехала на радзіму маці ў Бабруйск.

Скончыў Беларускі тэатральна-мастацкі інстытут па спэцыяльнасьці мастак-кераміст (1980).

Сябра Беларускага саюзу мастакоў, уваходзіў у суполку «Пагоня»[1].

Каталік. Пэўны час працаваў бібліятэкарам у касьцёле сьвятых Сымона і Алены ў Менску[2].

Сябра БНФ ад ягонага стварэньня. З 1999 — у КХП БНФ.

Удзельнік шматлікіх акцыяў пратэсту, неаднойчы затрымліваўся міліцыяй. У 1996 року асуджаны на восем сутак за ўдзел у пікеце ў падтрымку ўкраінцаў, затрыманых падчас Чарнобыльскага шляху[3]. 1 красавіка 1997 арыштаваны па абвінавачаньні ў хуліганскіх дзеяньнях падчас сьвяткаваньня Дня Волі, праз тры месяцы адпушчаны зь СІЗА пад падпіску аб нявыезьдзе. Асуджаны на два гады абмежаваньня волі з прымусовымі працамі, быў прызнаны «Amnesty International» вязьнем сумленьня[2]; вызвалены 26 студзеня 1999. У 2000 падчас сьвяткаваньня Дню Волі ізноў быў затрыманы. У 2001 быў адным з абаронцаў Курапатаў падчас пабудовы МКАД[4], 8 лістапада быў жорстка зьбіты[2].

Жанаты. Мае двох дачок[5].

Памёр у 10-й клінічнай больніцы Менску ад анкалягічнага захворваньня[6].

Крыніцы[рэдагаваць | рэдагаваць крыніцу]

  1. ^ Пагоня: мастакі. Беларускі саюз мастакоўПраверана 20 чэрвеня 2014 г.
  2. ^ а б в Maksim. (19 чэрвеня 2014) Беларускаму мастаку і верніку Рыгору Кійко патрэбная дапамога Крыніца.INFO Праверана 20 чэрвеня 2014 г.
  3. ^ Вячаслаў, Ракіцкі (20 сьнежня 2007) Адзін дзень палітвязьня Рыгора Кійка Адзін дзень палітвязьня. Радыё «Свабода»Праверана 30 чэрвеня 2014 г.
  4. ^ Рыгор Кійко Свабоду палітвязьням! Праверана 20 чэрвеня 2014 г.
  5. ^ Ігар Карней. (20 сакавіка 2008) Р.Кійко: «З гонарам зноў усталюем нацыянальны сьцяг» Грамадзтва. Радыё «Свабода»Праверана 20 чэрвеня 2014 г.
  6. ^ Алесь Дашчынскі. (3 кастрычніка 2014) Памёр адзін зь першых палітвязьняў, мастак Рыгор Кійко Культура. Радыё «Свабода»Праверана 6 кастрычніка 2014 г.

Вонкавыя спасылкі[рэдагаваць | рэдагаваць крыніцу]