Рыбэйран-Прэту
| Рыбэйран-Прэту | |||||
| Населены пункт | |||||
 | |||||
| |||||
| Краіна | Бразылія | ||||
|---|---|---|---|---|---|
| Дата заснаваньня | 19 чэрвеня 1856 | ||||
| Кіраўніцтва і ўлада | |||||
| Заканадаўчы орган | municipal chamber of Ribeirão Preto[d] | ||||
| Геаграфія | |||||
| Плошча |
| ||||
| Вышыня НУМ | 546 ± 1 м і 583 м | ||||
| Часавы пас | UTC-3 | ||||
| Каардынаты | 21°10′42″ пд. ш. 47°48′24″ з. д.HGЯO | ||||
| Насельніцтва | |||||
| Колькасьць | |||||
| Этнахаронімы | ribeirão-pretano | ||||
| Лічбавыя ідэнтыфікатары | |||||
| Тэлефонны код | 16 | ||||
| Паштовы індэкс | 14000-000 | ||||
| Сайт | ribeiraopreto.sp.gov.br (парт.) | ||||
| Рыбэйран-Прэту на мапе Бразыліі   Рыбэйран-Прэту | |||||
Рыбэйра́н-Прэ́ту (па-партугальску: Ribeirão Preto) — горад, які месьціцца ў паўночна-ўсходняй частцы штату Сан-Паўлу, Бразылія. Паводле ацэнак на 2020 год колькасьць насельніцтва складала 711825 чалавек, а аглямэрацыя — 1178910 чалавек. Знаходзіцца за 313 км ад гораду Сан-Паўлу і за 706 км ад сталіцы краіны гораду Бразыліі. Акрамя канцэнтраваньня тэхналягічных прадпрыемстваў у горадзе, Рыбэйран-Прэту таксама зьяўляецца важным культурным цэнтрам. Сярод вядомых мерапрыемстваў, якія ладзяцца ў горадзе, варта вылучыць сельскагаспадарчы фэстываль «Агрышоў», рок-фэстываль Жуан і нацыянальную кніжную выставу, якая арганізуецца на двары.
Гісторыя
[рэдагаваць | рэдагаваць код]Горад паўстаў каля 1856 году як цэнтар сельскагаспадарчага рэгіёну. Асноўнай крыніцай прыбытку паселішча была кава ажно да 1929 году, калі яна страціла каштоўнасьць у параўнаньні з прамысловым сэктарам. У другой палове ХХ стагодзьдзя інвэстыцыі ў ахову здароўя, біятэхналёгіі, біяэнэргетыку і інфармацыйныя тэхналёгіі прывялі да таго, што ў 2010 годзе горад быў абвешчаны тэхналягічным цэнтрам рэгіёну.
Эканоміка
[рэдагаваць | рэдагаваць код]У наш час цукровы трысьнёг зьяўляецца галоўнай культурай, якая вырошчваецца ў сельскай мясцовасьці муніцыпалітэту. За трысьнёгам ідуць дробныя культуры, як то кукуруза, арахіс і соя. У горадзе вырабляюцца мэдычныя і стаматалягічныя матэрыялы, корм для жывёлаў, мяса, малочныя прадукты, тэкстыль, сталь, мэбля, будаўнічыя матэрыялы, аграхімія, фармацэўтыка і піва. У горадзе функцыянуе тэхналягічны парк, які ставіць сваёй мэтай падтрымку навукова-тэхнічнага разьвіцьця раёну, прыцягваючы кампаніі, якія інвэстуюць у дасьледаваньні і распрацоўку прадуктаў, арыентаваных на галіну аховы здароўя і біятэхналёгіяў.