Раман Грыбоўскі

Зьвесткі зь Вікіпэдыі — вольнай энцыкляпэдыі
Раман Грыбоўскі
Пэрсанальная інфармацыя
Нарадзіўся 17 ліпеня 1995(1995-07-17)[1] (28 гадоў)
Рост 183 см
Вага 84 кг[2]
Пазыцыя нападнік
Клюбная інфармацыя
Клюб Славія Мазыр
Нумар 7
Клюбы
Гады Клюб Гульні (галы)¹
2014—2015 Белшына 7 (0)
2016 Дняпро Магілёў 23 (2)
2017 Ліда 27 (8)
2018 Дняпро Магілёў 26 (5)
2019 Дняпро Магілёў[d] 19 (7)
2020 Менск 27 (6)
2021—2023 Нёман Горадня 38 (9)
2024—4 Славія Мазыр 1 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
15 сакавіка 2024.

Раман Грыбоўскі (нарадзіўся 17 ліпеня 1995 году) — беларускі футбаліст, нападнік мазырскай «Славіі».

Кар’ера[рэдагаваць | рэдагаваць крыніцу]

Пачынаў займацца футболам у родным Магілёве, пазьней вучыўся ў менскім РДВАР. З 2012 году выступаў за клюбны дубль «Белшыны». 5 ліпеня 2014 году дэбютаваў у асноўнай камандзе бабруйчанаў, выйшаўшы на замену на 79-й хвіліне ў матчы супраць «Слуцка» (0:1). У сэзоне 2015 году працягваў выступаць за дубль, але стаў часцей зьяўляцца ў асноўным складзе, шэсьць разоў выйшаўшы на замену ў матчах Найвышэйшай лігі.

З лютага 2016 году знаходзіўся на праглядзе ў магілёўскім «Дняпры». 11 сакавіка 2016 году склаў дамову з клюбам[3]. Паводле вынікаў сэзону 2016 году дапамог магілёўцам вярнуцца ў Найвышэйшую лігу. У лютым 2017 году стала вядома, што Грыбоўскі пакідае «Дняпро»[4]. У лютым 2017 году праходзіў прагляд у «Нафтане», але клюбу не спадабаўся[5]. У сакавіку прыбыў да табару «Ліды» і неўзабаве падпісаў кантракт[6]. Паводле вынікаў сэзону 2017 году з 8 галамі стаў найлепшым бамбардзірам каманды.

У студзені 2018 году накіраваўся на прагляд у менскі «Прамень». У лютым 2018 году пакінуў «Ліду»[7] і пазьней склаў угоду з сталічным клюбам[8]. Замацаваўся ў якасьці асноўнага нападніка менчукоў, з 6 галамі стаў найлепшым бамбардзірам каманды ў сэзоне. У пачатку 2019 году ў сувязі зь пераездам «Промня» ў Магілёў і аб’яднаньнем зь мясцовым «Дняпром» стаў гульцом аб’яднанае каманды, якая атрымала назву «Дняпро». Пачынаў сэзон 2019 году ў аснове магілёўцаў, аднак у красавіку атрымаў пашкоджаньне, вярнуўся на поле ў ліпені. Хутка замацаваўся ў пачатковым складзе, але ня выратаваў каманду ад вылету з Найвышэйшае лігі.

У студзені 2020 году праходзіў прагляд у казаскім клюбе «Кызылжар», аднак бакі не паразумеліся наконт умоваў[9]. У лютым стаў трэнавацца з «Менскам» і неўзабаве падпісаў кантракт[10]. У сэзоне 2020 году трывала зьяўляўся ў стартавым складзе менчукоў. У студзені 2021 году праходзіў прагляд у гарадзенскім «Нёмане» і неўзабаве афіцыйна стаў гульцом каманды[11]. У пачатку сэзону 2021 году праз траўму ня меў трывалага месца ў аснове, а зь ліпеня замацаваўся першай адзінаццатцы, з 7 галамі стаўшы найлепшым бамбардзірам «Нёмана» ў сэзоне. У лютым 2022 году падоўжыў супрацу з гарадзенскім клюбам[12]. Сэзон 2022 году амаль цалкам прапусьціў праз пашкоджаньне. Вярнуўшыся да шыхтаў 2023 годзе, выходзіў пераважна на замены.

У студзені 2024 году далучыўся да мазырскай «Славіі»[13].

Дасягненьні[рэдагаваць | рэдагаваць крыніцу]

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Белшына 2015 Найвышэйшая ліга 6 0
Дняпро Магілёў 2016 Першая ліга 23 2
Ліда 2017 Першая ліга 27 8
Прамень 2018 Найвышэйшая ліга 26 5

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]