Ральф Гютэр

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ральф Гютэр
Ральф Гютэр у 1976 г.
Ральф Гютэр у 1976 г.
Дата нараджэньня 20 жніўня 1946 (71 год)
Месца нараджэньня Крэфэльд, Брытанская акупацыйная зона (цяпер Паўночны Райн — Вэстфалія), Нямеччына
Прафэсіі музыка, кампазытар
Жанры электронная музыка, электра-поп, краўт-рок
Гурты Kraftwerk
http://www.kraftwerk.com/

Ральф Гю́тэр (па-нямецку: Ralf Hütter, нарадзіўся 20 жніўня 1946 году ў Крэфэльдзе, Нямеччына) — нямецкі музы́ка й кампазытар, адзін з заснавальнікаў легендарнага гурта Kraftwerk.

Біяграфія[рэдагаваць | рэдагаваць крыніцу]

Ральф Гютэр нарадзіўся й вырас у Крэфэльдзе, на захадзе Нямеччыны, у сям’і лекара. У сярэдзіне 1960-х граў на аргане ў поп-гуртах The Quartermasters і The Phantoms. Вучыўся на архітэктара ў Акадэміі Рэмшайду.

У 1968 г., разам з Флёрыянам Шнайдэрам заснаваў гурт Organisation, які ў 1970 г. быў перафармаваны ў Kraftwerk. У 1970-1973 гг. выйшла тры альбомы гурта, але посьпех прыйшоў у 1974 г., калі выйшаў альбом Autobahn. Гютэр называе сам сябе «канцэптуальным мозгам» Kraftwerk, тады як Флёрыян Шнайдэр быў адказным за гук. Большую частку вакальных партыяў гурта выканаў менавіта Гютэр[1].

Прыватнае жыцьцё[рэдагаваць | рэдагаваць крыніцу]

Ральф Гютэр зьяўляецца вэгетарыянцам. Акрамя нямецкай мовы вольна валодае ангельскай і францускай, у меншай ступені — італьянскай і гішпанскай. Зацяты раварыст (у 1983 г. трапіў у сур’ёзную аварыю)[2]

Крыніцы[рэдагаваць | рэдагаваць крыніцу]

  1. ^ ”Kraftwerk's Ralf Hütter: 'Now we can concentrate on album number nine'”. the Guardian.(анг.)
  2. ^ Bussy, s. 128

Літаратура[рэдагаваць | рэдагаваць крыніцу]

  • Bussy, Pascal (2001). Kraftwerk: Man, Machine and Music (2. ed.). Wembley: SAF. ISBN 0-946719-38-1

Вонкавыя спасылкі[рэдагаваць | рэдагаваць крыніцу]