Павал Ахрамчук
| Павал Ахрамчук | ||
| Пэрсанальная інфармацыя | ||
|---|---|---|
| Нарадзіўся | 18 чэрвеня 1993[1] (31 год) | |
| Рост | 190 см[3] | |
| Вага | 80 кг[4] | |
| Пазыцыя | брамнік | |
| Клюбная інфармацыя | ||
| Клюб | Паперпрам | |
| Нумар | 30 | |
| Клюбы | ||
| Гады | Клюб | Гульні (галы)¹ |
| 2013—2014 | Менск-2 | 39 (0) |
| 2015—2016 | Смалявічы | 30 (0) |
| 2017 | Мікашэвічы | 19 (0) |
| 2018 | Смалявічы | 0 (0) |
| 2019—2020 | Мікашэвічы | 22 (0) |
| 2020—2021 | Белшына | 12 (0) |
| 2022—2024 | Смаргонь | 53 (0) |
| 2024— | Паперпрам | 4 (0) |
|
¹ Колькасьць гульняў і галоў за прафэсійны клюб лічыцца толькі | ||
Па́вал Аляксандравіч Ахрамчу́к (нар. 18 чэрвеня 1993) — беларускі футбаліст, брамнік «Смаргоні».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец футбольнай акадэміі клюбу «Менск». У 2013 годзе брамнік быў пераведзены ў каманду «Менск-2», дзе гулец і дэбютаваў у матчы Першай лігі супраць клюбу «Бярозы-2010». Ахрамчук адразу ж зачапіўся за асноўны складу клюбу. На наступны год гулец страціў месца ў браме, застаючыся на лаве запасных, але часам зьяўляючыся на апошнім рубяжы абароны дружыны. Пасьля сэзону «Менск-2» быў расфармаваны, таму брамнік вольным агентам далучыўся да «Смалявічаў-СТІ». Не зважаючы на тое, што пераход у клюбу Менскай вобласьці адбыўся яшчэ ў лютым 2015 году, першы матч у колерах новай каманды футбаліст згуляў толькі 24 траўня ў матчы Першай лігі супраць «Гарадзеі». Адразу ж пасьля гэтага стаў выбарам нумар адзін трэнэра Дзьмітра Навіцкага, а потым і ягонага пераемніка Аляксандра Бразевіча. На пачатку сэзону 2016 году гулец падоўжыў супрацу з клюбам, але страціў месца ў першай адзінаццатцы. Толькі ў другой палове сэзону Ахрамчук вярнуў сабе месца ў браме.
У сакавіку 2017 году далучыўся да мікашэвіцкага «Граніту», дзе быў галоўным брамнікам клюбу. Праз год гулец вярнуўся ў «Смалявічы», якія сэзон 2018 году праводзілі ў Найвышэйшай лізе. Футбаліст быў толькі трэцім брамнікам каманды, прагуляўшы канкурэнцыю Анатолю Цімафееву і Яўгену Абрамовічу. Брамнік толькі аднойчы зьявіўся на полі ў матчы Кубка Беларусі супраць «Узды», які скончыўся на карысьць «Смалявічаў» зь лікам 2:3. У студзені 2019 году Ахрамчук праглядаўся ў гарадзенскім «Нёмане», але вынікаў гэта не прынесла[5]. Пазьней вярнуўся ў мікашэвіцкі «Граніт». Першы матч па вяртаньні згуляў 13 красавіка 2019 году супраць гомельскага «Лякаматыву». Адразу быў асноўным брамнікам клюбу, але ў другое палове сэзону страціў месца ў браме, саступіўшы яго Максіму Хутко. У 2020 годзе вярнуў сабе месца ў стартавым складзе, а ў ліпені далучыўся да бабруйскай «Белшыны»[6]. Дэбют за клюб прыпаў на матч Кубка Беларусі супраць рэчыцкага «Спадарожніка». У наступным быў рэзэрвовым брамнікам, але 28 лістапада 2020 году дэбютаваў у Найвышэйшай лізе ў матчы супраць берасьцейскага «Руху». Паводле вынікаў сэзону «Белшына» страціла месца ў элітным дывізіёне, а ў сьнежні гулец пакінуў клюб[7].
Гулец шукаў варыянты працягу кар’еры, але ў выніку вярнуўся да бабруйскай каманды. У сэзоне 2021 году, у якім клюб спаборнічаў ужо ў Першай лізе, брамнік згуляў 11 матчаў, чаргуючы матчы з Аляксеем Харытановічам. «Белшына» вярнула сабе месца ў Найвышэйшай лізе, але ў лютым 2022 году Ахрамчук склаў працоўную ўгоду з «Смаргоньню». У новым клюбе брамнік стаў фактычна недатыкальным нумарам адзін, адгуляўшы ўсе 24 матчы клюбу ў Першай лізе. Пасьля прасоўваньня смаргонцаў у найвышэйшы дывізіён Павал працягнуў абараняць клюбу браму ў матчах. У дэбютным матчы сэзону супраць сваёй колішняй каманды «Белшыны» даў рады і цудоўна правёў сустрэчу, дзякуючы чаму трапіў у сымбалічную зборную 1-га туру[8]. У адсутнасьць Крыстыяна Інтсоэна і Сяргея Ўсені выконваў у чатырох матчах лігі ролю капітана дружыны. Цягам усяго сэзону футбаліст быў першым брамнікам краіны. У лютым 2024 году Ахрамчук падоўжыў кантракт з «Смаргоньню»[9].
Міжнародная
[рэдагаваць | рэдагаваць крыніцу]У лістападзе 2010 году футбаліст атрымаў выклік у зборную Беларусі (да 18 гадоў), дзе потым на працягу году меў ролю рэзэрвовага брамніка. У верасьні 2011 году гулец дэбютаваў за зборную Беларусі (да 19 гадоў) у таварыскім матчы супраць зборнай Малдовы. У кастрычніку 2011 году Ахрамчук разам зь юнацкай зборнай браў удзел у кваліфікацыйных матчах чэмпіянату Эўропы да 19 гадоў.
Крыніцы
[рэдагаваць | рэдагаваць крыніцу]- ^ а б в https://www.pressball.by/footballstat/pavel_ohremchuk/
- ^ а б https://www.transfermarkt.com/pavel-okhremchuk/profil/spieler/174049
- ^ а б https://pressball.by/players/football/196/
- ^ а б https://www.teams.by/-/player-143/
- ^ Пять потенциальных новичков на просмотре в "Немане". Football.by.
- ^ Вратарь Павел Охремчук подписал контракт с ФК «Белшина». ФК «Белшына».
- ^ Ковалевский, Охремчук и Сазанович покинули ФК "Белшина". ФК «Белшына».
- ^ Football.by: cимволическая сборная 1-го тура высшей лиги 2023. Football.by.
- ^ Контракт со «Сморгонью» продлил основной вратарь. Football.by.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball