Аляксей Харытановіч
| Аляксей Харытановіч | ||
| Пэрсанальная інфармацыя | ||
|---|---|---|
| Нарадзіўся | 30 красавіка 1995[1] (29 гадоў) | |
| Рост | 185 см | |
| Вага | 80 кг[2] | |
| Пазыцыя | брамнік | |
| Клюбная інфармацыя | ||
| Клюб | Нафтан | |
| Нумар | 13 | |
| Клюбы | ||
| Гады | Клюб | Гульні (галы)¹ |
| 2012—2014 | Дынама Менск | 0 (0) |
| 2014 | → Бяроза-2010 | 4 (0) |
| 2015—2019 | Энэргетык-БДУ | 78 (0) |
| 2020—2023 | Белшына | 68 (0) |
| 2024— | Нафтан | 27 (0) |
| Зборныя | ||
| 2013 | Беларусь (да 19)[d] | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Аляксе́й Харытановіч (нарадзіўся 30 красавіка 1995 году) — беларускі футбаліст, брамнік наваполацкага «Нафтану».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец менскага «Дынама». З 2011 году пачаў выступаць за клюбны дубль. З 2012 году пачаў таксама прыцягвацца да асноўнай каманды, дзе звычайна быў трэцім брамнікам. У афіцыйных матчах у кашулі «Дынама» гэтак і не дэбютаваў. У 2014 годзе быў аддадзены ў арэнду клюбу «Бяроза-2010», аднак праз траўмы правёў толькі 5 матчаў, зь якіх чатыры гульні прыпала на Першую лігу ды яшчэ адзін матч згуляў у Кубку Беларусі. У 2015 году перайшоў у «Зорку-БДУ». Спачатку быў другім брамнікам каманды за Раманам Бабаевым, але пазьней пачаў часьцей зьяўляцца на полі і замацаваўся як асноўны брамнік каманды, якая ў 2017 годзе зьмяніла назву на «Энэргетык-БДУ». Канец cэзону 2017 году прапусьціў праз траўмы, а ў другой палове 2018 году таксама не гуляў.
У студзені 2019 году пакінуў «Энэргетык-БДУ»[3]. Пасьля праходзіў прагляд у «Белшыне», аднак у лютым вярнуўся ў сталічную каманду і пачаў у ейным складзе cэзон 2019 году ў Найвышэйшай лізе. Спачатку звычайна гуляў у пачатковым складзе, зь верасьня пачаў пераважна заставацца на лаўцы запасных. У лютым 2020 году ўсё ж такі стаў гульцом бабруйскай «Белшыны»[4]. У cэзоне 2020 году спачатку чаргаваўся ў складзе зь Сяргеем Туранком, пасьля замацаваўся ў якасьці галоўнага брамніка, але ня выратаваў каманду ад вылету ў Першую лігу. У cэзоне 2021 году быў адным зь нешматлікіх футбалістаў, якія засталіся ў камандзе з папярэдняга cэзону, а таксама быў капітанам бабруйскага клюбу. Спачатку гуляў у асноўным складзе, пасьля чаргаваўся з Паўлам Ахрамчуком. Паводле вынікаў cэзону дапамог «Белшыне» вярнуць месца ў Найвышэйшай лізе. У лютым 2022 году падоўжыў кантракт з бабруйскім клюбам[5]. Сэзон 2022 году амаль цалкам прапусьціў праз пашкоджаньні. У 2023 годзе вярнуўся да шыхтаў клюбу і зноў стаў капітанам каманды.
У студзені 2024 году пакінуў «Белшыну»[6], якая страціла месца ў элітным дывізіёне, і неўзабаве далучыўся да наваполацкага «Нафтану»[7][8].
Міжнародная
[рэдагаваць | рэдагаваць крыніцу]У кастрычніку 2013 году ў складзе зборнай Беларусі (да 19 гадоў) браў удзел у кваліфікацыйным раўдзе чэмпіянату Эўропы, дзе выйшаў на гульнявую пляцоўку толькі ў адным матчы.
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Энэргетык-БДУ | 2017 | Першая ліга | 22 | –18 |
| 2018 | Першая ліга | 11 | –6 | |
Крыніцы
[рэдагаваць | рэдагаваць крыніцу]- ^ а б в Aleksey Kharitonovich // Transfermarkt (мн.) — 2000.
- ^ а б в г http://fcbelshina.by/komanda/osnovnoy-sostav/46686-kharitonovich-a-a
- ^ Группа футболистов покинула "Энергетик-БГУ" (рас.)
- ^ Глебко, Харитонович и Ясюкевич подписали контракты с "Белшиной". Еще три игрока продлили соглашения с клубом (рас.)
- ^ Харитонович продолжит защищать ворота "Белшины" в новом cезоне (рас.)
- ^ "Белшина" рассталась с капитаном (рас.)
- ^ Алексей Харитонович и Михаил Колядко заключили контракты с "Нафтаном" (рас.)
- ^ Владимир Филипенко (2024-01-18) Знакомьтесь, «Нафтан-Новополоцк»! (рас.). Вестник Нафтана.(недаступная спасылка)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)