Нім

	Нім
	франц. Nîmes
Герб Німу
Краіна:	Францыя
Рэгіён:	Аксытанія
Дэпартамэнт:	Гар
Кіраўнік:	Жан-Поль Фурнье[d]
Плошча:	161,85 км²;
Насельніцтва:	▼147 496 чал. (1 студзеня 2020);
Тэлефонны код:	466
Паштовы індэкс:	30000, 30900
Геаграфічныя каардынаты:	43°50′18″ пн. ш. 4°21′35″ у. д. / 43.83833° пн. ш. 4.35972° у. д.Каардынаты: 43°50′18″ пн. ш. 4°21′35″ у. д. / 43.83833° пн. ш. 4.35972° у. д.
	Нім на мапе Францыі Нім
	Галерэя здымкаў у Вікісховішчы
	http://www.nimes.fr

Нім (па-француску: Nîmes, па-аксытанску: Nimes) — горад на поўдні Францыі, адміністрацыйны цэнтар дэпартамэнту Гар, у рэгіёне Аксытанія. У 2016 годзе колькасьць насельніцтва складала 151 001 чалавек.

Геаграфія[рэдагаваць | рэдагаваць крыніцу]

Нім разьмешчаны на мяжы Праванса, у 35 км на поўнач ад міжземнаморскага ўзьбярэжжа, у 20 км на захад ад Роны, ля падножжа плято Гарыг.

Гісторыя[рэдагаваць | рэдагаваць крыніцу]

Нім (лац. Nemausus) у старажытнасьці быў сталіцай гальскага племені Волька-арэкомікаў, якія былі заваяваны рымлянам ў 121 годзе да н. э. На месцы кельцкага селішча імпэратар Актавіян Аўгуст заснаваў новы горад. Дзякуючы ўдаламу месцазнаходжаньню ў вінаробным рэгіёне й прадастаўленым імпэратарамі прывілеям, Нім стаў адным з самых буйных гарадоў Паўднёвай Францыі. У V стагодзьдзі яго разрабавалі вандалы й вэстготы, за якімі ў VIII стагодзьдзі прыйшлі арабы, выгнаныя ў 737 годзе.

З X стагодзьдзя Нім уваходзіў ва ўладаньні графаў Тулюскіх, быў агменем руху альбігойцаў. У 1229 годзе далучаны да дамэну караля Францыі. У XVI стагодзьдзя грамадзяне прынялі пратэстантызм. Пасьля адмены Нанцкага эдыкта тут назіраліся хваляваньні гугенотаў.