Мюлюз

Мюлюз
	Мюлюз
	Населены пункт
Сьцяг	Герб
Краіна	Францыя
Рэгіён	Гранд-Эст
Дэпартамэнт	Верхні Райн
Кіраўніцтва і ўлада
Mayor of Mulhouse[d]	Мішэль Люц[d]
Геаграфія
Плошча	22,18 км²;
Вышыня НУМ	240 м, 231 м, 336 м і 249 м
Каардынаты	47°44′58″ пн. ш. 7°20′24″ у. д.HGЯO
Насельніцтва
Колькасьць	▲104 978 чал. (1 студзеня 2023);
Этнахаронімы	Mulhousien і Mulhousienne
Лічбавыя ідэнтыфікатары
Паштовы індэкс	68100 і 68200
Узнагароды	French Towns and Lands of Art and History[d] (сьнежань 2008)
Сайт	mulhouse.fr (фр.)
	Мюлюз на мапе Францыі Мюлюз

Мюлюз (па-француску: Mulhouse, па-нямецку: Mülhausen — Мюльгаўзэн) — горад у Францыі, найбуйнейшы горад дэпартамэнту Верхні Райн, у рэгіёне Гранд-Эст (да 1 студзеня 2016 у складзе рэгіёну Эльзас). Насельніцтва гораду складала 108 999 чалавек, паводле зьвестак на 2016 год.

Геаграфія

Горад месьціцца на ўсходзе краіны, амаль на мяжы з Швайцарыяй і Нямеччынай.

Гісторыя

Паводле легенды горад быў заснаваны ў 58 годзе да н. э., але першыя пісьмовыя згадкі пра Мюлюз датуюцца XII стагодзьдзем. Горад быў часткай паўднёвага эльзаскага графства Зундгаў у складзе Сьвятой Рымскай імпэрыі. З 1354 па 1515 гады Мюлюз быў часткай Дэкаполю, аб’яднаньня дзесяці вольных імпэрскіх гарадоў у Эльзасе. Горад далучыўся да Швайцарскай Канфэдэрацыі ў 1515 годзе, таму, калі ў 1648 годзе паводле Вэстфальскага пагадненьня ў Зундгаў быў далучаны да Францыі, горад застаўся анклявам у складзе Швайцарыі. Аднак паводле галасаваньня грамадзянаў гораду 4 студзеня 1798 году горад стаў часткай Францыі.

Пасьля перамогі Прусіі ў Франка-прускай вайне Мюлюз быў далучаны да Нямецкай імпэрыі, як частка тэрыторыі Эльзас-Лятарынгія, якая праіснавала з 1870 па 1918 гады. Горад быў на некаторы час заняты францускімі войскамі 8 жніўня 1914 году ў пачатку Першай сусьветнай вайны, але яны былі вымушаныя адступіць праз два дні пасьля бітвы пры Мюлюзе.

Разьвіцьцё гораду базавала ў асноўным спачатку на пашырэньні тэкстыльнай прамысловасьці, а затым на хімічнай прамысловасьці й машынабудаваньні, пачынаючы зь сярэдзіны XVIII стагодзьдзя. Мюлюз доўгі час называлі францускім Манчэстэрам.