Дзяржаўны камэрны аркестар Беларусі

Дзяржаўны камэрны аркестар Беларусі
Гады	з 25 сакавіка 1968 (56 гадоў таму)
Месца ўтварэньня	Менск
Жанр	клясычная музыка
Выдавец	«Беларуская дзяржаўная філярмонія»
Удзельнікі	Яўген Бушкоў, Алег Подаў, Канстанцін Сідарук, Алена Сердзюкова, Аляксандар Сердзюкоў, Марына Рамейка
Былыя ўдзельнікі	Алег Янчанка, Юры Цырук, Эрнст Райль, Пётар Вандзілоўскі
belsco.net

Дзяржаўны камэрны аркестар Беларусі — заслужаны аркестар Беларусі, заснаваны ў сакавіку 1968 году пры «Беларускай дзяржаўнай філярмоніі».

Мінуўшчына

25 сакавіка 1968 году ў склад Менскага камэрнага аркестру Беларускай дзяржаўнай філярмоніі атрымалі залічэньне 10 музыкаў: віяланчэліст Алег Алоўнікаў, Л.Л. Ластаўка, В.А. Лагвіненка, У.П. Рылатка, І.Р. Штэйн, В.П. Гурына, В.М. Зяленін, В.Я. Прыцкер, В.А. Хадыка і арганіст Алег Янчанка. 29 лістапада 1969 году кіраўніком аркестру стаў віяланчэліст Юры Цырук, які ў траўні 1969 году ўвёў у праграму 14-ю сымфонію Дзьмітрыя Шастаковіча. Пад яго кіраўніцтвам сумесна з аркестрам гралі і сьпявалі 9 народных артыстаў: опэрная сьпявачка Ірына Архіпава(ru), піяніст Сьвятаслаў Рыхтэр(be), армянская сьпявачка Зара Далуханава(be), піяністка Тацяна Нікалаева(ru), віяланчэлістка Натальля Гутман(ru), скрыпачка Тацяна Грындзенка(uk), піяністы Міхаіл Васкрасенскі(ru) і Міхаіл Плятнёў(ru), грузінская піяністка Элісо Вірсаладзэ(uk). 31 сьнежня 1984 году дырыгент Ігар Галаўчын зладзіў навагодні капусьнік, падчас якога адбылася прэм’ера опэры «Раймонда» Ігара Паліводы. На пачатку ж прагучала опэра Дамэніка Чымарозы «Дырыгент аркестра» ў выкананьні Віктара Скорабагатава.

У 1987 годзе скрыпач Аляксандар Палянічка атрымаў 1-ю прэмію на Ўсесаюзным конкурсе дырыгентаў, пасьля чаго ўзначаліў Менскі камэрны аркестар, які зрабіў Дзяржаўным камэрным аркестрам Беларусі. 23 красавіка 1991 году пад кіраўніцтвам Віктара Собалева выканалі опэру Вольфганга Моцарта «Выкраданьне з Сэралю». 23 кастрычніка 1991 году аркестар выканаў на фэстывалі «Адраджэньне беларускай капэлы» 3 палянэзы Мацея Радзівіла і партытуру опэры «Агатка» Яна Голанда. 30 кастрычніка 1991 году ў кампазытарскай вэрсіі Зьмітра Смольскага выканалі драму-опэру Міхала Цяцерскага «Апалён-заканадаўца», якую ў 1789 годзе ўпершыню ставілі вучні Забельскага дамініканскага калегіюму. У 1993 годзе Эрнст Райль зладзіў выкананьне «Царкоўнай імшы» і «Малай арганнай імшы» Ёзэфа Гайдна, канцэртнай сымфоніі для струнных, арфы, фагота і фартэпіяна Зьмітра Бартнянскага. У 2004—2009 гадах дырыгент Пётар Вандзілоўскі адзначыўся гастролямі па Гішпаніі, Італіі, Нідэрляндах, Нямеччыне, Расеі і Турэччыне. З 2010 году на запрашэньне дырыгента Яўгена Бушкова з аркестрам выступілі аўстрыйскі піяніст Паўль Бадура-Шкода, расейскія піяніст Дзяніс Кажухін(ru), баяніст Фрыдрых Ліпс(ru) і актор Веньямін Сьмехаў(ru), нарвэскі музыка Абрам Безаен і ангельская опэрная сьпявачка Ала Аблабердыева. Упершыню ў Беларусі паставілі творы індыйскага кампазытара Хідаята Хана(en) і ангельца Бэнджаміна Брытэна(en), а таксама апрацоўкі для камэрнага аркестру квартэтаў Ёзэфа Мысьлівечака(be) (Чэхія), Люіджы Керубіні і Ёганэса Брамса. Прэм’еры сваіх твораў пабачылі 5 кампазытараў: аўстрыец Эрык Фрайтаг(de), Сяргей Картэс, Ларыса Сімаковіч, Галіна Гарэлава(be) і Яфрэм Падгайц.

Дырыгенты

• Алег Янчанка (1968—1969)
• Юры Цырук (1969—1977)
• Аляксей Вінаградаў (1977—1978)
• Юры Цырук (1978—1985)
• Ігар Галаўчын (1985—1987)
• Аляксандар Палянічка (1987—1989)
• Віктар Собалеў (1989—1992, Расея)
• Эрнст Райль (1993—1999)
• Зьміцер Зубаў (1999—2001, Расея)
• Уладзімер Байдаў (2001—2003)
• Пётар Вандзілоўскі (2003—2009)
• Яўген Бушкоў (з 2009-га, Расея)

Вонкавыя спасылкі

• Кантакты (рас.) // Дзяржаўны камэрны аркестар Беларусі, 2020 г. Праверана 8 студзеня 2020 г.
• Старонка на Ютубе