Корпус-Крысьці
| Корпус-Крысьці | |||
| Населены пункт | |||
 | |||
| |||
| Краіна | ЗША | ||
|---|---|---|---|
| Штат | Тэхас | ||
| Дата заснаваньня | 1680 | ||
| Кіраўніцтва і ўлада | |||
| Mayor of Corpus Christi, Texas[d] | Палет Гахарда[d][1] | ||
| Геаграфія | |||
| Плошча | 1192 км² | ||
| Вышыня НУМ | 2 м | ||
| Часавы пас | CDT[d] | ||
| Каардынаты | 27°44′34″ пн. ш. 97°24′07″ з. д.HGЯO | ||
| Насельніцтва | |||
| Колькасьць |
| ||
| Лічбавыя ідэнтыфікатары | |||
| Тэлефонны код | 361 | ||
| Паштовы індэкс | 78401, 78402, 78403, 78404, 78405, 78406, 78407, 78408, 78409, 78410, 78411, 78412, 78413, 78414, 78415, 78416, 78417, 78418, 78419, 78426, 78427, 78460, 78463, 78465, 78466, 78467, 78468, 78469 і 78480 | ||
| Сайт | Cctexas.com | ||
| Корпус-Крысьці на мапе ЗША ±   Корпус-Крысьці | |||
Ко́рпус-Кры́сьці (па-ангельску: Corpus Christi) — места штату Тэхас, ЗША. Паводле перапісу 2020 году насельніцтва места сягала 317 863 чалавек, што робіць яго восьмым паводле велічыні горадам Тэхасу. Ён месьціцца на беразе аднайменнай бухты за 210 км на паўднёвы ўсход ад Сан-Антоніё і за 335 км на паўднёвы захад ад Г’юстану. Ягоны порт уважаецца за пяты паводле велічыні порт у краіне. Рэгіён абслугоўваецца міжнародным аэрапортам Корпус-Крысьці. Тут таксама месьціцца вайсковая база ўзброеных сілаў ЗША, дзе ладзіцца падрыхтоўка вайсковых лётчыкаў.
Гісторыя
[рэдагаваць | рэдагаваць код]
У 1519 годзе гішпанец Алёнса Альварэс дэ Пінэда дасягнуў бухты, дзе сёньня месьціцца горад, у дзень сьвята Божага Цела, таму назваў паўтрапічную бухту як Корпус-Крысьці[3]. Мажліва, Кабэса дэ Вака вандраваў праз тэрыторыю сучаснага Карпус-Крысьці ў XVI стагодзьдзі, але першым эўрапейцам, які дасьледаваў раку Нуэсэс і бухту, дакладна быў Хаакін дэ Аробіё-і-Бастэр у 1747 годзе. Празь некалькі гадоў Хасэ дэ Эскандон арганізаваў калёнію з прыкладна 50 сем’яў на беразе бухты, але яна праіснавала нядоўга[4].
У 1839 годзе палкоўнік Гэнры Кіні і Ўільям П. Обры заснавалі першае вядомае сталае паселішча. Гэта быў невялікі гандлёвы пост, які прадаваў тавары мэксыканскай рэвалюцыйнай арміі, што стаяла лягерам прыкладна за 40 км на захад[5]. У ліпені 1845 году тут разьмесьціліся войскі ЗША пад камандаваньнем генэрала Закары Тэйлара, якія рыхтаваліся да вайны з Мэксыкай і стаялі тут да сакавіка 1846 году. Прыблізна праз год паселішча атрымала назву Корпус-Крысьці, а пазьней 9 верасьня 1852 году было інкарпараванае[6]. Бітва за Карпус-Крысьці адбылася 12—18 жніўня 1862 году падчас грамадзянскай вайны ў ЗША. Вайскова-марскія сілы ЗША, якія блякавалі Тэхас, правялі невялікі бой на моры і сухазем’і з канфэдэратамі ў раёне бухты, таксама абстрэлеўшы горад. Флёт ЗША зьнішчыў караблі Канфэдэрацыі, але высадка на ўзьбярэжжа была адбітая[7].
У лютым 1929 году ў Карпус-Крысьці была заснаваная Ліга аб’яднаных лацінаамэрыканцкіх грамадзянаў, якая ўзяла за мэту барацьбу з расавай дыскрымінацыяй гішпанамоўных жыхароў у ЗША. Сёньня сядзіба арганізацыі месьціцца ў Вашынгтоне[8]. У 1919 годзе ў месьце адбылася бура, якая спустошыла горад, забіўшы сотні людзей. У раёне Норт-Біч захаваліся толькі тры будынкі[9]. Дзеля абароны гораду ў будучыні пазьней была пабудаваная марская дамба. Горад таксама пацярпеў ад ураганаў Сэлія ў 1970 годзе і Ален у 1980 годзе.
Крыніцы
[рэдагаваць | рэдагаваць код]- ↑ https://www.cctexas.com/mayor
- ↑ перапіс насельніцтва ЗША 2020 году / пад рэд. Бюро перапісу насельніцтва ЗША
- ↑ The Spanish - Padre Island National Seashore. National Park Service (05.2017). Архіўная копія ад 04.2021 г.
- ↑ Corpus Christi, TX. Texas State Historical Association (06.2010). Архіўная копія ад 07.2018 г.
- ↑ Corpus Christi, History, Historical, Interesting. Downtowncorpuschristi.com. Архіўная копія ад 03.2009 г.
- ↑ Official web site for City of Corpus Christi, Texas. Cctexas.com. Архіўная копія ад 28.01.2016 г.
- ↑ TSHA | Corpus Christi, Battle of Архіўная копія ад 22.10.2019 г.
- ↑ League of United Latin American Citizens. Texas State Historical Association.
- ↑ MURPHY GIVENS: Storm of the century swept across North Beach Архіўная копія ад 06.09.2015 г.
