Ларэда
| Ларэда | |||||
| Населены пункт | |||||
 | |||||
| |||||
| Краіна | ЗША | ||||
|---|---|---|---|---|---|
| Штат | Тэхас | ||||
| Дата заснаваньня | 1755 | ||||
| Кіраўніцтва і ўлада | |||||
| mayor of Laredo[d] | Віктар Трэвіна[d][1] | ||||
| Геаграфія | |||||
| Плошча | 233,12 км² | ||||
| Вышыня НУМ | 137,2 м | ||||
| Каардынаты | 27°31′25″ пн. ш. 99°29′25″ з. д.HGЯO | ||||
| Насельніцтва | |||||
| Колькасьць | 236 091 чал. (2010) | ||||
| Этнахаронімы | Laredoan і laredanus | ||||
| Лічбавыя ідэнтыфікатары | |||||
| Тэлефонны код | 956 | ||||
| Паштовы індэкс | 78040, 78041, 78042, 78043, 78044, 78045 і 78046 | ||||
| Сайт | cityoflaredo.com | ||||
| Ларэда на мапе ЗША ±   Ларэда | |||||
Ларэ́да (па-ангельску: Laredo) — места штату Тэхас, ЗША. Места разьмешчанае на паўночным беразе ракі Рыё-Грандэ ў паўднёвай частцы штату, а на супрацьлеглым беразе месьціцца мэксыканскае места Нуэва-Лярэда. Ларэда вырасла ад невялікага паселішча да сталіцы кароткачасовай Рэспублікі Рыё-Грандэ, а пазьней стала найбуйнейшым унутранага портам на мэксыканскай мяжы. Эканоміка места грунтуецца перадусім на гандлі з Мэксыкай, зьяўляючыся буйным транспартным вузлом. Дзель лацінаамэрыканскага насельніцтва ў Ларэдзе сягае 95,15%, што ёсьць адным з найвышэйшых паказьнікаў у ЗША без уліку Пуэрта-Рыка[2].
Гісторыя
[рэдагаваць | рэдагаваць код]
Гішпанскае каляніяльнае паселішча Вільля-дэ-Сан-Агустын-дэ-Лярэда было заснаванае ў 1755 годзе донам Тамасам Санчэсам дэ ля Барэрам, калі тэрыторыя ўваходзіла ў склад рэгіёну Нуэва-Сантандэр віцэ-каралеўства Новая Гішпанія. Назва паходзіла ад гішпанскага места Лярэда ў Кантабрыі, а таксама сьвятога Аўгустына. У 1840 годзе Ларэда стала сталіцай незалежнай Рэспублікі Рыё-Грандэ, створанай у апазыцыі да палітыкі Антоніё Лёпэса дэ Санта-Анны, але пазьней места была сілай вернутая пад кантроль Мэксыкі.
У час Амэрыканска-мэксыканскай вайны ў 1846 годзе горад быў заняты тэхаскімі рэйджарамі. Па вайне паводле дамовы Гуадалюпэ-Ідальга тэрыторыя была перададзеная ЗША. У горадзе правялі рэфэрэндум, згодна з вынікамі якога жыхары прагаласавалі за тое, каб зьвярнуцца да амэрыканскай вайсковай адміністрацыі з просьбай вярнуць горад Мэксыкі. Калі просьба была адхіленая, многія сем’і, што жылі тут пакаленьнямі, перасяліліся праз раку на мэксыканскі бок і заснавалі Нуэва-Лярэду. Іншыя, асабліва ўладальнікі зямельных надзелаў на паўночным беразе Рыё-Грандэ, засталіся і сталі тэхасцамі. У 1852 годзе Ларэда была паўторна інкарпараваная як горад.
