Ке́дравая рэвалю́цыя (па-арабску: ثورة الأرز), таксама Незале́жніцкае паўста́ньне (араб. انتفاضة الاستقلال) — шэраг дэманстарцыяў у Лібане (найперш у сталіцы Бэйруце), выкліканыя забойствам экс-прэм’ераРафіка Гарыры. Пратэстоўцы патрабавалі сыходу сырыйскіх акупацыйных войскаў, якія разьмяшчаліся тут з 1976 року; зьмены ўлады на незалежную ад Сырыі; стварэньня міжнароднай камісіі па рассьледаваньні забойства Гарыры, звальненьня сілавікоў і правядзеньня вольных парлямэнцкіх выбараў.
Дэманстрацыі адзначаліся адсутнасьцю гвалту з выкарыстаньнем мірных спосабаў грамадзянскага супраціву. Сымбалямі рэвалюцыі сталі бела-чырвоны шалік і сыняя стужка. У выніку пратэстаў Сырыя цалкам вывела зь Лібіі свой 14-тысячны кантынгент. 19 красавіка прасырыйскі ўрад Амара Карамі падаў у адстаўку, пасьля чаго адбыліся ўсеагульныя выбары і пад эгідай ААН быў створаны Спэцыяльны трыбунал па Лібане.
