Касьцёл Найсьвяцейшай Тройцы (Высокае)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Найсьвяцейшай Тройцы.

Помнік сакральнай архітэктуры
Касьцёл Найсьвяцейшай Тройцы
Касьцёл Найсьвяцейшай Тройцы
Краіна	Беларусь
Места	Высокае
Каардынаты	52°22′16.70″ пн. ш. 23°22′16″ у. д. / 52.3713056° пн. ш. 23.37111° у. д. / 52.3713056; 23.37111Каардынаты: 52°22′16.70″ пн. ш. 23°22′16″ у. д. / 52.3713056° пн. ш. 23.37111° у. д. / 52.3713056; 23.37111
Канфэсія	Каталіцкая царква
Эпархія	Пінская дыяцэзія
Заснавальнік	Вітаўт
Касьцёл Найсьвяцейшай Тройцы на мапе Беларусі Касьцёл Найсьвяцейшай Тройцы
Касьцёл Найсьвяцейшай Тройцы на Вікісховішчы

Фарны касьцёл Найсьвяцейшай Тройцы — помнік архітэктуры XVII—XVIII стагодзьдзяў у Высокім. Знаходзіцца ў заходняй частцы места, паміж гістарычнымі вуліцамі Касьцельнай і Пераскокам^[a]. Дзейнічае. Твор архітэктуры барока, часткова зруйнаваны савецкімі ўладамі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя[рэдагаваць | рэдагаваць крыніцу]

Касьцёл і замак. Н. Орда, 1876 г.

Вялікае Княства Літоўскае[рэдагаваць | рэдагаваць крыніцу]

Першы касьцёл у Высокім заснаваў у XV ст. вялікі князь Вітаўт.

У 1603—1608 гадох з фундацыі падчашага Андрэя Войны збудавалі мураваны Фарны касьцёл, які двойчы рэканструявалі — у 1735 і 1772 гадох.

Пад уладай Расейскай імпэрыі[рэдагаваць | рэдагаваць крыніцу]

Па трэцім падзеле Рэчы Паспалітай (1795 год), калі Высокае апынулася ў складзе Расейскай імпэрыі, касьцёл працягваў дзейнічаць. У 1872 годзе будынак касьцёла аднавілі за кошт Марыі Патоцкай.

Найноўшы час[рэдагаваць | рэдагаваць крыніцу]

У 1935 годзе касьцёл меў 2200 парафіянаў. Па Другой сусьветнай вайны савецкія ўлады зачынілі касьцёл і часткова зруйнавалі яго будынак дзеля пераробкі пад спартовую залю.

У 1990 годзе будынак касьцёла вярнулі каталікам, пачалося яго аднаўленьне.

Архітэктура[рэдагаваць | рэдагаваць крыніцу]

Помнік архітэктуры барока. Гэта 2-вежавая базыліка з трансэптам і сыгнатуркай над скрыжаваньнем з асноўным аб’ёмам. З бакоў галоўнага фасаду, завершанага 2-гранным атыкам і падзеланага пілястрамі, узвышаюцца высунутыя 4-ярусныя вежы. У цэнтры прастакутны ўваходны праём, над якім разьмяшчаўся рэльефны лацінскі крыж. Вуглы ярусаў вежаў аздабляюцца пілястрамі^[1].

Галерэя[рэдагаваць | рэдагаваць крыніцу]

Гістарычныя здымкі
1905 г.
1915—1918 гг.
1915—1918 гг.
да 1939 г.

да 1939 г.
Ю. Клос, 1930 г.
1933 г.
1934 г.

1930 гг.
1939 г.
1941—194 гг.
1941—194 гг.

Заўвагі[рэдагаваць | рэдагаваць крыніцу]

^ Цяперашні афіцыйны адрас — вуліца Леніна, 22

Крыніцы[рэдагаваць | рэдагаваць крыніцу]

^ Кулагін А. Каталіцкія храмы Беларусі. — Менск, 2008. С. 73.

Літаратура[рэдагаваць | рэдагаваць крыніцу]

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі[рэдагаваць | рэдагаваць крыніцу]

Касьцёл Найсьвяцейшай Тройцы ў Высокім, Radzima.org

[1] Цяперашні афіцыйны адрас — вуліца Леніна, 22

[2] Кулагін А. Каталіцкія храмы Беларусі. — Менск, 2008. С. 73.

[a]

[1]