Перайсьці да зьместу

Капліца Сьвятой Барбары (Высокае)

Зьвесткі зь Вікіпэдыі — вольнай энцыкляпэдыі
Помнік сакральнай архітэктуры
Капліца Сьвятой Барбары
Капліца Сьвятой Барбары
Капліца Сьвятой Барбары
КраінаБеларусь
МестаВысокае
Каардынаты52°22′23″ пн. ш. 23°22′34″ у. д.HGЯO
Архітэктурны стыльбарока і барокавая архітэктура[d]
Дата заснаваньня1772
Статусгісторыка-культурная каштоўнасьць Рэспублікі Беларусь
Капліца Сьвятой Барбары на мапе Беларусі
Капліца Сьвятой Барбары
Капліца Сьвятой Барбары
Капліца Сьвятой Барбары

Капліца Сьвятой Барбары — помнік архітэктуры XVIII стагодзьдзя ў Высокім. Знаходзіцца ў паўночна-заходняй частцы места, на ўзвышаным беразе ракі Пульвы[a]. Дзее. Твор архітэктуры барока, часткова зруйнаваны савецкімі ўладамі. Аб’ект Дзяржаўнага сьпісу гістарычна-культурных каштоўнасьцяў Беларусі.

Вялікае Княства Літоўскае

[рэдагаваць | рэдагаваць код]

Мураваную капліцу ў Высокім збудавалі ў 1772 годзе.

Пад уладай Расейскай імпэрыі

[рэдагаваць | рэдагаваць код]

Па трэцім падзеле Рэчы Паспалітай (1795 год), калі Высокае апынулася ў складзе Расейскай імпэрыі, капліца працягвала дзеяць. 7 сьнежня 1869 году па закрыцьці расейскімі ўладамі Траецкага касьцёла ў Воўчыне яго маёмасьць перанесьлі ў капліцу.

Па 1970 годзе савецкія ўлады часткова зруйнавалі будынак капліцы.

У 1990-я гады будынак капліцы вярнулі каталікам, пачалося яго аднаўленьне.

Помнік архітэктуры барока. Невялікі 8-гранны аб’ём накрываўся шатровым дахам, які завяршаўся фігурным ліхтаром з купалам (чыгуннае ліцьцё, не захаваўся). Грані аздабляюцца роўнымі лучковымі нішамі і вокнамі ў прафіляваных ліштвах, кутнімі лапаткамі, гарызантальнымі цягамі цокаля і карніза.

Усярэдзіне сьцены дэкаруюцца ляпным расьлінным арнамэнтам, рэльефнымі выявамі вайсковых дасьпехаў. Над уваходам на 2 слупах разьмяшчаюцца хоры з ажурнай разной агароджай[1].

  1. ↑ Цяперашні афіцыйны адрас — вуліца Беляева, 15.
  1. ↑ Кулагін А. Каталіцкія храмы Беларусі. — Менск, 2008. С. 72.
  • Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

[рэдагаваць | рэдагаваць код]
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000035