Завышша
| Завышша | |
| трансьліт. Zavyšša | |
| Краіна: | Беларусь |
| Вобласьць: | Берасьцейская |
| Раён: | Янаўскі |
| Сельсавет: | Махроўскі |
| Насельніцтва: | 201 чал. (2009) |
| Часавы пас: | UTC+3 |
| Тэлефонны код: | +375 1652 |
| Паштовы індэкс: | 225809 |
| Нумарны знак: | 1 |
| Геаграфічныя каардынаты: | 52°0′2″ пн. ш. 25°41′16″ у. д. / 52.00056° пн. ш. 25.68778° у. д.Каардынаты: 52°0′2″ пн. ш. 25°41′16″ у. д. / 52.00056° пн. ш. 25.68778° у. д. |
Завышша на мапе Беларусі ±   Завышша | |
Завы́шша[1] — вёска ў Янаўскім раёне Берасьцейскай вобласьці Беларусі. Завышша ўваходзіць у склад Махроўскага сельсавету. На ўсходзе вёскі знаходзіцца Завішчанскае возера. Вёска знаходзіцца ў пагранічнай зоне[2].
Гісторыя
[рэдагаваць | рэдагаваць крыніцу]Завішша знаходзілася ва ўласнасьці Пуслоўскіх. Войцех Пуслоўскі (1877—1961), уладальнік вёскі, пабудаваў тут каля возера палац, вакол якога разьмясьціў парк. Будынак палацу быў з цэглы, двухпавярховы, пабудаваны чатырохкутнікам, на высокіх жылых склепах. У яго фасадзе, з выглядам на возера, было тры рызаліты, перад сярэднім былі порцікі, зь вялікім ордарам увянчаны трохкутным франтонам, абапёртым на дзьве пары іянічных калён.
Апошнім уласьнікам Завішша ў 1939 годзе быў Караль Войцех Пуслоўскі[3].
Палац быў зьнішчаны падчас Другой сусьветнай вайны. Пасьля вайны піянэры разабралі руіны на цэглу[3].
Да 2013 году вёска ўваходзіла ў склад Бродніцкага сельсавету[4].
Насельніцтва
[рэдагаваць | рэдагаваць крыніцу]- 2009 год — 201 чалавек
- 1999 год — 202 чалавекі
Інфраструктура
[рэдагаваць | рэдагаваць крыніцу]На заходнім ускрайку вёскі знаходзіцца санаторый «Алеся».
Страчаная спадчына
[рэдагаваць | рэдагаваць крыніцу]- Палацава-паркавы комплекс Пуслоўскіх — палацава-паркавы комплекс канца XIX — пачатку XX стагодзьдзя. Належаў Каралю Войцеху Пуслоўскаму (1877—1961).
Крыніцы
[рэдагаваць | рэдагаваць крыніцу]- ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 138
- ^ Пералік населеных пунктаў, размешчаных у пагранічнай зоне, Дзяржаўны пагранічны камітэт Рэспублікі Беларусь
- ^ а б Несцярчук. Замкі, палацы, паркі Берасцейшчыны, Менск: БЕЛТА, 2002, с. 138. ISBN 985-6302-37-4.
- ^ Решение Брестского областного Совета депутатов от 26.06.2013 № 287 «Об изменениях в административно-территориальном устройстве Ивановского района Брестской области»