д’Артаньян і тры мушкетэры
| д’Артаньян і тры мушкетэры | |
| Д’Артаньян и три мушкетёра | |
| Жанр | музычна-прыгодніцкая камэдыя фільм плашчу і шпагі |
|---|---|
| Рэжысэр | Георгі Юнгвальд-Хількевіч |
| Сцэнарыст | Марк Разоўскі |
| Заснаваны на | Тры мушкетэры |
| У ролях | Міхаіл Баярскі Веніямін Сьмехаў Валянцін Сьмірніцкі Ігар Старыгін Алег Табакоў Аліса Фрэйндліх |
| Кампазытар | Максім Дунаеўскі |
| Апэратар | Аляксандар Палыньнікаў |
| Вытворчасьць | Адэская кінастудыя |
| Распаўсюд | Усесаюзнае радыё Дзяржтэлерадыё СССР[d] |
| Дата выхаду | 1978 |
| Працягласьць | 249 хв. |
| Краіна | СССР |
| Мова | расейская мова |
| Наступны | «Мушкетэры праз дваццаць гадоў» |
| Старонка на IMDb | |
«д’Артанья́н і тры мушкетэ́ры» (па-расейску: Д’Артаньян и три мушкетёра) — папулярны савецкі трохсэрыйны музычна-прыгодніцкі тэлефільм па матывах раману «Тры мушкетэры» Аляксандра Дзюма-бацькі. Рэжысэр — Георгі Юнгвальд-Хількевіч.
Здымкі фільму адбываліся ў 1978 року ў Львове[1], Адэсе, Сьвірскім замку[2], замках у Падгорцах і Хоціне. Тэлепрэм’ера на ЦТ адбылася 25 сьнежня 1979.
У 1990—2000-х роках выйшлі на экраны 3 працягі фільму:
- 1992 — «Мушкетэры праз дваццаць гадоў»
- 1993 — «Тайна каралевы Ганны, або Мушкетэры праз трыццаць гадоў»
- 2008 — «Вяртаньне мушкетэраў, або Скарбы кардынала Мазарыні».
Сюжэт
[рэдагаваць | рэдагаваць крыніцу]Бедны гасконскі шляхціч д’Артаньян выпраўляецца ў Парыж, каб трапіць у роту каралеўскіх мушкетэраў. У Мэнге ён натыкаецца на загадкавага чалавека, распачынае бойку і траціць рэкамэндацыйны ліст, адрасаваны графу дэ Трэвілю. У Парыжы ён заўважае таго таямнічага мужчыну і гоніцца за ім. Па дарозе ён штурхае параненага Атоса, выпадкова зьневажае Партоса і Араміса, і ўсе яны па чарзе выклікаюць д’Артаньяна на дуэль. На месцы прызначанай сустрэчы высьвятляецца, што тры мушкетэры — тры сардэчныя сябры, а Араміс і Партос робяцца сэкундантамі Атоса. Дуэль, аднак, перарваная зьяўленьнем нараду гвардзейцаў кардынала пад даводзтвам спадара дэ Жусака. Мушкетэры прымаюць рашэньне чацьвярох атакаваць гвардзейцаў і атрымліваюць перамогу. Пасьля гэтага д’Артаньян становіцца сябрам Атоса, Партоса і Араміса. Чацьвёра сяброў распачынаюць супрацьстаяньне з усемагутным кардыналам Рышэльё і падступнай Мілэдзі, уратоўваюць гонар каралевы Францыі і ўдзельнічаюць у вайне з Ангельшчынай і ў аблозе Ля-Рашэлі. Па сканчэньні аблогі Атос, Партос і Араміс зьбіраюцца пакінуць вайсковую службу, а д’Артаньян становіцца лейтэнантам каралеўскіх мушкетэраў. Сябры дамаўляюцца сустрэцца роўна праз дваццаць гадоў…
- 1-я сэрыя — «Атос, Партос, Араміс і Д’Артаньян»;
- 2-я сэрыя — «Падвескі каралевы»;
- 3-я сэрыя — «Прыгоды працягваюцца».
У ролях
[рэдагаваць | рэдагаваць крыніцу]- Міхаіл Баярскі — д’Артаньян
- Веніямін Сьмехаў — Атос
- Валянцін Сьмірніцкі — Портос
- Ігар Старыгін — Араміс (агучваў Ігар Ясуловіч)
- Маргарыта Церахава — Мілэдзі
- Аляксандар Трафімаў — кардынал Рышэльё (агучваў Міхаіл Казакоў, песьні выконваў сам Аляксандар Трафімаў)
- Ірына Алфёрава — Канстанцыя Банасьё (агучвала Настасься Вярцінская, песьні выконвала Алена Дрыяцкая)
- Барыс Клюеў — Рашфор
- Алег Табакоў — кароль Людовік XIII
- Аліса Фрэйндліх — каралева Ганна Аўстрыйская
- Леў Дураў — дэ Трэвіль
- Уладзімер Балён — дэ Жусак
- Алена Цыплакова — Кэці (песьні выконвала Алена Дрыяцкая)
Крыніцы
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу] |
Расейскі Вікіцытатнік зьмяшчае збор цытатаў, датычных тэмы гэтага артыкула: |
- Д’Артаньян і тры мушкетэры (анг.) на сайце IMDb
- 4 мушкетэры на Ucoz.Ru (рас.)
- Песьні з фільму
- Неафіцыйная бачына (рас.)
- «Наш фільм»
- Фота натурных здымак у Львове(недаступная спасылка)
- Здымкі ў Сьвірскім замку
- Зьвесткі пра фільм, кадры, анімацыя (рас.)
- Мир Тесен (рас.)
| ||||||||||||||||||||||||||||
Папярэджаньне: назва для адлюстраваньня «д’Артаньян і тры мушкетэры» перапісвае ранейшую назву для адлюстраваньня «<i>Д’Артаньян і тры мушкетэры</i>».