Дзьмітры Платонаў
| Дзьмітры Платонаў | ||
| ||
| Пэрсанальная інфармацыя | ||
|---|---|---|
| Нарадзіўся | 7 лютага 1986[1] (38 гадоў) | |
| Рост | 180 см | |
| Вага | 74 кг[2] | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2005 | Энэргетык-БДУ | 23 (7) |
| 2006—2008 | БАТЭ | 37 (3) |
| 2008 | → Мікашэвічы | 23 (3) |
| 2009 | Шахцёр Салігорск | 24 (3) |
| 2010—2012 | Гомель | 63 (35) |
| 2013—2015 | Тарпэда-БелАЗ | 53 (16) |
| 2016—2017 | Спартакс | 37 (16) |
| 2018 | РФШ | 12 (1) |
| Зборныя | ||
| 2005—2009 | Беларусь (да 21) | 17 (0) |
Дзьмітры Аляксандравіч Платонаў (нар. 7 лютага 1986 году, Менск, БССР) — колішні беларускі футбаліст, нападнік. Мае брата-блізьнюка Паўла, які таксама зьяўляецца футбалістам.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Упершыню заявіў аб сабе ў 2005 годзе, гуляючы за «Зорку»-БДУ. Потым два сэзоны гуляў за барысаўскі БАТЭ, у шэрагах якога двойчы стаў чэмпіёнам краіны. Не праходзячы ў асноўны склад барысаўскага клюбу, перайшоў у арэнду ў «Граніт», потым гуляў за «Шахцёр». У пачатку 2010 году перайшоў у «Гомель». У сэзоне 2010 году ў першай лізе забіў за «Гомель» 25 мячоў, і клюб вярнуўся ў найвышэйшую лігу. У другой палове 2011 году не гуляў па прычыне траўмы.
У студзені 2013 году разам з братам Паўлам падпісаў кантракт з «Тарпэда-БелАЗ»[3]. Пачаў сэзон гульцом асноўнага складу, але ў красавіку атрымаў траўму і выбыў на месяц. Адразу па вяртаньні, 12 траўня 2013 году, адзначыўся хет-трыкам у браму мазырскай «Славіі». У чэрвені 2013 году атрымаў чарговую траўму, празь якую выбыў да канца сэзону. У студзені 2014 году падоўжыў кантракт з «Тарпэда-БелАЗ»[4]. Пачатак сэзону 2014 году прапусьціў праз траўмы, а потым звычайна ўзмацняў жодзінцаў пасьля выхаду на замену. У канцы сэзону пачаў зьяўляцца ў першай адзінаццатцы на пазыцыі цэнтральнага нападніка. Усяго за сэзон 2014 году шэсьць разоў пацэліў у брамы супернікаў, зь іх чатары пасьля выхаду на замену. У лютым 2015 году чарговы раз падоўжыў кантракт з жодзінскім клюбам[5]. У сэзоне 2015 году здолеў з 7 галамі стаць найлепшым бамбардзірам клюбу ў чэмпіянаце. Па заканчэньні тэрміну кантракта ў лютым 2016 году пакінуў Жодзін[6].
У сакавіку 2016 году перайшоў у клюб «Спартакс» зь Юрмалы[7]. Дапамог «Спартаку» стаць чэмпіёнам Латвіі, а сам з 12 галамі быў другім бамбардзірам чэмпіянату 2016 году. У студзені 2018 году перайшоў у клюб Рыскай футбольнай школы[8]. Пачынаў сэзон у асноўным складзе, але пазьней звычайна заставаўся на лаўцы запасных. У сьнежні 2018 году па сканчэньні кантракту зышоў з каманды[9]. У пачатку 2019 году праходзіў прагляд у берасьцейскім «Дынама», але не падышоў[10] і вырашыў завяршыць прафэсійную кар’еру[11].
Міжнародная
[рэдагаваць | рэдагаваць крыніцу]За моладзевую зборную Беларусі правёў 17 матчаў.
Дасягненьні
[рэдагаваць | рэдагаваць крыніцу]БАТЭ:
- Чэмпіён Беларусі: 2006, 2007
- Уладальнік Кубка Беларусі: 2006
«Гомель»:
- Уладальнік Кубка Беларусі: 2011
- Бронзавы прызэр чэмпіянату Беларусі: 2011
- Уладальнік Супэркубка Беларусі: 2012
«Спартакс»:
- Чэмпіён Латвіі: 2016, 2017
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Тарпэда-БелАЗ | 2015 | Найвышэйшая ліга | 24 | 7 |
Крыніцы
[рэдагаваць | рэдагаваць крыніцу]- ^ а б в Dmitri Platonov // Transfermarkt (мн.) — 2000.
- ^ а б https://www.pressball.by/footballstat/dmitry_platonov/
- ^ Братья Платоновы подписали контракты с «Торпедо»-БелАЗ (рас.)
- ^ Дмитрий Платонов продлил контракт с "Торпедо-БелАЗ" (рас.)
- ^ Дмитрий Платонов продлил контракт с "Торпедо-БелАЗ" (рас.)
- ^ Дмитрий Платонов покинул "Торпедо-БелАЗ" (рас.)
- ^ Дмитрий Платонов стал четвертым белорусским игроком в юрмальском «Спартаке» (рас.)
- ^ Дмитрий Платонов перешел в рижский РФС (рас.)
- ^ Рижский РФС не будет продлевать контракт с Дмитрием Платоновым (рас.)
- ^ Платонов и Текло не подошли брестскому "Динамо" (рас.)
- ^ Двукратный чемпион Беларуси и Латвии завершил карьеру в 33 года (рас.)
Вонкавыя спасылкі
[рэдагаваць | рэдагаваць крыніцу]- Профіль на афіцыйным сайце ФК «Гомель» (рас.)
- Профіль на transfermarkt.de (анг.)
- Статыстыка «ПБ-Инфо» (рас.)
- Профіль на soccerway.com (анг.)
- Нарадзіліся 7 лютага
- Нарадзіліся ў 1986 годзе
- Нарадзіліся ў Менску
- Футбалісты клюбу «Энэргетык»-БДУ Менск
- Футбалісты клюбу БАТЭ Барысаў
- Футбалісты клюбу «Граніт» Мікашэвічы
- Футбалісты клюбу «Шахцёр» Салігорск
- Футбалісты клюбу «Гомель»
- Футбалісты клюбу «Тарпэда-БелАЗ» Жодзін
- Футбалісты клюбу «Спартакс» Юрмала
- Футбалісты клюбу «Рыская футбольная школа»
- Футбалісты моладзевай зборнай Беларусі
- Беларускія футбалісты