Перайсьці да зьместу

Джэймз Гардэн

Зьвесткі зь Вікіпэдыі — вольнай энцыкляпэдыі
Джэймз Гардэн
па-ангельску: James Edward Harden
Пазыцыя: атакавальны абаронца, гульнёвы абаронца
Рост: 196 см
Вага: 100 кг
Грамадзянства:
Нарадзіўся: 26 жніўня 1989(1989-08-26)[1] (36 гадоў)
Альма-матэр:
Драфт

3, драфт НБА 2009 году
Аклагома-Сіці Тандэр

Клюбная інфармацыя
Клюб Кліўлэнд Кавальерз
Нумар 1
Клюбы
Гады Клюб
2007—2009 Арызона Стэйт Сан Дэвілз[d]
2009—2012 Аклагома-Сіці Тандэр
2012—2021 Г’юстан Рокетс
2021—2022 Бруклін Нэтс
2022—2023 Філадэлфія Сэвэнці Сыксэрз
2023—2026 Лос-Анджэлес Кліпэрз
2026—4 Кліўлэнд Кавальерз
Асабістыя ўзнагароды і дасягненьні
Статыстыка на NBA.com

Джэймз Га́рдэн (па-ангельску: James Harden; нар. 25 жніўня 1989 году, Лос-Анджэлес) — амэрыканскі баскетбаліст клюбу «Кліўлэнд Кавальерз» з НБА. Алімпійскі чэмпіён 2012 году ў складзе зборнай ЗША. Гулец лічыцца адным з найлепшых бамбардзіраў і атакуючых абаронцаў у гісторыі НБА[3][4][5][6]. У 2021 годзе Гардэн быў адзначаны як адзін з 75 найлепшых гульцоў лігі, улучаны ў каманду НБА, прысьвечаную 75-годзьдзю лігі[7].

Кар’ера

[рэдагаваць | рэдагаваць код]

«Аклагома-Сіці Тандэр»

[рэдагаваць | рэдагаваць код]

Гардэн быў абраны на драфце 2009 году пад 3-м нумарам камандаю «Аклагома-Сіці Тандэр».[8] Ён стаў першым гульцом абраным на драфце гэтай камандаю пасьля пераезду яе зь Сіетлу ў Аклагому. Гардэн 12 ліпеня 2009 году падпісаў з аклагомскай камандай. кантракт.[9].

Цягам сэзону 2010—2011 гадоў ён набіраў больш за 10 пункта, у тым ліку ўсталяваў асабісты рэкорд сэзону ў 26 пунктаў у матчы супраць «Фінікс Санз» 6 сакавіка 2011 году[10][11]. 18 красавіка 2012 году гулец назьбіраў рэкордную колькасьць за сэзон пунктаў, здабыўшы іх ажно 40 зноў у матчы супраць «Фінікса», стаўшы першым гульцом НБА ў ролі рэзэрвіста, які назьбіраў 40 пунктаў пасьля гульца «Далас Мавэрыкса» Радрыга Бабуа ў сакавіку 2010 году.

«Г’юстан Рокетс»

[рэдагаваць | рэдагаваць код]
Гардэн у складзе «Рокетс».

Пасьля таго як Гардэн адмовіўся працягваць кантракт з Аклагомай, ён быў памяняны ў «Г’юстан Рокетс», разам з Дэкуанам Кукам, Коўлам Олдрычам, Лазарам Гэйўордам на Кевіна Мартына і Джэрэмі Лэмба, а таксама на права зрабіць тры выбары на драфце 2013 году, як то два ў першым раўндзе і адзін у другім.[12].

31 кастрычніка 2012 году Гардэн падпісаў кантракт з «Рокетс» на пяць гадоў на суму ў 80 мільёнаў даляраў[13]. Ужо ў той жа дзень ён стаў першым гульцом у гісторыі НБА, які набраў 37 і больш пунктаў, зрабіў двухзначную агульную колькасьць перадачаў у сваім дэбютным матчы за каманду, набраўшы 37 пунктаў і зрабіўшы 12 перадачаў, шэсьць падбораў, чатыры перахопы і адзін блёк у пераможным матчы супраць «Дэтройт Пістанз».

У першым жа сэзоне Гардэна г’юстанцы прабіліся ў плэй-оф і патрапіла ў першым раўндзе на былы клуб Джэймза «Аклагому». 2 красавіка 2015 году ў пераможнай гульні супраць «Сакрамэнта Кінгс» (115:111) Гардэн абнавіў асабісты рэкорд выніковасьці, закінуўшы мячоў на 51 пункт. Папярэдні рэкорд у 50 пунктаў быў усталяваны Гардэнам 19 сакавіка 2015 году ў матчы супраць «Дэнвэр Нагетс». 30 студзеня 2018 году ў матчы супраць «Арланда Мэджык» баскетбаліст усталяваў рэкорд НБА, зьдзейсьніўшы першы трыпл-дабл з 60 пунктамі ў гісторыі. Усяго ў гульні ён зарабіў 60 пунктаў, 11 перадачаў і 10 падбораў. 26 чэрвеня 2018 году Гардэн быў афіцыйна прызнаны самым каштоўным гульцом НБА ў сэзоне 2017—2018 гадоў.

«Бруклін Нэтс»

[рэдагаваць | рэдагаваць код]
Гардэн у кашулі «Бруклін Нэтс».

Бліжэй да канца 2020 году Гардэн запытаў у кіраўніцтва абмен у «Бруклін Нэтс», зьбіраючыся стварыць супэркаманду з былым таварышам па камандзе Кевінам Д’юрантам і Кайры Ірвінгам[14]. 14 студзеня 2021 году ён быў абменены ў «Нэтс» у рамках пагадненьня з чатырма камандамі, у якім бралі ўдзел яшчэ «Кліўлэнд Кавальерз» і «Індыяна Пэйсэрз». 16 студзеня 2021 году, у першай жа гульні за новую каманду супраць «Арланда Мэджык», спартовец усталяваў два клюбныя рэкорды. Ён учыніў трыпл-дабл з 32 пунктаў, 12 падбораў і 14 перадачаў, а таксама стаў першым гульцом у гісторыі франшызы, які зрабіў 14 перадачаў у сваім дэбюце[15].

«Філадэлфія Сэвэнці Сыксэрз» 

[рэдагаваць | рэдагаваць код]

10 лютага 2022 году «Нэтс» абмянялі Гардэна ў клюб «Філадэлфія Сэвэнці Сыксэрз»[16]. 25 лютага Гардэн дэбютаваў у складзе «Сыксэрз», набраўшы 27 пунктаў і зрабіўшы 12 перадач і восем падбораў у пераможным матчы супраць «Мінэсоты Тымбэрўулвз»[17]. У наступнай гульні 27 лютага спартовец аформіў свой 68-ы трыпл-дабл у кар’еры, чым прынёс свайму клюбу перамогу над «Нью-Ёрк Нікс» зь лікам 125:109[18]. 27 ліпеня 2022 году ён паўторна падпісаў кантракт з клюбам, які прадугледжваў супрацу на два гады і суму ў 68,6 мільёнаў даляраў[19][20]. Тым ня менш, як і з папярэднім клюбам Гардэн затрымаўся тут толькі на сэзон.

«Лос-Анджэлес Кліпэрз»

[рэдагаваць | рэдагаваць код]

У лістападзе 2023 году гулец быў абменены ў «Лос-Анджэлес Кліпэрз», што ўзьяднала яго з Расэлам Ўэстбрукам у другі раз у іхных кар’ерах. Гардэн дэбютаваў у «Кліпэрз» 6 лістапада ў матчы супраць «Нью-Ёрк Нікс», набраўшы 17 пунктаў і зрабіўшы 6 перадач за 31 хвіліну, але «Кліпэрз» зазналі паразу зь лікам 111:97[21]. У сьнежні ў матчы супраць «Голдэн Стэйт Ўорыярз» ён стаў 24-м гульцом у гісторыі НБА, які набраў 25 тысяч пунктаў за кар’еру[22]. 26 студзеня 2024 году баскетбаліст адзначыўся сваім 75-м трыпл-дабл у кар’еры, набраўшы 26 пунктаў і зрабіўшы 10 падбораў ды 13 перадач у пераможным матчы над «Таронта Рэптарз» (127:107)[23]. 10 ліпеня 2024 году Гардэн узгодніў новы двухгадовы кантракт з «Кліпэрз» на 70 мільёнаў даляраў[24]. 2 лістапада 2024 году ён аформіў свой 78-ы трыпл-дабл у кар’еры, зраўняўшыся з Ўілтам Чэмбэрленам. 30 студзеня 2025 году гулец быў абраны запасным на матч усіх зорак НБА 2025 году, які стаў для яго ўжо адзінаццатым у кар’еры[25].

5 сакавіка 2025 году Гардэн упершыню з 2019 году назьбіраў за матч 50 пунктаў у матчы супраць «Дэтройт Пістанз»[26]. 11 красавіка ён аформіў свой 80-ы трыпл-дабл у кар’еры, набраўшы 23 пункты, зрабіўшы 11 падбораў і 10 перадачаў[27]. 29 чэрвеня 2025 году ён адмовіўся на новы кантракт з клюбам на 81,5 мільёнаў даляраў[28].

«Кліўлэнд Кавальерз»

[рэдагаваць | рэдагаваць код]

4 лютага 2026 году «Кліўлэнд Кавальерз» набылі Гардэна ў абмен на Дарыюса Гарланда і выбар другога раўнду драфту[29][30]. 7 лютага баскетбаліст дэбютаваў за «Кавальерз», назьбіраўшы 23 пункты, зь якіх 15 набраў у чацьвертай чвэрці, і аддаўшы восем галявых перадачаў у перамозе над «Сакрамэнта Кінгс» зь лікам 132:126[31][32].

Крыніцы

[рэдагаваць | рэдагаваць код]
  1. 1 2 James Harden // FIBA database
  2. ↑ College Basketball at Sports-Reference.com
  3. ↑ Martin, Gus (23.07.2020). «Ranking The Top 10 Pure Scorers In NBA History». Fadeaway World.
  4. ↑ Schuhmann, John (20.10.2015). «2015–16 GM Survey». NBA.
  5. ↑ Blinebury, Frank (12.10.2015). «Harden stands out among pack of top shooting guards». NBA.
  6. ↑ «20 greatest shooting guards ever: The HoopsHype list». HoopsHype.
  7. ↑ «NBA 75th Anniversary Team announced». NBA.
  8. ↑ НБА. Первым номером драфта-2009 стал Блэйк Гриффин. Sports.ru.
  9. ↑ НБА. «Оклахома-Сити» подписал Джеймса Хардена. Sports.ru.
  10. ↑ «How Many 10 Points Games Did James Harden Have In The 2010-2011 Season». StatMuse.
  11. ↑ «What Were The Most Points That James Harden Scored In A Game During The 2010-2011 Season». StatMuse.
  12. ↑ Oklahoma City Thunder trades James Harden to Houston. NewsOK.com.
  13. ↑ «James Harden gets $80 million». ESPN.
  14. ↑ Shapiro, Michael (1.12.2020). «The Rockets Can’t Afford to Sell Low on James Harden». Sports Illustrated.
  15. ↑ «No practice, no problem: Harden posts triple-double in Nets debut». NBA.
  16. ↑ «76ers Acquire Seven-Time All-NBA Selection James Harden and Four-Time All-Star Paul Millsap in Trade with Brooklyn Nets». NBA.
  17. ↑ Baer, Jack (25.02.2022). «James Harden’s Sixers debut goes as Daryl Morey dreamed». Yahoo Sports.
  18. ↑ «Embiid (37 points), Harden (triple-double) lift 76ers in matinee». NBA.
  19. ↑ «Harden Re-Signs with Sixers». NBA.
  20. ↑ «76ers, All-Star Harden make new deal official». ESPN.
  21. ↑ Bernstein, Jeffrey. «Randle, Barrett lead Knicks to 111-97 victory in Harden’s Clippers debut». USA Today.
  22. ↑ «James Harden scores his 25,000th point, leads streaking Clippers past slumping Warriors 121-113». ESPN.
  23. ↑ «Harden posts 75th career triple-double as Clippers win 4th straight, beat Raptors 127-107». ESPN.
  24. ↑ «LA Clippers Sign 10-Time All-Star James Harden». NBA.
  25. ↑ «Victor Wembanyama, Jaylen Brown highlight 2025 All-Star Game reserves». NBA.
  26. ↑ Pagaduan, Jedd (03.2025) Clippers' James Harden still isn't tired after dropping 50 points on Pistons. ClutchPoints.
  27. ↑ Clippers hold off Kings 101-100 to remain tied with Nuggets for No. 4 in tight Western Conference. ESPN.com (04.2025).
  28. ↑ James Harden declines option, re-signs with Clippers on reported 2-year deal. NBA.com.
  29. ↑ CAVALIERS ACQUIRE 11-TIME NBA ALL-STAR JAMES HARDEN. NBA (04.02.2026).
  30. ↑ Clippers, Cavaliers swap James Harden for Darius Garland. NBA.
  31. ↑ Antunes, Yago (02.2026) Cavs’ James Harden drops revelation about Clippers’ Darius Garland trade after making debut. ClutchPoints.
  32. ↑ Helin, Kurt (02.2026) Watch James Harden take over with 15 points in fourth quarter, lead Cavaliers to win in debut. NBC Sports.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Джэймз_Гардэн&oldid=2670749»