Гуўры Гансдотыр
Гуўры Гансдотыр | |
| Guðrið Hansdóttir | |
 Гуўры Гансдотыр у 2008 годзе | |
| Дата нараджэньня | 6 кастрычніка 1980 (44 гады) |
|---|---|
| Месца нараджэньня | Торсгаўн |
| Грамадзянства | Фарэрскія астравы |
| Занятак | сьпявачка, кампазытарка, аўтар-кампазытар |
| Сябра ў | Byrta[d] |
| Жанры | поп, фолк-музыка[d], аўтарская песьня[d] і рок-музыка |
| Інструмэнты | гітара і голас[d] |
| Гурты | Byrta |
| Лэйблы | Tutl |
Гуўры Гансдотыр (па-фарэрску: Guðrið Hansdóttir; нар. 6 кастрычніка 1980 году, Торсгаўн, Фарэрскія астравы) — фарэрска-дацкая сьпявачка, аўтарка песень, кампазытарка і музыка.
Жыцьцяпіс
[рэдагаваць | рэдагаваць крыніцу]Бацька — гітарыст Ганс Карл Гансэн, маці — Люіза. Дзяцінства Гуўры прайшло ў Аргіры ля Торсгаўну. Бацька навучыў яе граць на гітары, пасьля чаго яна пачала сьпяваць і складаць песьні. Дацкае прозьвішча Гансэн, даволі распаўсюджанае на Фарэрах, сьпявачка пазьней зьмяніла на фарэрскую форму Гансдотыр (бел. Гансава дачка).
Гуўры Гансдотыр двойчы атрымлівала фарэрскую музычную прэмію Planet Awards. У 2007 была названая найлепшай сьпявачкай за дэбютны альбом «Love Is Dead», а альбом 2009 року «The Sky is Opening» стаў найлепшым фарэрскім альбомам 2009 року.
Пасьля выхаду ў 2011 року трэцяга альбому «Beyond the Grey» сьпявачка пераехала ў Рэйк’явік (Ісьляндыя). Выступала па ўсёй краіне, праехала з турам па Эўропе і ЗША[1]. Некалькі разоў выступала на такіх фэстывалях на Фарэрах, як Summarfestivalurin у Кляксвуйку і G! Festival у Сыйругёце.
У 2012 року ў Рэйк’явіку Гуўры стварыла творчы дуэт зь яшчэ адным фарэрскім музыкам Янусам Расмусэнам, чальцом ісьляндзка-фарэрскага гурту «Bloodgroup». У 2013 року выйшаў іхні альбом «BYRTA», і такую назву атрымаў іхні дуэт, які выконвае электрапоп.
Альбомы
[рэдагаваць | рэдагаваць крыніцу]Сольныя
[рэдагаваць | рэдагаваць крыніцу]- Love is Dead (2007)
- The Sky is Opening (2009)
- Beyond the Grey (2011)
- Taking Ship (2014)
- Living With You Is A Lot Like Dying / Animal (2015)
- Nothing About You (2016)
- Pegasus (2016)
«Byrta»
[рэдагаваць | рэдагаваць крыніцу]- BYRTA (2013)
Прэміі і ўзнагароды
[рэдагаваць | рэдагаваць крыніцу]- Planet Awards—2007 — найлепшая сьпявачка
- Planet Awards—2009 — альбом году
Крыніцы
[рэдагаваць | рэдагаваць крыніцу]- ^ Guðrið Hansdóttir (анг.) Last.fm Праверана 5 верасьня 2016 г.