Георгі Судакоў
| Георгі Судакоў | ||
 | ||
| Пэрсанальная інфармацыя | ||
|---|---|---|
| Нарадзіўся | 1 верасьня 2002 (23 гады) | |
| Рост | 1,77 м | |
| Пазыцыя | паўабаронца | |
| Клюбная інфармацыя | ||
| Клюб | Бэнфіка | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2020—2026 | Шахтар Данецк | 100 (29) |
| 2025—2026 | → Бэнфіка | 22 (4) |
| 2026— | Бэнфіка | 0 (0) |
| Зборныя | ||
| 2021— | Украіна | 36 (4) |
|
¹ Колькасьць гульняў і галоў за прафэсійны клюб лічыцца толькі | ||
Георгі Судакоў (па-ўкраінску: Георгій Судаков; нар. 1 верасьня 2002 году) — украінскі футбаліст, паўабаронца партугальскага клюбу «Бэнфіка» і нацыянальнай зборнай Украіны.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Гулец прайшоў шэраг дзіцяча-юнацкіх школаў. У 2017 годзе далучыўся да акадэміі данецкага «Шахтара», у складзе якога гуляў у юнацкіх камандах. Напярэдадні матчу групавога раўнда Лігі чэмпіёнаў супраць мадрыдзкага «Рэалу» 21 кастрычніка 2020 году купа футбалістаў «Шахтара» выбыла праз каранавірус і ня здолела ўзяць удзел у матчы. У выніку галоўны трэнэр гарнякоў Луіш Каштру ўключыў Судакова ў заяўку на гульню. 18-гадовы дэбютант выйшаў на гульнявую пляцоўку ў канцы матча замест Дэнтыньню[1]. Дэбют у чэмпіянаце Ўкраіны адбыўся 24 кастрычніка 2020 году ў матчы супраць палтаўскай «Ворсклы» (1:1)[2]. Першы гол за данецкі клюб улучыў 30 кастрычніка 2020 году ў хатнім матчы Прэм’ер-лігі супраць «Марыюпаля» (4:1)[3]. З сэзону 2022—2023 гадоў стаў гульцом першай адзінаццатцы каманды. Паводле вынікаў апытаньня быў прызнаны найлепшым гульцом «Шахтара» 2023 году.
30 жніўня 2025 году Судакоў на правах арэнды прыяднаўся да партугальскай «Бэнфікі» з абавязацельствам выкупу за 20,25 мільёнаў эўра і 5 мільёнаў эўра ў выглядзе мажлівых дадатковых умоваў, павязаных з гульнёй футбаліста. «Шахцёр» таксама захаваў права на 25% прыбытку ад будучага продажу[4]. Паўабаронца дэбютаваў за клюб 12 верасьня ў хатнім матчы Прымэйры супраць «Санта-Клары»[5], а першым голам адзначыўся 20 верасьня[6].
Міжнародная
[рэдагаваць | рэдагаваць код]15 лістапада 2020 году атрымаў выклік у нацыянальную зборную Ўкраіны поруч з Аляксандрам Назаранкам і Сяргеем Булецаю праз траўмы Аляксандра Зінчанкі і Руслана Маліноўскага. 23 траўня 2021 году ў веку 18 гадоў дэбютаваў у складзе зборнай Украіны ў хатнім таварыскім матчы супраць зборнай Бахрэйну (1:1), выйшаўшы на замену на 46-й хвіліне замест Тараса Сьцепаненкі[7]. 1 чэрвеня 2021 году быў уключаны ў афіцыйную заяўку зборнай галоўным трэнэрам Андрэем Шаўчэнкам дзеля ўдзелу ў матчах чэмпіянату Эўропы 2020 году[8].
Дасягненьні
[рэдагаваць | рэдагаваць код]«Шахтар»:
- Чэмпіён Украіны: 2023, 2024
- Уладальнік Кубка Ўкраіны: 2024, 2025
- Уладальнік Супэркубка Ўкраіны: 2021
Крыніцы
[рэдагаваць | рэдагаваць код]- ↑ «Шахтер начал еврокубковый сезон с победы над Реалом». Football.ua.
- ↑ «Шахтер не сумел дожать игравшую в меньшинстве Ворсклу». Football.ua.
- ↑ «Судаков забил дебютный гол за Шахтер после паса Вьюнника». Football.ua.
- ↑ Sudakov é reforço do Benfica!. S.L. Benfica (30.08.2025).
- ↑ Benfica 1–1 Santa Clara. ESPN (12.09.2025).
- ↑ AVS 0–3 Benfica. ESPN (20.09.2025).
- ↑ «Збірна України в товариському матчі зіграла внічию з командою Бахрейну». Украінская асацыяцыя футболу.
- ↑ «Офіційно. Андрій Шевченко оголосив заявку збірної України на Євро-2020». Украінская асацыяцыя футболу.