Гаспача

Гаспача
2009 год
Тып	суп
Нацыянальная страва	гішпанская
Паходжаньне	Гішпанія
Рэгіён	Эўропа
Дата зьяўленьня	ХІХ стагодзьдзе
Асноўны складнік	таматы
Распаўсюджаныя складнікі	баўгарскі перац, агурок, чырвоная цыбуля, часнок, аліўкавы алей
Падобныя стравы	ajoblanco[d] і salmorejo[d]
Гаспача ў Вікісховішчы

Гаспача — гішпанскі халодны суп з сырой, перацёртай агародніны.

Складнікі

Для прыгатаваньня гаспачы выкарыстоўваюць 1 кг таматаў і 2 чырвоныя баўгарскія перцы, 1 агурок і палову салодкай чырвонай цыбулі, 2 зубчыкі часнаку і 2 сталовыя лыжкі аліўкавага алею, па сталовай лыжцы лімоннага соку і чырвонага віннага воцату, лусту белага хлеба без скарынкі і палову гарбатнай лыжкі цукру.

Прыгатаваньне

Таматы надразаюць крыжападобна з боку пладаножкі і апускаюць на хвіліну ў кіпень, а затым у халодную ваду. Затым з таматаў здымаюць скурку, разразаюць іх на 4 часткі і вымаюць пладаножкі. Баўгарскі перац ачышчаюць ад зярнятаў, выдаляюць зь яго пладаножку і наразаюць кубікам. Сьвежы агурок вычышчаюць ад скуркі і наразаюць кубікам. Часнок ачышчаюць і раздушваюць нажом. Усю агародніну складваюць у блэндэр і здрабняюць да стану пюрэ. Кавалак белага хлеба разламваюць на часткі, дадаюць ад атрыманай сумесі і пакідаюць на 7 хвілінаў для разьмякчэньня. Затым паўторна ўключаюць блэндэр і здрабняюць усё да аднастайнай масы. Пасьля дадаюць сок лімона, цукар і вінны воцат. Атрыманую сумесь праціраюць празь сіта ад зярнятаў тамата, дадаюць аліўкавы алей і ставяць у лядоўню на 3 гадзіны. У астуджаны суп кладуць дробна нарэзаную чырвоную цыбулю і зялёны баўгарскі перац. Гаспача падаюць з грэнкамі, якія гатуюць з дробна нарэзанага белага хлеба на аліўкавым алеі.