Вікіпэдыя:Дзень у гісторыі/23 лютага

Зьвесткі зь Вікіпэдыі — вольнай энцыкляпэдыі
Герб Радашкавічаў
Герб Радашкавічаў

23 лютага:

  • 1792кароль і вялікі князь Станіслаў Аўгуст Панятоўскі надаў Радашкавічам мескі герб (на выяве), а МайшаголеМагдэбурскае права і герб
  • 1854 — афіцыйнае абвяшчэньне незалежнасьці Аранжавай Свабоднай дзяржавы
  • 1887 — на Лазурным Беразе (Францыя) адбыўся спусташальны землятрус
  • 1893 — нямецкі вынаходнік Рудольф Дызэль атрымаў патэнт на дызэльны рухавік
  • 1928 — у Вільні распачаўся г.зв. «працэс 56-ці» — суд, зладжаны ўладамі міжваеннае Польскае Рэспублікі на дзеячамі БСРГ
  • 1935 — на пост старшыні камісіі партыйнага кантролю ВКП(б) прызначаны Мікалай Яжоў, будучы кіраўнік НКВД
  • 1941 — амэрыканскі хімік Глен Тэадор Сыбарг упершыню сынтэзаваў плютон
  • 1944 — Другая сусьветная вайна: пад нямецкай акупацыяй утварылася Беларуская краёвая абарона
  • 1944Сталін скасаваў Чачэна-Інгускую АССР, у выніку 493 269 чачэнцаў і інгушаў былі дэпартаваныя ў Сярэднюю Азію і Казахстан, 6544 чалавекі сыйшлі ў горы
  • 1945 — амэрыканскі фатограф Джо Разэнталь зрабіў славутую фатаграфію «Узьняцьце сьцягу над Івадзімай»
  • 1947 — заснаваная Міжнародная арганізацыя па стандартызацыі (ISO)
  • 1953 — у Вялікабрытаніі амніставалі дэзэртыраў Другой сусьветнай вайны
  • 1955 — першае паседжаньне Арганізацыі дамовы Паўднёва-Ўсходняй Азіі (SEATO)