Вэртыкаль Каленкавічы

Вэртыкаль
Заснаваны	1996
Горад	Каленкавічы, Беларусь
Стадыён	СДЮШАР-2 Умяшчальнасьць: 3000
Чэмпіянат	Другая ліга
· 2022	4 месца (Гомельскі дывізіён)

«Вэртыкаль» — беларускі футбольны клюб з гораду Каленкавічы. Найлепшым дасягненьнем каманды зьяўляецца 13 месца ў першай лізе ў сэзоне 2003 году.

Гісторыя

З часу стварэньня ў 1996 годзе клюб гуляў у Другой лізе. У 2003—2004 гадоў правёў два сэзоны ў Першай лізе, але потым вярнуўся ў лігу ніжэй.

У пачатку 2012 году празь фінансавыя цяжкасьці клюб ня быў дапушчаны да розыгрышу Другой лігі. У сэзонах 2012 і 2013 гадоў каленкавіцкі клюб выступаў у чэмпіянаце вобласьці, у 2013 годзе здолеў стаць чэмпіёнам Гомельскай вобласьці. У красавіку 2014 году стала вядома аб вяртаньні «Вэртыкалі» ў склад Другой лігі. Правёўшы ў трэцім дывізіёне тры сэзоны, у пачатку 2017 году каманда зноў пакінула рэспубліканскую арэну.

У 2021 годзе ў выніку аб’яднаньня Другой лігі з чэмпіянатамі абласьцей «Вэртыкаль» была адроджаная і далучылася да Другой лігі. У Гомельскім дывізіёне «Вэртыкаль» звычайна ёсьць пасярэднім клюбам, займаючы апошнім часам месцы ў сярэдзіне табліцы. Гэтак у сэзоне 2022 годзе каленкавіцкі клюб фінішаваў на 4 месцы пасьля гомельскіх «Паперпраму» і «Лясгасу», а таксама мазырскага МНПЗ. Найлепшым бамбардзірам клюбу ў тым годзе стаў Сяргей Кашэвіч. У матчах супраць «Веткі» і рагачоўскага «Дняпра» зарабіў чатыры галы ў кожнай з сустрэчаў.

Статыстыка

Чэмпіянат

Сэзон	Ліга	Месца	Г	В	Н	П	РМ	Пкт	Кубак
2014	Другая — А	10	22	5	6	11	18–35	21	1/32
	Другая — за 19 месца	20	2	0	1	1	2–5
2015	Другая — Б	7	18	5	3	10	31–33	18	1/32
	Другая — за 13 месца	13	2	1	0	1	2–2
2016	Другая	7	24	9	5	10	40–38	32	1/16
2021	Другая — Гомельскі	5	14	5	2	7	21–36	17	1/128
2022	Другая — Гомельскі	4	18	11	2	5	68–34	35	1/64
2023	Другая — Гомельскі								1/64

Галоўныя трэнэры

• Аляксандар Крупічэўскі (1996—1997)
• Анатоль Петрушэнка (1997—1999)
• Ігар Чаранёў (1999—2005)
• Леанід Змушка (2006—2016)
• Арцём Галяк (з 2021)

Вонкавыя спасылкі

• Профіль на football.by (рас.)