Вуса (прыток Нёмана, Узьдзенскі раён)
| Вуса лац. Vusa | |
 | |
| Агульныя зьвесткі | |
|---|---|
| Выток | каля в. Шышкаў |
| Вусьце | Нёман |
| Краіны басэйну | Беларусь |
| Вобласьці | Менская вобласьць |
| Даўжыня | 115 км |
| Плошча басэйну | 1345 км² |
| Нахіл воднай паверхні | 1,3‰ |
Вуса (Уса́) — рака ў Беларусі, правы прыток Нёману. Цячэ ў Койданаўскім і Ўзьдзенскім раёнах Менскай вобласьці. Даўжыня 115 км. Плошча вадазбору 1345 км². Выдатак вады ў вусьці 6,3 м³/с. Сярэдні нахіл воднай паверхні 1,3‰.
Асноўныя прытокі
[рэдагаваць | рэдагаваць крыніцу]Агульныя зьвесткі
[рэдагаваць | рэдагаваць крыніцу]Пачынаецца за 0,8 км на захад ад вёскі Шышкаў, цячэ паўднёвымі схіламі Менскага ўзвышша, упадае ў Нёман за 0,5 км на ўсход ад вёскі Пад’ельнікаў Узьдзенскага раёну.
Даліна зьвілістая, у верхняй частцы V-падобная (шырыня 300—500 м), ніжэй трапэцападобная, пашыраецца да 2 км. Абалона двухбаковая, шырынёй 200—400 м, ніжэй за ўток Узьдзянкі 1—2 км, перасечаная старыцамі і асушальнымі каналамі. Рэчышча на працягу 5,5 км (ад вёскі Саковічаў да вёскі Чэрнікаўшчыны) каналізаванае, на астатнім працягу моцна зьвілістае.
Шырыня ракі ў межань 7—10 м. Замярзае ў сярэдзіне сьнежня, крыгалом у сярэдзіне сакавіка. Каля вёскі Усы сажалка плошчай 0,08 км²[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 375—376.
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1