Васіль Сідаровіч

Васіль Сідаровіч
Дата нараджэньня	1905
Месца нараджэньня	Сівіца, Ашмянскі павет, Віленская губэрня, Расейская імпэрыя
Дата сьмерці	1937
Месца сьмерці	Чалябінск, РСФСР, СССР
Месца вучобы	Віленская беларуская гімназія (1927) Віцебская народная мастацкая вучэльня[d] (1930)
Занятак	маляр
Месца працы	Маланка (часопіс)

Вікіпэдыя мае артыкулы пра іншых асобаў з прозьвішчам Сідаровіч.

Васі́ль Лукі́ч Сідаро́віч (1905, в. Сівіца, Ашмянскі павет, Віленская губэрня, цяпер Смаргонскі раён, Гарадзенская вобласьць — 1937, Чалябінск, НКВД) — беларускі мастак і графік.

Біяграфія

Удзельнік камуністычнага падпольля Заходняе Беларусі. У 1926—1927 скончыў Віленскую беларускую гімназію, наведваў мастацкую студыю Язэпа Драздовіча. Друкаваўся ў гімназійных пэрыядычных выданьнях «Золак», «Покліч», супрацоўнічаў з гумарыстычна-сатырычным часопісам «Маланка». З пачатку 1930-х эміграваў, як і іншыя заходне-беларускія мастакі, сябры па студыі Мікалай Васілеўскі, Раман Семашкевіч, у СССР. Вучыўся ў Віцебскім мастацкім тэхнікуме. Нейкі час працаваў сцэнографам у тэатры Чалябінску, дзе і быў рэпрэсаваны як эмігрант і выхадзец з заходне-беларускіх земляў.

Сэрыі графічных аркушаў Васіля Сідаровіча апублікаваныя ў Вільні ў 1920-я («Хоць гультаём мяне завуць, а з працы ўсе маёй жывуць», «Што Рыгор у сьвеце бачыў», «Беларусь, ты прабуджайся, ашукаць сябе ня дайся», «І на зямлі і пад зямлёй „апякун“ усё за табой» і іншыя), адлюстравалі праблемы і рэаліі палітычнага жыцьця Заходняе Беларусі часу знаходжаньня яе пад польскай уладай. Пэйзажы «Ручай», «Вясна», «Стагі за ваколіцай» (захаваліся ў прыватнай калекцыі) сьведчаць аб добрым адчуваньні мастаком асаблівасьцяў беларускага ляндшафту, яго калярыту і настраёвасьці.

Вонкавыя спасылкі

• СІДАРОВІЧ Васіль Лукіч