Раман Семашкевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вікіпэдыя мае артыкулы пра іншых асобаў з прозьвішчам Семашкевіч.
Раман Семашкевіч
Раман Семашкевіч 1.jpg
Імя пры нараджэньні Раман Мацьвеевіч Семашкевіч
Дата нараджэньня 1900
Месца нараджэньня
Лебедзева, Віленская губэрня, Расейская імпэрыя
Дата сьмерці 22 сьнежня 1937
Месца сьмерці Бутаўскі палігон[d], Ленінскі раён[d], Маскоўская вобласьць, Расейская Савецкая Фэдэратыўная Сацыялістычная Рэспубліка, СССР
Адукацыя школа Браніслава Тарашкевіча ў Вільне, Віцебскае мастацкае вучылішча
Занятак жывапіс,
графіка
Плынь прымітывізм

Раман Семашкевіч (1900, Лебедзева, Віленская губэрня, Расейская імпэрыя, цяпер Маладэчанскі раён — 22 сьнежня 1937) — беларускі жывапісец і графік, удзельнік групы «Трынаццаць».

Біяграфія[рэдагаваць | рэдагаваць крыніцу]

Раман Семашкевіч нарадзіўся ў мястэчку Лебедзева Віленскай губэрні, у сялянскай сям’і. Яго бацька, Мацьвей Семашкевіч, працаваў садоўнікам у пана і ў той час вырошчваў у аранжарэі архідэі.

Скончыў беларускую гімназію. Вучыўся жывапісу й малюнку ў школе Браніслава Тарашкевіча ў Вільні, затым у Віцебскім мастацкім вучылішчы на скульптурным адьдзяленьні. Скончыў адукацыю ў Маскве, у Вышэйшым мастацка-тэхнічным інстытуце, дзе яго настаўнікамі былі: Дзьмітры Кардоўскі, Аляксандар Дрэвін, Сяргей Герасімаў.

Творчасьць[рэдагаваць | рэдагаваць крыніцу]

Раман Семашкевіч. Мужчынская фігура. 1930 г.

Пісаў партрэты, пэйзажы, сцэны з гарадскога жыцьця, жанравыя кампазыцыі. Адважныя й нечаканыя каляровыя рашэньні, наіўнае ўспрыманьне й экспрэсіўнасьць выкананьня вызначылі творчую манеру мастака.

Мастацтва Рамана Семашкевіча высока шанавалі яго сучасьнікі: Надзея Удальцова, Юры Алеша, Ільля Ільф, Тацьцяна Маўрына, Мікалай Харджыеў, Давыд Штэрэнбэрг. Яго палотны набывалі знакамітыя музэі й калекцыянэры.

У 1930 годзе Семашкевіч прыняў удзел у выстаўцы аб’яднаньня «Всекохудожник». Яго першая пэрсанальная выстаўка адбылася ў Маскве ў 1931 годзе. У тым жа годзе карціны Рамана Семашкевіча экспанаваліся на выстаўцы групы «Трынаццаць». З 1932 году сябра аб’яднаньня МАСМ. У 1932—1937 гадах — мастак зьдзейсьніў творчыя паездкі на Урал, на Алтай, у Беларусь.

2 лістапада 1937 году Раман Семашкевіч быў арыштаваны па сфабрыкаваным абвінавачваньні ў «контрарэвалюцыйнай агітацыі» і 22 сьнежня расстраляны. Карціны, якія знаходзіліся ў майстэрні мастака, былі канфіскаваны супрацоўнікамі НКУС. Гэтыя творы лічацца страчанымі.

У 1990 годзе ў Маскве адбылася першая пасьмяротная выстаўка яго прац.

Вядомыя творы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Ермакова Т. А. Роман Матвеевич Семашкевич. ― М., Третьяковская Государственная галерея, 1990
  • Васильева Н. М. Роман Матвеевич Семашкевич. ― М., Галарт, 1996
  • Плугина Н. В. Группа «13» в контексте художественной жизни конца 1920-х ― середины 1950-х. Канд. дисс. ― М., 2009

Вонкавыя спасылкі[рэдагаваць | рэдагаваць крыніцу]

Commons-logo.svg Раман Семашкевічсховішча мультымэдыйных матэрыялаў