Бяслан

Бяслан
	Бяслан
	Населены пункт
	Герб
Краіна	Расея
Суб’ект фэдэрацыі	Паўночная Асэтыя
Муніцыпальны раён	Правабярэжны
Першыя згадкі	1847
Дата заснаваньня	1847
Горад з	1950
Геаграфія
Плошча	24 км²;
Вышыня НУМ	484 м
Часавы пас	UTC+03:00
Каардынаты	43°12′ пн. ш. 44°34′ у. д.HGЯO
Насельніцтва
Колькасьць	36 183 чал. (2009)
Этнічны склад насельніцтва	асэтыны (81,77%), расейцы (13,51%)
Лічбавыя ідэнтыфікатары
Тэлефонны код	+7 86737
Паштовыя індэксы	363020, 363021 і 363023–363029
Сайт	Беслан.ру
	Бяслан на мапе Расеі Бяслан

Бясла́н (па-асэтынску: Беслæн Beslan.ogg (зьвесткі)) — места ў Расеі, адміністрацыйны цэнтар Правабярэжнага раёну Паўночнай Асэтыі.

Разьмешчаны на правым беразе ракі Цераку, за 15 км на поўнач ад Уладзікаўказу, за 8 км ад мяжы з Інгушэтыяй. Бяслан — важны чыгуначны вузел, разьмешчаны на галіне Растоў-на-Доне — Баку. Трэцяе па велічыні места Паўночнай Асэтыі пасьля Ўладзікаўказу і Маздоку. Насельніцтва на 2009 год — 36,2 тыс. чал. Нацыянальны склад на 2002 год: асэтыны — 81,77 %, расейцы — 13,51 %.

Гісторыя

Бяслан заснаваны ў 1847 годзе перасяленцамі зь іншых частак Асэтыі і атрымаў назву Бесланыкаў (па-асэтынску: Бесланыхъæу — «паселішча Бяслана») паводле імя мясцовага фэўдала Бяслана Тулатава. Афіцыйна паселішча называлася Тулатава або Тулатаўскае. У 1941 годзе перайменаванае ў Ірыстон («Асэтыя»), а ў 1950 годзе, па атрыманьні статусу места, у Бяслан.

Тэракт у Бяслане

1 верасьня 2004 году бясланская школа № 1 была захопленая тэрарыстамі, 1128 дзяцей і дарослых былі захопленыя. 3 верасьня ў часе апэрацыі вызваленьня загінулі 334 закладнікі, у тым ліку 186 дзяцей, 20 жаўнераў расейскага спэцназу, у мэдычныя ўстановы па дапамогу зьвярнуліся болей за 1000 чалавек.

Тэрарыстычны акт у Бяслане стаў апошнім з тэрактаў вясны-лета 2004 году, адказнасьць за якія, паводле агенцтва «France Presse» са спасылкай на інтэрнэт-сайт «Каўказ-цэнтар», узяў на сябе чачэнскі тэрарыст Шаміль Басаеў^[1].

Гаспадарка

Бяслан — адзін з цэнтраў асэтынскае вытворчасьці алькагольных напояў. На тэрыторыі места знаходзяцца тры прадпрыемствы па вытворчасьці сьпірту: ААТ «Ариана-С», ЗАТ «Возрождение», ААТ «Феникс»^[2].

Славутасьці

Помнік Сталіну

Ураджэнцы

Алан Бадоеў — украінскі рэжысэр, стваральнік кліпаў
Вадзім Бяроеў — савецкі актор тэатру і кіно

Крыніцы

Вонкавыя спасылкі

Бяслан — сховішча мультымэдыйных матэрыялаў

[1] Басаев взял на себя ответственность за теракты в России и подробно рассказал о Беслане. — Известия, 17 верасьня 2004 (рас.)

[2] В Северной Осетии приостановлены четыре из шести заводов, производящих спирт из мелассы (рас.)

[1]

[2]