Бывайце здаровы
Быва́йце здаро́вы (іншыя назвы: Бывайце здаровы, жывіце багата) — беларуская застольная песьня на словы паэта Адама Русака.
Гісторыя стварэньня
Верш «Бывайце здаровы!» быў напісаны ў 1936 годзе[1] беларускім паэтам Адамам Русаком па вяртаньні з роднае вёскі Пясочнае ў Ленінград. Аўтарам музыкі да гэтай песьні зьяўляецца кампазытар Ісак Любан[2].
Вэрсія ў расейскім перакладзе Міхаіла Ісакоўскага зьявілася ў газэце «Праўда» 1 студзеня 1937 году, аўтарства не было пазначанае, таму некаторы час песьня лічылася народнай. Ісакоўскі фігураваў у расейскіх выданьнях як аўтар перакладу, а Ісак Любан — аўтарам музыкі. Неўзабаве адбылося паседжаньне Саюзу пісьменьнікаў Беларусі, на якім аўтарства Адама Русака было даказанае, і ў 1940-м годзе Ісакоўскі даслаў яму ліст з прабачэньнямі[3].
Выканаўцы
Сярод першых выканаўцаў песьнi народная артыстка БССР Ларыса Александроўская, якая прасьпявала яе ў Менску для дэлегатаў рэспубліканскага зьезду камуністычнай партыі 15 чэрвеня 1937 году.
Падчас Другой сусьветнай вайны песьня гучала на франтах у розных варыяцыях, у фільме «Канцэрт фронту» Леанід Уцёсаў выканаў яе з вайсковымі куплетамі. Сярод пазьнейшых выканаўцаў — ансамбаль «Песьняры» пад кiраўнiцтвам Уладзiмера Мулявiна, Ёсіф Кабзон, Зьміцер Вайцюшкевіч.
Крыніцы і заўвагі
- ^ Вольга Мядзведзева (8 жніўня 2007) Яго словы з песень не выкiнеш (бел.) Культура. «Звязда». Праверана 4 студзеня 2013 г.
- ^ Ісак Любан — Чырвоная кніга расейскай эстрады
- ^ !OUT: Тузін шлягераў, пазбаўленых аўтараў (бел.) Тузін гітоў Праверана 4 студзеня 2013 г.