Белбакалея

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Каардынаты: 53°50′49″ пн. ш. 27°41′30″ у. д. / 53.84694° пн. ш. 27.69167° у. д. / 53.84694; 27.69167

«Белбакалея»
Тып адкрытае акцыянэрнае таварыства
Заснаваная 1 лістапада 1954 (64 гады таму)
Разьмяшчэньне Менск, Заводзкі раён, вул. Прамысловая, д. 15
Ключавыя фігуры Андрэй Улезла
Галіна гандаль
Абарачэньне Red Arrow Down.svg440,559 млрд рублёў[1] (2015 г.; $27,105 млн)[2]
Апэрацыйны прыбытак Green Arrow Up Darker.svg-9,727 млрд руб. (2015 г.; -$0,598 млн)
Чысты прыбытак Green Arrow Up Darker.svg-10,052 млрд руб. (2015 г.; -$0,618 млн)
Лік супрацоўнікаў 416 (2016 г.)
Матчына кампанія Міністэрства гандлю Рэспублікі Беларусь

«Белбакалея» — дзяржаўнае аптовае прадпрыемства Беларусі, заснаванае ў лістападзе 1954 году ў Менску.

На 2017 год прадпрыемства мела 9 дробнааптовых крамаў у сталіцы (2) і 7 буйных гарадах у 4-х абласьцях Беларусі: Ворша, Глыбокае і Полацак у Віцебскай вобласьці, Жлобін у Гомельскай, Бабруйск у Магілёўскай, Барысаў і Маладэчна ў Менскай. У Менску таксама працавалі 3 розьнічныя крамы: 1) вул. Брылеўская, д. 3; 2) вул. Харужай, д. 8; 3) вул. Вэлязаводзкая, д. 8.

Мінуўшчына[рэдагаваць | рэдагаваць крыніцу]

У лістападзе 1954 году ў Менску (Беларуская ССР) стварылі бакалейную базу плошчай 6200 м² на аснове складоў па Абутковым завулку, Заходняй, Трасьцянецкай і Перадавой вуліцах. У 1964 годзе заклалі 2 карпусы плошчай 13 000 м² па Магілёўскай шашы. У 1973 г. Міністэрства гандлю Беларускай ССР зацьвердзіла Рашэньне аб стварэньні канторы «Белбакалея». 19 лютага 2002 г. арэнднае прадпрыемства «Белбакалея» пераўтварылі ў адкрытае акцыянэрнае таварыства.

За 2011 год 82% продажаў ААТ «Белбакалея» склалі айчынныя тавары, якія паступілі ад блізу 200 айчынных пастаўнікоў. Збыт ажыцьцявілі ў больш як 4000 установаў розьнічнага гандлю, у тым ліку большасьць крамаў сталіцы. На 2012 год ААТ «Белбакалея» валодала найбольшым у Беларусі гандлёвым домам зь сеткай дробнааптовых і 3-х розьнічных крамаў агульнай плошчай звыш 40 000 м². Пад гандлёвым знакам «Белбакалея» фасавалі крупы (гарох, грэчка, проса, рыс і ячныя крупы) і цукар. 17 дробнааптовых крамаў месьціліся ў Менску, Барысаве і Маладэчне (Менская вобласьць), Бабруйску (Магілёўская вобласьць) і Воршы (Віцебская вобласьць). Прадпрыемства налічвала каля 600 супрацоўнікаў[3].

Кіраўнікі[рэдагаваць | рэдагаваць крыніцу]

  • Валянцін Чаканаў (жнівень 2003 — 9 студзеня 2009)
  • Анатоль Ткачоў (2010—2016)
  • Андрэй Улезла (з 2016-га)

Крыніцы[рэдагаваць | рэдагаваць крыніцу]