Беларускі гістарычны агляд (часопіс)
| Беларускі Гістарычны Агляд | |
| Тэматыка | гісторыя, гістарыяграфія Беларусі |
|---|---|
| Пэрыядычнасьць | 2 разы на год |
| Адрас | Менск, Вільня, Варшава, |
| Заснавальнік | Генадзь Сагановіч |
| Выдавец | Эўрапейскі гуманітарны ўнівэрсытэт (2006—2019); Варшаўскі ўнівэрсытэт |
| Галоўны рэдактар | Генадзь Сагановіч |
| Дата заснаваньня | 1994 |
| Мова | беларуская |
| ISSN | 1392-902X |
| Афіцыйны сайт | belhistory.eu |
«Белару́скі гістары́чны агля́д» (Belarusian historical review) — навуковы часопіс, прысьвечаны дасьледаваньням гісторыі Беларусі й актуальнаму стану беларускай гістарыяграфіі.
Гісторыя
[рэдагаваць | рэдагаваць крыніцу]Заснаваны ў 1994 годзе, як незалежны навуковы часопіс. Пасьля 2006 году выдаваўся пры ЭГУ, ад 2019 г. – пры Цэнтры ўсходнееўрапейскіх дасьледаваньняў Варшаўскага ўнівэрсытэту. Часопіс публікуе артыкулы, агляды, рэцэнзіі, архіўныя матэрыялы, а таксама інфармацыйныя зацемкі па беларускай і ўсходнееўрапейскай гісторыі без храналягічных абмежаваньняў.
Зьмест
[рэдагаваць | рэдагаваць крыніцу]Публікацыі прысьвечаны палітычнай і ваеннай гісторыі Беларусі эпохі фэадалізму, а таксама 19—20 ст., пытаньням гісторыі культуры й рэлігіі, гістарыяграфіі Гісторыі Беларусі, мэтадалягічнымі праблемамі гістарычнай навукі. Асноўныя рубрыкі: «Артыкулы», «Паведамленьні», «Новыя пэрспэктывы», «Пераклады», «Архіваліі», «Гісторыя і гісторыкі», «Палеміка», «Новая літаратура: агляды і рэцэнзіі» і інш. Рэзюмэ на ангельскай, нямецкай мовах. Публікацыі носяць акадэмічны характар[1].
Бібліятэка БГА
[рэдагаваць | рэдагаваць крыніцу]Кніжная сэрыя «Бібліятэка БГА» была заснавана ў 1999 годзе. Спэцыялізуецца на выданьні актуальных гістарычных дасьледаваньняў, твораў замежнай беларусікі, а таксама на публікацыі гістарычных крыніц (дакумэнтаў, успамінаў і інш.)[2].
Рэдакцыя
[рэдагаваць | рэдагаваць крыніцу]- Галоўны рэдактар — Генадзь Сагановіч
- Выканаўчы рэдактар — Яўген Кавальчук
- Вэб-рэдактар — Яна Макарэвіч
Крыніцы
[рэдагаваць | рэдагаваць крыніцу]- ^ Галоўная старонка БГА. Беларускі Гістарычны Агляд.
- ^ Бібліятэка БГА. Беларускі Гістарычны Агляд.
Літаратура
[рэдагаваць | рэдагаваць крыніцу]- «Беларускі Гістарычны Агляд». // Беларуская энцыклапедыя: У 18 т.. — Мн.: 1996 Т. 2: Аршыца — Беларусцы. — С. 438.
- «Беларускі Гістарычны Агляд». // Культура Беларусі: энцыклапедыя / рэдкал.: Т. Бялова (гал. рэд.) [і інш.]. — Менск: Беларус. Энцыкл. імя П. Броўкі, 2010. — Т. 1. — 704с.:іл. с. — 3000 ас. — ISBN 978-985-11-0496-9 — С. 592.
Вонкавыя старонкі
[рэдагаваць | рэдагаваць крыніцу]- Беларускі Гістарычны Агляд Беларуская Інтэрнэт-Бібліятэка. Kamunikat.org.
- Архіў нумароў БГА Беларускі Гістарычны Агляд