Багдановіч

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Багдановіч (неадназначнасьць).

Багдано́віч (па-расейску: Богданович) — горад у Расеі, адміністрацыйны цэнтар Багдановіцкага раёну Сьвярдлоўскай вобласьці. Насельніцтва 32,3 тыс. чал. (2005). Горад разьмешчаны на рацэ Кунара (правы прыток Пышмы), за 99 км на ўсход ад Екацерынбургу.

Гісторыя

Заснаваны ў 1885 годзе як станцыя другой клясы Уральскай чыгункі. Назву атрымаў у гонар генерал-лейтэнанта Яўгена Багдановіча. Мае статус гораду з 1947 году.

Эканоміка

Чыгуначны вузел на Екацерынбург, Цюмень, Чэлябінск, Сяроў. У горадзе дзейнічаюць завод вогнетрывалых вырабаў, шпалапрапітачны завод, мясакамбінат, малочны завод, камбікормавы завод і камбінат будаўнічых матэрыялаў.

Асобы, зьвязаныя з горадам

Сьцяпан Шчыпачоў — расейскі савецкі паэт, ляўрэат Сталінскіх прэмій (1949, 1951).