Перайсьці да зьместу

Арцём Канцавы

Зьвесткі зь Вікіпэдыі — вольнай энцыкляпэдыі
Арцём Канцавы
Пэрсанальная інфармацыя
Нарадзіўся 20 траўня 1983(1983-05-20)[1][2][3][…] (42 гады)
Рост 177 см[4]
Вага 77 кг[4]
Пазыцыя нападнік
Клюбы
Гады Клюб Гульні (галы)¹
1999—2000 РВАР[d] 32 (8)
2001—2002 БАТЭ 46 (15)
2003—2004 Спартак Масква 11 (2)
2004 → Чарнаморац Новарасейск 21 (4)
2005—2008 Партызан Менск 88 (42)
2009—2010 Спартак Нальчык 18 (2)
2010 → БАТЭ 11 (2)
2011—2013 БАТЭ 63 (13)
2014—2015 Тарпэда-БелАЗ 39 (3)
2015—2019 Нёман Горадня 71 (5)
Зборныя
2001 Беларусь (да 19)[d] 2 (0)
2002—2005 Беларусь (да 21) 34 (7)
2006—2008 Беларусь 10 (0)
Трэнэрскія клюбы
2024—2025 БАТЭ-2[d]
2025—4 БАТЭ

Арцём Канцавы (нар. 20 траўня 1983 году) — колішні беларускі футбаліст, нападнік. Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні[5]. Галоўны трэнэр барысаўскага БАТЭ.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Выхаванец гомельскага футболу. У маладым веку апынуўся ў барысаўскім БАТЭ. Пазьней гуляў у Расеі, але ў 2005 годзе вярнуўся ў Беларусь, стаўшы адным з асноўных гульцоў менскага МТЗ-РІПА. У 2009 годзе перайшоў у «Спартак» з Нальчыку. Сэзон 2010 году правёў у арэндзе ў БАТЭ, пасьля чаго быў выкуплены барысаўскім клюбам. У БАТЭ спачатку трывала гуляў у асноўным складзе на пазыцыі цэнтральнага нападніка або правага паўабаронцы. У 2013 годзе пачаў зьяўляцца на полі толькі эпізадычна, што ў многім было павязана са зьменай тактычнай схемы барысаўчанаў, якія пачалі гуляць бяз вылучаных флянгавых паўабаронцаў, а на гастрыні атакі Канцавы ня здолеў скласьці канкурэнцыю Віталю Радзівонаву.

У выніку па заканчэньні сэзону 2013 году пакінуў БАТЭ ў статусе свабоднага агента і ў студзені 2014 году падпісаў кантракт з «Тарпэда-БелАЗ»[6]. У жодзінскім клюбе стаў гульцом асноўнага складу, дзе спачатку гуляў у цэнтры атакі, але потым пачаў выступаць на пазыцыі правага ўскрайняга нападніка. У студзені 2015 году падоўжыў кантракт з аўтазаводцамі[7]. У пачатку сэзону 2015 году не гуляў праз траўму, а пазьней вярнуўся і трывала зьяўляўся на полі, але карыснымі дзеяньнямі (галамі або галявымі перадачамі) не адзначаўся. У ліпені 2015 году пакінуў «Тарпэда-БелАЗ»[8].

Неўзабаве пасьля разьвітаньня з жодзінскім клюбам апынуўся ў стане гарадзенскага «Нёмана», зь якім 24 ліпеня падпісаў кантракт[9]. У складзе «Нёмана» быў асноўным цэнтральным нападнікам. У студзені 2016 году падоўжыў кантракт з гарадзенскім клюбам[10]. У сэзоне 2016 году заставаўся трывалым гульцом асноўнага складу, толькі канец сэзону прапусьціў праз траўму. У лютым 2017 году падпісаў новае пагадненьне зь «Нёманам»[11]. У сэзоне 2017 году пачаў радзей зьяўляцца на полі, часьцей толькі выходзячы на замену. У канцы сэзону пачаў выкарыстоўвацца ў якасьці правага абаронцы. У лістападзе 2017 году падоўжыў кантракт зь «Нёманам» на наступны сэзон[12], а ў студзені 2019 году падоўжыў кантракт яшчэ на адзін год[13]. У сэзонах 2018—2019 гадоў зрэдку зьяўляўся на полі і шмат прапускаў праз траўмы. У сьнежні 2019 году пакінуў «Нёман»[14].

Міжнародная

[рэдагаваць | рэдагаваць код]

Гуляў за моладзевыя зборныя Беларусі. З 2006 па 2008 гады выступаў за нацыянальную зборную.

Трэнэрская праца

[рэдагаваць | рэдагаваць код]

У пачатку 2020 году трэнаваўся зь менскім НФК, аднак у лютым пастанавіў сабе завяршыць кар’еры[15]. У сакавіку 2020 году ўвайшоў у трэнэрскі штаб дублю барысаўскага БАТЭ[16], дзе працаваў цягам двух гадоў. У студзені 2022 году перайшоў на працу зь юнацкай камандай клюбу[17]. У студзені 2023 году зноў стаў трэнэрам у дублі БАТЭ[18].

У лістападзе 2023 году атрымаў трэнэрскую ліцэнзію катэгорыі A[19]. У студзені 2024 году быў прызначаны памочнікам Ігара Крывушэнкі ў асноўнай камандзе барысаўчанаў[20]. У ліпені 2025 году быў прызначаны галоўным трэнэрам барысаўскага БАТЭ[21]. У ягоны штаб увайшлі Ўладзімер Нявінскі, Дзьмітры Ліхтаровіч, Ігар Ражкоў, Барыс Панкратаў і лёгкаатлетка Аліна Талай, якой даверылі адказваць за фізычную падрыхтоўку футбалістаў.

Узнагароды

[рэдагаваць | рэдагаваць код]

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Тарпэда-БелАЗ2015Найвышэйшая ліга110
Нёман123
2016Найвышэйшая ліга232
2017Найвышэйшая ліга190
2018Найвышэйшая ліга90

Крыніцы

[рэдагаваць | рэдагаваць код]
  1. ↑ Artem Kontsevoj // Transfermarkt (мн.) — 2000.
  2. ↑ Artem Kontsevoy // FBref (анг.)
  3. ↑ ARTEM KONTSEVOY // Argentine Soccer Database (гішп.)
  4. 1 2 https://www.teams.by/-/player-19/
  5. ↑ Клуб бомбардиров. Незаконченный Роман (рас.)
  6. ↑ Артем Концевой подписал контракт с "Торпедо"-БелАЗ (рас.)
  7. ↑ Артем Концевой продлил контракт с "Торпедо-БелАЗ" (рас.)
  8. ↑ "Торпедо-БелАЗ" расстался с Александром Яцкевичем и Артемом Концевым (рас.)
  9. ↑ Артем Концевой стал игроком "Немана" (рас.)
  10. ↑ Сергей Сосновский и Артем Концевой продлили контракты с "Неманом" (рас.)
  11. ↑ Артем Концевой продлил контракт с "Неманом" (рас.)
  12. ↑ Якимов, Жуковский, Рудик и еще трое футболистов продлили контракты с "Неманом" (рас.)
  13. ↑ Артем Концевой остается в Гродно (рас.)
  14. ↑ "Неман" объявил о расставании с Концевым (рас.)
  15. ↑ Артем Концевой в 36 лет завершил карьеру (рас.)
  16. ↑ Артем Концевой будет набираться тренерского опыта в дубле БАТЭ (рас.)
  17. ↑ Виктор Гончаренко возглавил дубль БАТЭ (рас.)
  18. ↑ Артем Концевой вернулся в тренерский штаб дубля БАТЭ (рас.)
  19. ↑ Дипломы УЕФА категории "А" вручены 24 специалистам (рас.)
  20. ↑ Игорь Криушенко спустя 16 лет вновь возглавил БАТЭ (рас.)
  21. ↑ Артем Концевой — главный тренер БАТЭ. ФК БАТЭ.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Арцём_Канцавы&oldid=2636908»