Арсэн Якавенка
- Вікіпэдыя мае артыкулы пра іншых асобаў з прозьвішчам Якавенка.
Арсэн Якавенка | |
| Арсен Яковенко | |
 | |
| Род дзейнасьці | музыка (піяніст і кампазытар) |
|---|---|
| Дата нараджэньня | 5 верасьня 1991 (33 гады) |
| Месца нараджэньня | Кіеў, Украіна |
| Занятак | піяніст |
Арсэ́н Ваа́гнавіч Якаве́нка (па-ўкраінску: Яковенко Арсен Ваагнович; нарадзіўся 5 верасьня 1991, Кіеў) — украінскі піяніст і кампазытар.
Біяграфія
[рэдагаваць | рэдагаваць крыніцу]Нарадзіўся 5 верасьня 1991 году ў Кіеве.
Ад 1997 да 2000 году вучыўся ў Дзіцячай музычнай Акадэміі. У 2000—2009 быў вучнем Кіеўскай сярэдняй адмысловай музычнай школы імя Міколы Лысенкі пры Нацыянальнай музычнай акадэміі Ўкраіны імя Пятра Ільліча Чайкоўскага (кляса настаўніцы Натальлі Грыдневай). Ад 2009 году навучаецца ў Нацыянальнай музычнай акадэміі Ўкраіны імя Пятра Чайкоўскага. Ад 2006 году стыпэндыят фонду былога прэзыдэнта Ўкраіны Леаніда Кучмы[1] Ад 1998 году вучыцца кампазыцыі (кляса настаўніцы Алы Загайкевіч). Аўтар твораў для фартэпіяна, ды таксама іншых інструмэнтаў, у прыватнасьці для скрыпкі, віялянчэлі, флейты, клярнэта.
Удзел у конкурсах
[рэдагаваць | рэдагаваць крыніцу]- Ляўрэат конкурсу імя Алямдара Караманава (Сімфэропаль, 2003 год, І прэмія)
- Ляўрэат конкурсу імя Алямдара Караманава (Сімфэропаль, 2005 год, ІІ прэмія)
- Ляўрэат конкурсу «На бацькаўшчыне Сяргея Пракоф’ева» (Данецк, 2005 год, ІІ прэмія)
- Ляўрэат 3-га Тбіліскага конкурсу юных піяністаў (Грузія, 2007 год, ІІ прэмія)
- Дыплямант VIII міжнароднага конкурсу юных піяністаў імя Ўладзімера Крайнева (Харкаў, 2006 год)
- Ляўрэат IV Маскоўскага міжнароднага конкурсу юных піяністаў імя Шапэна (Расея, 2004 год)
- Ляўрэат 9-га Міжнароднага конкурсу піяністаў імя Ўладзімера Крайнева (Харкаў, 2008 год, ІІІ прэмія)
- Ляўрэат конкурсу на здабыцьцё прэміі фірмы Bechstein (па-беларуску: Бэхштайн) у Кіеве (2010 год, І прэмія).
Арсэн Якавенка таксама ўзнагароджаны спэцыяльным прызам ІІІ міжнароднага конкурсу памяці Еміля Гілельса[2] (Адэса, 2006 год). Таксама атрымаў спэцыяльную нагароду на «Bremer Klavier Wettbewerb’07» (Нямеччына, 2007 год).
Кампазытар
[рэдагаваць | рэдагаваць крыніцу]Як кампазытар Арсэн Якавенка выступаў на Міжнародным фэстывалі акадэмічнай ды сучаснай музыкі «Фарбатоны» і Ўсеўкраінскім фэстывалі дзіцячай кампазытарскай творчасьці «Арфэй».
Крыніцы
[рэдагаваць | рэдагаваць крыніцу]- ^ Леонід Кучма зустрівся з юними талановитими музикантами(недаступная спасылка) (укр.)
- ^ Старонка конкурсу (укр.)
Вонкавыя спасылкі
[рэдагаваць | рэдагаваць крыніцу]- Старонка на сайце школы імя Лысенкі (укр.)
- Артыкул аб канцэрце клясы кампазыцыі Алы Загайкевіч (укр.)
 |
Гэта — накід артыкула пра біяграфію асобы. Вы можаце дапамагчы Вікіпэдыі, пашырыўшы яго. |
 | На гэты артыкул не спасылаюцца іншыя артыкулы Вікіпэдыі. Калі ласка, прастаўце спасылкі на яго ў іншых артыкулах. |