Армэн Саркісян

Армэн Саркісян
Արմեն Սարգսյան
4-ы прэзыдэнт Армэніі
9 красавіка 2018 — 23 студзеня 2021
Прэм’ер-міністар:	Карэн Карапэцян (в. а.) Сэрж Саргсян Карэн Карапэцян (в. а.) Нікол Пашынян
Папярэднік:	Сэрж Саргсян
5-ы прэм’ер-міністар Армэніі
4 лістапада 1996 — 20 сакавіка 1997
Прэзыдэнт:	Лявон Тэр-Пэтрасян
Папярэднік:	Грант Баграцян
Наступнік:	Робэрт Качаран
Амбасадар Армэніі ў Вялікабрытаніі
1998 — 8 красавіка 2018
Прэзыдэнт:	Робэрт Качаран Сэрж Саргсян
Прэм’ер-міністар:	Армэн Дарбінян Вазген Саргсян Арам Саргсян Андранік Маргаран Сэрж Саргсян Тыгран Саргсян Авік Абраамян Карэн Карапэцян
Наступнік:	Армэн Лілаян (в. а.)
Асабістыя зьвесткі
Нарадзіўся:	23 чэрвеня 1953 Ерэван, Армянская ССР, СССР
Партыя:	незалежны палітык
Сужэнец:	Нунэ Саркісян[d]
Дзеці:	2
Бацька:	Вардан Саркісян[d]
Адукацыя:	Ерэванскі дзяржаўны ўнівэрсытэт
Узнагароды:
Армэн Саркісян у Вікісховішчы

Армэ́н Варда́навіч Саркіся́н (па-армянску: Արմեն Վարդանի Սարգսյան; нар. 23 чэрвеня 1953, Ерэван, Армянская ССР, СССР) — армянскі фізык, інфарматык і палітык, прэзыдэнт Армэніі з 2018 року.

Жыцьцяпіс

Армэн Саркісян скончыў факультэт тэарэтычнай фізыкі і матэматыкі (1976) і асьпірантуру (1978) Ерэванскага дзяржаўнага ўнівэрсытэту. У 1978—1984 роках быў асыстэнтам катэдры фізыкі ЕДУ. У 1984—1985 — выкладчык Кембрыдзкага ўнівэрсытэту, у 1985—1992 — выкладчык тэарэтычнай фізыкі ЕДУ. У 1988 заснаваў, з 1990 — загадчык катэдры складаных тэхналёгіяў і кампутарнага мадэляваньня факультэту тэарэтычнай фізыкі.

У 1992 року адкрыў амбасаду Армэніі ў Лёндане — першую армянскую дыпляматычную місію на Захадзе. У 1993—1994 — амбасадар Армэніі ў Эўропе і Эўразьвязе. У 1995—1996 — амбасадар у Бэльгіі, Ватыкане і Люксэмбургу.

У лістападзе 1996 року прызначаны прэм’ер-міністрам Армэніі; сышоў з пасады праз 4 месяцы. Пасьля гэтага быў спэцыяльным дарадцам прэзыдэнта Эўрапейскага банку рэканструкцыі і разьвіцьця (ЭБРР), кіраўніком ЭБРР (1998—2000). У 1998—2000 ізноў быў амбасадарам Армэніі у Вялікабрытаніі.

У 2018 року ўзяў удзел у безальтэрнатыўных прэзыдэнцкіх выбарах ад кіроўнай Рэспубліканскай партыі і набраў 90 галасоў дэпутатаў з 105.

23 студзеня 2022 году падаў у адстаўку. Ён заявіў, што на гэтай пасадзе яму не хапае паўнамоцтваў і ён ня здольны ўплываць на палітыку краіны і пытаньні вайны і міру.

Узнагароды

• Ордэн Заслуг перад Радзімай I ступені (15 верасьня 2017)
• Ордэн сьвятога Рыгора Вялікага (Ватыкан, 1997)
• мэдаль сьвятога Рыгора Асьветніка (Армянская апостальская царква, 2008).
• Вялікі крыж з ланцугом ордэна «За заслугі перад Італьянскай рэспублікай» (2018)

Вонкавыя спасылкі

Армэн Саркісян — сховішча мультымэдыйных матэрыялаў

• Жыцьцяпіс  (рас.) на бачыне ўраду Армэніі
• Жыцьцяпіс  (рас.) на бачыне «Спутніку»

Папярэднік Сэрж Саргсян	Прэзыдэнт Армэніі 2018—	Наступнік '
Папярэднік Грант Баграцян	Прэм’ер-міністар Армэніі 1996—1997	Наступнік Робэрт Качаран