Андрыс Бэрзіньш

	Андрыс Бэрзіньш
	па-латыску: Andris Bērziņš
8-ы прэзыдэнт Латвіі
	8 ліпеня 2011 — 8 ліпеня 2015
Папярэднік:	Валдзіс Затлэрс
Наступнік:	Раймандс Вэёніс
Асабістыя зьвесткі
Нарадзіўся:	10 сьнежня 1944 (79 гадоў); Нітаўрэ, Нітаўрская воласьць, Рыскі павет, Латвійская ССР, СССР
Партыя:	КПСС; Саюз зялёных і хрысьціянаў
Сужэнец:	Дацэ Сэйсума[d]
Адукацыя:	Рыскі тэхнічны інстытут; Латыскі дзяржаўны ўнівэрсытэт
Узнагароды:	;
	Андрыс Бэрзіньш у Вікісховішчы

Андрыс Бэрзіньш (па-латыску: Andris Berzins; нарадзіўся 10 сьнежня 1944 году, Нітаўрэ) — латвійскі дзяржаўны і палітычны дзеяч. Прэзыдэнт Латвіі (2011—2015). Прадпрымальнік. Мільянэр.

Біяграфія

Адукацыя

У 1958 годзе — скончыў Нітаўрскую сярэднюю школу. У 1971 годзе — скончыў Рыскі політэхнічны інстытут па спэцыяльнасьці «радыёінжынэр». У 1988 годзе — скончыў Латвійскі дзяржаўны ўнівэрсытэт па спэцыяльнасьці «плянаваньне прамысловасьці».

Кар’ера ў савецкі пэрыяд

З 1970 году — інжынэр, пасьля — дырэктар прадпрыемства «Электрон». Быў у КПСС^[2].

З 1988 году — намесьнік Міністра побытавых паслугаў Латвійскае ССР. Узначальваў Раду народных дэпутатаў і выканаўчы камітэт Вальміерскага раёну. У 1990 годзе быў абраны ў Вярхоўную раду Латвіі, працаваў у фракцыі Народнага фронту Латвіі. 4 траўня 1990 году галасаваў за аднаўленьне незалежнасьці.

Кар’ера ў незалежнай Латвіі

У 1993 годзе ўзначаліў фонд прыватызацыі пры Банку Латвіі. У 1993—2004 гадах — прэзыдэнт АТ Latvijas Unibanka. Са сьнежня 2006 году па красавік 2009 году — старшыня рады Latvenergo. У 2006—2010 гадах на грамадзкіх пачатках працаваў прэзыдэнтам Гандлёва-прамысловае палаты.

Працаваў дараднікам прэзыдэнта Skandinaviska Enskilda Bank, AS Unibanka^[3]

Пасьля сыходу на пэнсію Бэрзіньш вярнуўся ў актыўную палітыку. У 2005 годзе ён стаў кандыдатам у дэпутаты думы Рыгі ад Саюзу зялёных і сялянаў (СЗС)^[4]. З 2 лістапада 2010 году — дэпутат Сойму Латвіі 10-га скліканьня і сябра фракцыі СЗС. З 4 лістапада 2010 году — чалец, а з 8 лістапада — старшыня камітэта па эканамічнай, сельскагаспадарчай, экаляґічнай і рэґіянальнай палітыцы Сойму. З 4 лістапада 2010 году — чалец Камісіі па запытах Сойму. З 17 сакавіка 2011 году па 25 траўня 2011 году — чалец Парлямэнцкай камісіі па расьсьледаваньні ў сувязі зь меркаванаю незаконнаю дзейнасьцю па паглынаньні і рэструктурызацыі АТ Parex Bank.

Дзейнасьць падчас прэзыдэнцкай гонкі

2 чэрвеня 2011 году ўдзельнічаў у прэзыдэнцкіх выбарах і атрымаў у другім туры перамогу, набраўшы 53 дэпутацкія галасы супраць 43, пададзеных за Затлэрса^[5]. Афіцыйна ўступіў на пасаду 8 ліпеня 2011 году^[6]^[7].

Узнагароды

Ланцуг ордэну Трох зорак (2011 год)^[8]^[9]
Вялікі крыж ордэну Віестура (2011 год)^[8]^[9]
Крыж Прызнаньня (2011 год)^[8]^[9]

Крыніцы

Літаратура

Лата Лапса, «Латыш звычайны», 2011 г.

Вонкавыя спасылкі

Андрыс Бэрзіньш — сховішча мультымэдыйных матэрыялаў

Дадзеныя пра Бэрзіньша як дэпутаце Вярхоўнай Рады, кандыдаце ў 10-й Сойм і дэпутаце 10-го Сойма
Andris Berzins — newly elected president of Latvia (анг.)

[_69d8c1e16ec8ffc9-1] ttps://enciklopedija.lv/skirklis/137257-Andris-B%C4%93rzi%C5%86%C5%A1

[2] Юры Аляксееў Лёс прэзыдэнта DELFI

[3] Rigas Dome. Zalo un Zemnieku savieniba. Andris Berzins (лат.)

[4] Сьпіс СЗС на выбарах у Рыжскую думу ў 2005 г. (лат.)

[5] Латвію ўзначаліў дужы гаспадарнік

[6] Прэзыдэнтам Латвіі стаў Андрыс Бэрзіньш.

[7] Экс-банкір, мультымільянер Бэрзіньш стаў кіраўніком Латвіі

[НовыйПрезидент1-8] а ^б ^в і 3 ст.У Латвіі новы Прэзыдэнт уступіў у пасаду

[НовыйПрезидент2-9] а ^б ^в Які ўступаў у пасаду прэзыдэнта Латвіі ўзнагародзяць ордэнам

[2]

[3]

[4]

[5]

[6]

[7]

[8]

[9]

п а р Прэзыдэнты Латвіі
1918—1940	Яніс Чакстэ Ґустаўс Зэмґалс Албэртс Квесіс Карліс Улманіс¹ Аўгусцс Кіргенштэйнс²
1991 — сёньня	Анатолійс Гарбуноўс² Ґунціс Улманіс Вайра Віке-Фрэйбэрґа Валдзіс Затлэрс Андрыс Бэрзіньш Раймандс Вэёніс Эгілс Левітс Эдгарс Рынкевічс
1 — самаабвешчаны; 2 — выканаўца абавязкаў