Аляксей Цясьлюк

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аляксей Цясьлюк
Аляксей Цясьлюк
Пэрсанальная інфармацыя
Нарадзіўся 10 студзеня 1994 (24 гады)
Давыд-Гарадок, Беларусь
Рост 181 см
Вага 69 кг
Пазыцыя нападнік
Клюбная інфармацыя
Клюб Смалявічы
Клюбы
Гады Клюб Гульні (галы)¹
2013—
2018—
Гомель
Смалявічы (арэнда)
88 (12)
5 (1)
Зборныя
2013—2016 Беларусь (да 21) 20 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
2 сьнежня 2018.

Аляксей Цясьлюк (нарадзіўся 10 студзеня 1994 году, Давыд-Гарадок, Беларусь) — беларускі футбаліст, нападнік клюбу «Смалявічы» (у арэндзе з клюбу «Гомель»).

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Нягледзячы на тое, што гулец нарадзіўся ў Берасьцейскай вобласьці, футболам пачаў займацца ў Гомелі, першая футбольная школа — гомельскі клюб «Спартак».

З сэзону 2011 году пачаў выступаць за дубль «Гомелю». 2 лютага 2012 году пасьля выпуску з цэнтру падрыхтоўкі рэзэрвы, падпісаў першы прафэсійны кантракт з клюбам тэрмінам на 3 гады[1]. Сэзон 2012 году правёў у дублі, дзе згуляў 25 матчаў, забіў 5 галоў і аддаў 2 галявыя перадачы. Разам з партнэрамі па камандзе стаў пераможцам першынства дублюючых складаў камандаў вышэйшай лігі.

Улетку 2012 году Аляксея заўважылі скаўты маскоўскага «Спартака» падчас таварыскага матчу паміж юнацкімі зборнымі Расеі і Беларусі[2]. З 31 ліпеня па 10 жніўня 2012 году Цясьлюк праходзіў прагляд у моладзевай камандзе «чырвона-белых». Прагляд падпісаньнем кантракту ня скончыўся і гулец вярнуўся ў «Гомель».

У студзені 2013 году разам зь іншымі гульцамі «залатога дублю» быў пераведзены ў асноўную каманду клюбу «Гомель»[3]. 30 чэрвеня 2013 году Аляксей дэбютаваў за «Гомель» у матчы чэмпіянату Беларусі супраць берасьцейскага «Дынама», выйшаўшы на замену ў дадатковы час. У далейшым працягваў гуляць за дубль у сэзонах 2013 і 2014 гадоў, часам зьяўляўся ў асноўнай камандзе, выходзячы на замену.

У сакавіку 2015 году падоўжыў кантракт з гамяльчанамі[4]. 10 красавіка 2015 году забіў свой першы гол за «Гомель» у вышэйшай лізе ў шыкоўнай хуткай атацы, які дапамог перамагчы «Белшыну» зь лікам 2:0. Гэты гол стаў таксама першым голам чэмпіянату краіны 2015 году[5].

У жніўні 2018 году аддадзены ў арэнду клюбу «Смалявічы» да канца сэзону[6].

Міжнародная[рэдагаваць | рэдагаваць крыніцу]

Выступаў за юнацкія зборныя Беларусі. Улетку 2013 году выступаў, таксама, за малодшую моладзевую зборную Беларусі (да 20 гадоў). 16 студзеня 2015 году дэбютаваў у зборнай да 21 году ў матчы супраць Туркмэністану на Кубку Садружнасьці. У гэтым матчы адзначыўся голам, які прынёс беларусам перамогу зь лікам 1:0.

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Гомель 2015 Вышэйшая ліга 25 5
2016 Першая ліга 22 5
2017 Вышэйшая ліга 20 2

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]