Алена Купчына

Алена Купчына
лац. Alena Kupčyna
	Алена Купчына; лац. Alena Kupčyna
Надзвычайны і Паўнамоцны Амбасадар Рэспублікі Беларусь у Аўстрыйскай Рэспубліцы
	15 сьнежня 2016 — 25 лютага 2020
Прэзыдэнт	Аляксандар Лукашэнка
Папярэднік	Валеры Варанецкі
Наступнік	Андрэй Дапкюнас
Намесьнік міністра замежных справаў Рэспублікі Беларусь
	10 красавіка 2012 — сьнежань 2016
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Папярэднік	Валеры Варанецкі
Наступнік	Алег Краўчанка
Надзвычайны і Паўнамоцны Амбасадар Рэспублікі Беларусь у Вугорскай Рэспубліцы
	16 траўня 2006 — 10 красавіка 2012
Папярэднік	Андрэй Яўдачэнка
Наступнік	Аляксандар Хайноўскі
Надзвычайны і Паўнамоцны Амбасадар Рэспублікі Беларусь у Рэспубліцы Славенія
	14 жніўня 2008 — 10 красавіка 2012
Папярэднік	першы беларускі амбасадар у краіне
Наступнік	Аляксандар Хайноўскі
	12 лютага 2019 — 25 лютага 2020
Папярэднік	Аляксандар Хайноўскі
Наступнік	Андрэй Дапкюнас
Асабістыя зьвесткі
Нарадзілася	14 жніўня 1965 (60 гадоў); Менск
Адукацыя	юрыдычны факультэт БДУ;
Узнагароды

Але́на Мікала́еўна Купчына (нар. 14 жніўня 1965 году, Менск) — беларускі дыплямат, намесьнік міністра замежных справаў Рэспублікі Беларусь (2012—2016).

Біяграфія

У 1987 годзе скончыла юрыдычны факультэт Беларускага дзяржаўнага ўнівэрсытэту, у 1990 годзе — асьпірантуру пры Інстытуце філязофіі і права Нацыянальнай акадэміі навук Беларусі (міжнароднае права, канстытуцыйнае права). Кандыдат юрыдычных навук (1991).

У 1990—1992 гадох была навуковым супрацоўнікам Інстытуту філязофіі і права НАНБ. З 1992 году на дыпляматычнай службе. Да 1995 году працавала другім сакратаром, намесьнікам начальніка і начальнікам аддзела міжнародных дагавораў дагаворна-прававога ўпраўленьня Міністэрства замежных справаў Рэспублікі Беларусь. У 1995—1998 гадох была дарадцам і намесьнікам пастаяннага прадстаўніка Рэспублікі Беларусь пры ААН і іншых міжнародных арганізацыях у Жэневе. З 2001 году зноў працавала ў МЗС Рэспублікі Беларусь. У 2002—2004 гадох была начальнікам упраўленьня гуманітарнага, экалягічнага і навукова-тэхнічнага супрацоўніцтва, ў 2004—2006 — начальнікам упраўленьня гуманітарнага супрацоўніцтва і правоў чалавека.

16 траўня 2006 году была прызначана Надзвычайным і Паўнамоцным Амбасадарам Рэспублікі Беларусь у Вугорскай Рэспубліцы^[1]. 14 жніўня 2008 году стала першым беларускім амбасадарам у Рэспубліцы Славенія (па сумяшчальніцтве)^[2]. Пры яе садзейнічаньні быў выдадзены першы вугорска-беларускі слоўнік^[3]. 10 красавіка 2012 году была адстаўленая з абодвух пасадаў^[4] ды прызначаная намесьнікам міністра замежных справаў^[5].

У 2012—2016 гадах — намесьнік Міністра замежных справаў Беларусі. Як намесьнік Міністра замежных справаў, адказная за ўзаемадзеяньне з краінамі Эўропы, амбасадар Купчына ўнесла ўклад у развіцьцё адносін паміж Беларусьсю і эўрапейскімі дзяржавамі і арганізацыямі, у т.л. АБСЭ.

15 сьнежня 2016 году прызначана Надзвычайным і Паўнамоцным Амбасадарам Рэспублікі Беларусь у Аўстрыйскай Рэспубліцы і Рэспубліках Харватыя і Славенія па сумяшчальніцтве, Прадстаўніком Беларусі пры АБСЕ і міжнародных арганізацыях у Вене. 25 лютага 2020 году указам А. Лукашэнкі вызвалена ад пасады амбасадара; працягнула працу ў Вене ў якасці каардынатара дзейнасьці АБСЭ па барацьбе з транснацыянальнымі пагрозамі — дырэктара дэпартаменту па барацьбе з транснацыянальнымі выклікамі і пагрозамі сакратарыята АБСЭ.

У 2006 годзе ўзнагароджаная Ганаровай граматай Савету Міністраў Рэспублікі Беларусь^[6], у 2016 годзе – ордэнам Пашаны^[7].

Крыніцы

Вонкавыя спасылкі

Пасольства Рэспублікі Беларусь у Венгерскай Рэспубліцы — Пасольства — Пасол Беларусі ў Венгрыі (па стане на 29 траўня 2012 году)(недаступная спасылка)

[1] Указ Президента Республики Беларусь от 16 мая 2006 г. №322 «О назначении Е. Н. Купчиной Чрезвычайным и Полномочным Послом Республики Беларусь в Венгерской Республике» (рас.)

[2] Указ Президента Республики Беларусь от 14 августа 2008 г. №422 «О назначении Е. Н. Купчиной Чрезвычайным и Полномочным Послом Республики Беларусь в Республике Словении по совместительству» (рас.)

[3] Выйшаў першы вугорска-беларускі слоўнік Наша Ніва

[4] Указ Президента Республики Беларусь от 10 апреля 2012 г. № 165 Об освобождении от должности Е. Н. Купчиной (рас.)

[5] Постановление Совета Министров Республики Беларусь от 10 апреля 2012 г. № 320 Аб вызваленні А. М. Лыціна, назначэнні У. У. Вараксы і А. М. Купчыной.(недаступная спасылка) (рас.)

[6] Постановление Совета Министров Республики Беларусь от 31 мая 2006 г. №686 «Аб узнагароджанні некаторых грамадзян Рэспублікі Беларусь і замежных грамадзян Ганаровай граматай Савета Міністраў Рэспублікі Беларусь»

[7] Указ Прэзідэнта Рэспублікі Беларусь ад 25 сакавіка 2016 года

[1]

[2]

[3]

[4]

[5]

[6]

[7]

п а р Надзвычайныя і Паўнамоцныя Амбасадары Рэспублікі Беларусь у Вугорскай Рэспубліцы
Пачатак дыпадносінаў Адкрыцьцё пасольства	10 лютага 1992 1998
Амбасадары	Міхаіл Марыніч (1994—?) Андрэй Яўдачэнка (1999—2004) Алена Купчына (2006—2012) Аляксандар Хайноўскі (2012—2018) Аляксандар Панамароў (2018—2022) Уладзімер Улаховіч (з 2022)

п а р Надзвычайныя і Паўнамоцныя Амбасадары Рэспублікі Беларусь у Рэспубліцы Славенія
Пачатак дыпадносінаў Адкрыцьцё амбасады	23 ліпеня 1992 ---
Амбасадары	Алена Купчына (2008—2012) Аляксандар Хайноўскі (2012—2018) Алена Купчына (2019—2020) Андрэй Дапкюнас (зь 2020 году)

п а р Амбасадары Беларусі ў Аўстрыі
Пачатак дыпадносінаў	5 лютага 1992 (34 гады таму)
Амбасадары	Валянцін Фісенка (1994—2000) Віктар Гайсёнак (2000—2005) Аляксандар Сычоў (2005—2011) Валеры Варанецкі (2011—2016) Алена Купчына (2016—2020) Андрэй Дапкюнас (зь 2020 году)