Ала Сямёнава

Ала Сямёнава
Асабістыя зьвесткі
Нарадзілася	9 жніўня 1938(1938-08-09) Усьць-Бальшарэцк[d], Камчацкая вобласьць[d], Далёкаўсходні край[d], Расейская Савецкая Фэдэратыўная Сацыялістычная Рэспубліка, СССР
Памерла	18 лютага 2022(2022-02-18) (83 гады) Менск, Беларусь
Літаратурная дзейнасьць
Род дзейнасьці	пісьменьніца

Альбіна (Ала) Іванаўна Сямёнава (9 жніўня 1938, с. Бальшарэцкае, Бальшарэцкі раён, Камчацкая вобласьць, РСФСР, СССР — 18 лютага 2022, Менск) — пісьменьніца.

Біяграфія

Нарадзілася ў сям’і служачых, юрыстаў. Бацькі ў 30-я гады па камсамольскіх пуцёўках паехалі на Чукотку, жылі на Камчатцы, затым бацьку перавялі ва Ўладзівасток, пазьней у Хабараўск, удзельнік ВАВ. У 1944 г. сям’я вярнулася на радзіму ў Беларусь. Жылі ў Вялейцы ды Наваградку, дзе Альбіна скончыла сярэднюю школу (1955) і паступіла ў БДУ. Пасьля заканчэньня філялягічнага факультэту БДУ (1960) працавала рэдактарам і старшым рэдактарам выдавецтва «Навука і тэхніка». У 1968—1972 гг. літсупрацоўнік у прэс-бюлетэні «Служба быту Беларусі», у 1972—1986 гг. — рэдактар, старшы рэдактар рэдакцыі крытыкі, літаратуразнаўства і драматургіі выдавецтва «Мастацкая літаратура». З 1986 г. — літсупрацоўнік, з 1987 г. — рэдактар аддзела мастацтва, крытыкі і бібліяграфіі часопіса «Нёман». З 2000 году ўваходзіла ў рэдакцыйную калегію часопіса Наша Вера. Сябра СП СССР з 1982 г., потым Саюзу беларускіх пісьменьнікаў. Узнагароджана мэдалём. З рэцэнзіямі, літаратурна-крытычнымі артыкуламі і эсэ выступае з 1966 г.

Творы

• Ішлі ў паходы партызаны. — Мінск. 1968. 55 с.
• Гарачы след таленту. Літаратурна-крытычныя эцюды. Мінск. 1979. 188 с.
• Слова сапраўднага лад. Літаратурныя эцюды. Мінск. 1986. 206 с.
• Святло загадкі. Імпрэсіі і адлюстраванні. Мінск. 1995. 235 с.
• Таямніцы пакутны колер. Эсэ. Апавяданні. Мінск. 2004. 103 с.
• Перад геніем лёсу. Літаратурныя версіі паводле рэальнага, іррэальнага, дамысленага. Мінск. 2006. 357 с.
• Ала Сямёнава. У святой краіне выгнання: імпрэсіі, адлюстраванні. — Менск: Кнігазбор, 2011. — 486 с. — (Кнігарня пісьменніка; вып. 10). — 300 ас. — ISBN 978-985-6976-84-4

Літаратура

• Васілевіч А. «Дзе прытулак душы тваёй?» // Полымя : часопіс. — 1996. — № 6.
• Уладзімір Караткевіч : энцыклапедыя / рэдкалегія: В. У. Ваніна (галоўны рэдактар) і інш.. — Менск: Беларуская Энцыклапедыя, 2020. — С. 370. — 431 с. — 1000 ас. — ISBN 978-985-11-1257-5
• Козіч В. І. Сямёнава, Ала. Бібліяграфія. // Беларускія пісьменнікі. Біябібліяграфічны слоўнік у 6 тамах. Т. 5. Мінск 1995. С. 477.
• Савік Л. С. Сямёнава, Ала. // Беларускія пісьменнікі. Біябібліяграфічны слоўнік у 6 тамах. Т. 5. Мінск 1995. С. 476—477.
• Спрынчан А. В. Сямёнава, Ала.. // Беларуская энцыклапедыя: У 18 т. / Рэдкал.: Г. П. Пашкоў і інш. — Менск: БелЭн, 2002. — Т. 15: Следавікі — Трыо. — 552 с. — ISBN 985-11-0251-2 — С. 345.
• Сямёнава, Ала. // Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X. — C. 526.