Ірына Дубянецкая

Ірына Дубянецкая
	Ірына Дубянецкая; лац. Iryna Dubianieckaja
	Ірына Дубянецкая падчас лекцыі «Беларусь 1000 гадоў бязь Бібліі». Галерэя «Ў»
Дата нараджэньня	23 траўня 1964 (60 гадоў)
Месца нараджэньня	Менск, БССР, СССР;
Месца вучобы	філялягічны факультэт БДУ; Лювэнскі каталіцкі ўнівэрсытэт;
Занятак	філёзаф
Сябра ў	Талака
Навуковая ступень	доктар філязофіі
Бацька	Міхась Дубянецкі

Вікіпэдыя мае артыкулы пра іншых асобаў з прозьвішчам Дубянецкая.

Іры́на Міха́йлаўна Дубяне́цкая (* 23 траўня 1964, Менск, БССР) — беларуская філёзафка і тэалягіня. Доктарка філязофіі, доктарка сакральнай тэалёгіі (2005). Дачка выдаўца і пісьменьніка Міхася Дубянецкага, сястра паэткі Галіны Дубянецкай.

Жыцьцяпіс

Скончыла Інстытут замежных моваў. Працавала ў Інстытуце літаратуры Акадэміі навук Беларусі, Скарынаўскім цэнтры, часопісе «Крыніца».

У 1992 зьехала на навучаньне ў Лёнданскі місіянэрскі інстытут, дзе яны з Каралінай Мацкевіч сталі першымі жанчынамі-студэнткамі. З 1997 вучылася ў Лёвэнскім унівэрсытэце, дзе атрымала дыплёмы магістра багаслоўя, арыенталістыкі, біблейскіх штудый, а 24 чэрвеня 2005 абараніла доктарскую дысэртацыю па тэме «Космас і хаос у габрэйскай Бібліі і міталёгія старажытнага Блізкага Ўсходу». Першая жанчына ў Беларусі, якая атрымала ступень доктаркі сакральнае тэалёгіі^[1].

Сябра Саюзу беларускіх пісьменьнікаў.

Дзейнасьць

У 1989 стала адной зь ініцыятарак руху за адраджэньне беларускае грэка-каталіцкае царквы. У 1990 разам з Каралінаю Мацкевіч і Сержуком Абламейкам заснавала часопіс «Унія» і стала ягонай галоўнай рэдактаркай^[2].

Выкладае ў Беларускім калегіюме і Лятучым унівэрсытэце.

Валодае іўрытам, грэцкай, арамэйскай, угарыцкай, фінікійскай, маабіцкай мовамі^[3].

Піша вершы на беларускай і ангельскай мовах. Друкавалася ў зборніку амэрыканскага міжнароднага паэтычнага фонду.

Крыніцы

^ Арцём Багданаў (28 сакавіка 2012) «Забіраць жыцьцё, якое ты не даваў, можа толькі злачынца». Беларуская служба Польскага радыё. Праверана 19 кастрычніка 2012 г.
^ Кароткія вытрымкі са спэцвыпуску газэты «Царква» на 10-годзьдзе нашай парафіі. Грэка-каталіцкая парафія сьвятога Язэпа. Праверана 19 кастрычніка 2012 г.
^ Ірына Дубянецкая. Айцец // Наша Ніва. — 2001.

Вонкавыя спасылкі

Ганна Сурмач. Лёвэн — працяг традыцый // Радыё Свабода, 14.07.2005
Валянціна Аксак. У «Доме літаратара» Ірына Дубянецкая // Радыё Свабода, 24.09.2010
Аляксандра Дынько. Ірына Дубянецкая: «Міхал Дубянецкі — гэта чалавек незалежнасьці» // Радыё Свабода, 16.02.2011

Гэта — накід артыкула. Вы можаце дапамагчы Вікіпэдыі, пашырыўшы яго.

[1] Арцём Багданаў (28 сакавіка 2012) «Забіраць жыцьцё, якое ты не даваў, можа толькі злачынца». Беларуская служба Польскага радыё. Праверана 19 кастрычніка 2012 г.

[2] Кароткія вытрымкі са спэцвыпуску газэты «Царква» на 10-годзьдзе нашай парафіі. Грэка-каталіцкая парафія сьвятога Язэпа. Праверана 19 кастрычніка 2012 г.

[3] Ірына Дубянецкая. Айцец // Наша Ніва. — 2001.

[1]

[2]

[3]