Іван Сапега (сын Багдана)
 Герб Ліс | |
| Асабістыя зьвесткі | |
|---|---|
| Нарадзіўся | каля 1480 |
| Памёр | не раней за 5 красавіка 1546 і не пазьней за 19 лістапада 1546[1] |
| Пахаваны | |
| Род | Сапегі |
| Бацькі | Багдан Сапега Фядора Друцкая-Канопля[d][2] |
| Жонка | Ганна з Сангушкаў |
| Дзеці | Павал, Іван |
| Дзейнасьць | дыплямат |
Іван Багданавіч Сапега (1486 — паміж 4 красавіка і 19 лістапада 1546) — дзяржаўны і вайсковы дзяяч Вялікага Княства Літоўскага. Пісар (1507—1516) і маршалак гаспадарскі (1515—1541), ваявода віцебскі (1520—1541) і падляскі (з 1529).
Быў старостам дарагічынскім (1529—1541 і з 1545).
Біяграфія
[рэдагаваць | рэдагаваць крыніцу]З чарэйска-ружанскай лініі магнацкага роду Сапегаў гербу Ліс, сын Багдана.
У 1507—1516 гадох быў пісарам вялікім літоўскім, браў удзел у пасольствах у Маскву (1508, 1531—1532 і 1536) і ў Турэччыну (1534 год). У 1515—1541 гадох быў маршалкам гаспадарскім, у 1520—1541 гадох — ваяводам віцебскім, з 1529 году — ваяводам падляскім.
Браў удзел у кампаніі 1514 году на чале з гетманам вялікім Канстантынам Астроскім. Камандаваў часткай войска ў бітве на Бярэзіне (27 жніўня 1514 году) і ў Аршанскай бітве (1514 год)[3].
У шлюбе з Ганнай Сангушка меў сыноў Паўла і Івана.
Крыніцы
[рэдагаваць | рэдагаваць крыніцу]- ^ Urzędnicy podlascy XIV―XVIII wieku: spisy / пад рэд. E. Dubas-Urwanowicz — Kórnik: Biblioteka Kórnicka, 1994. — С. 91. — 199 с. — ISBN 83-85213-16-3
- ^ а б Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 48. — 586 с. — ISBN 978-985-7025-75-6
- ^ Грыцкевіч А. Сапегі // ВКЛ. Энцыкл. — Мн.: 2005 Т. 2. С. 547.
Літаратура
[рэдагаваць | рэдагаваць крыніцу]- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2001. — Т. 6. Кн. 1: Пузыны — Усая. — 591 с. — ISBN 985-11-0214-8