Чачэрская ратуша

Помнік грамадзянскай архітэктуры
Чачэрская ратуша
Чачэрская ратуша
Краіна	Беларусь
Места	Чачэрск
Каардынаты	52°55′9.99″ пн. ш. 30°54′57.85″ у. д. / 52.9194417° пн. ш. 30.9160694° у. д. / 52.9194417; 30.9160694Каардынаты: 52°55′9.99″ пн. ш. 30°54′57.85″ у. д. / 52.9194417° пн. ш. 30.9160694° у. д. / 52.9194417; 30.9160694
Архітэктурны стыль	клясыцыстычная архітэктура^[d], нэаготыка, клясыцызм і несапраўдная готыка^[d]
Заснавальнік	Захар Рыгоравіч Чарнышоў^[d]
Дата заснаваньня	XVIII ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Чачэрская ратуша на мапе Беларусі Чачэрская ратуша
Чачэрская ратуша на Вікісховішчы

Чачэ́рская ра́туша — помнік архітэктуры XVIII ст. у Чачэрску, адзін з сымбаляў места. Знаходзіцца на гістарычным Рынку^[a]. Твор архітэктуры клясыцызму з элемэнтамі рэтраспэктыўнай готыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Вялікае Княства Літоўскае

У 1510 годзе вялікі князь Жыгімонт Стары надаў Чачэрску Магдэбурскае права. Неўзабаве ў месьце збудавалі драўляную ратушу.

Пад уладай Расейскай імпэрыі

Па першым падзеле Рэчы Паспалітай (1772 год), калі Чачэрск апынуўся ў складзе Расейскай імпэрыі, у 1774 годзе маскоўская гаспадыня Кацярына II падарыла места генэрал-губэрнатару графу Чарнышову. Граф стварыў сымэтрычны мураваны архітэктурны ансамбль: вакол новай ратушы, на аднолькавай адлегласьці ў некалькі кварталаў выбудаваў 4 храмы: тры царквы і касьцёл (захавалася толькі Спаская царква).

Найноўшы час

У 2003 годзе ратушу адрэстаўравалі. У верасьні 2004 году ў будынку адкрыўся Чачэрскі гістарычна-этнаграфічны музэй.

Архітэктура

Помнік архітэктуры клясыцызму з элемэнтамі рэтраспэктыўнай готыкі. Гэта мураваны 2-павярховы квадратны ў пляне будынак, завершаны 5 драўлянымі чацьверыковымі вежамі; 4 зь іх разьмешчаныя на кутах асноўнага аб’ёму і ўвянчаныя шпілямі, 5-я (больш высокая і звужаная ўверсе) — пасярэдзіне на масіўным чацьверыковым барабане. Аконныя праёмы прастакутныя, стральчатыя і з паўцыкулярнымі аркавымі завяршэньнямі. Карніз зь фігурнымі кранштэйнамі. Да 2 уваходаў з бакоў галоўнага фасаду вядуць манумэнтальныя каменныя сходы.

Паверхі маюць сымэтрычны плян: каля цэнтральнай квадвартнай у пляне залі групуюцца па 4 прастакутныя і круглыя ў пляне памяшканьні^[1].

Галерэя

Гістарычныя здымкі
1895 г.
1941 г.
1941—1944 гг.
1941—1944 гг.

Заўвагі

^ Цяперашні афіцыйны адрас — вуліца Леніна, 4

Крыніцы

^ Чантурыя У. Чачэрская ратуша // Архітэктура Беларусі. Энцыкл. — Менск, 1993. С. 483.

Літаратура

Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 17: Хвінявічы — Шчытні. — 512 с. — ISBN 985-11-0279-2

Вонкавыя спасылкі

Чачэрская ратуша , Radzima.org

[1] Цяперашні афіцыйны адрас — вуліца Леніна, 4

[2] Чантурыя У. Чачэрская ратуша // Архітэктура Беларусі. Энцыкл. — Менск, 1993. С. 483.

[a]

[1]