Тадэвуш Францішак Агінскі

Тадэвуш Францішак Агінскі
лац. Tadevuš Francišak Aginski
	Тадэвуш Францішак Агінскі
	; Герб Агінскі
Асабістыя зьвесткі
Нарадзіўся	26 жніўня 1712
Памёр	25 лістапада 1783 (71 год); Маладэчна
Пахаваны	Касьцёл Сьвятога Яна;
Род	Агінскія
Бацькі	Марцыян Міхал Агінскі; Тэрэза Бжастоўская
Жонка	Ізабэла Радзівіл; Ядвіга Залуская
Дзеці	Андрэй, Францішак Ксавэры
Дзейнасьць	палітык
Рэгаліі

Вікіпэдыя мае артыкулы пра іншых асобаў з прозьвішчам Агінскі.

Тадэ́вуш Франці́шак Агі́нскі (26 жніўня 1712 — 31 сьнежня 1783, Маладэчна) — дзяржаўны дзяяч Вялікага Княства Літоўскага. Пісар вялікі літоўскі (1737—1744), кашталян (1744—1777) і ваявода троцкі (з 1770)^[2].

Біяграфія

З старэйшай княскай лініі роду Агінскіх, сын Марцыяна Міхала (1672—1750), ваяводы віцебскага, і Тэрэзы з Бжастоўскіх (пам. 1721). Меў братоў Ігнація і Станіслава Юрыя.

У 1733 годзе падпісаў элекцыю Станіслава Ляшчынскага і выступіў у ягоную абарону. Пазьней у 1736 годзе вызнаў уладу Аўгуста Саксонскага.

Актыўны ўдзельнік соймаў, ягоныя прамовы выйшлі ў друку. Маршалак Гарадзенскага сойму (5 кастрычніка — 19 лістапада 1744 году). Падпісаў элекцыю Станіслава Аўгуста, быў сябрам Пастаяннай Рады (1776—1778).

Збудаваў палац у Маладэчне, дзе ўладкаваў уласную рэзыдэнцыю. Пры палацы існавала багатая бібліятэка і мастацкая галерэя.

У шлюбе з Ізабэлай Радзівіл меў сыноў Андрэя і Францішка Ксавэрыя. Другі шлюб зь Ядвігай Залускай быў бязьдзетным^[2].

^ Tadeusz Franciszek Ogiński h. własnego // Польскі біяграфічны інтэрнэт-слоўнік (пол.)
^ ^а ^б Грыцкевіч А. Агінскія // ВКЛ. Энцыкл. — Мн.: 2005 Т. 1. С. 203.
^ Urzędnicy Wielkiego Księstwa Litewskiego. Spisy, tom I: Województwo wileńskie. XIV—XVIII wiek. — Warszawa: DIG, 2004. S. 300.
^ Dunin-Wilczyński Z. Order Św. Stanisława. — Warszawa, 2006. S. 177.

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4