Сылескае ваяводзтва (1920—1939)

Сылескае ваяводзтва
Województwo śląskie
Герб
Агульныя зьвесткі
Краіна	Польшча
Статус	ваяводзтва
Адміністрацыйны цэнтар	Катавіцы
Найбуйнейшыя гарады	Каралеўская Гута, Сьвентахавіцы, Бельска, Рыбнік, Цешын, Тарноўске-Гуры
Дата ўтварэньня	15 ліпеня 1920
Дата скасаваньня	3 верасьня 1939
Афіцыйныя мовы	польская, нямецкая
Насельніцтва (1931)	1 533 500 чалавек
Шчыльнасьць	299 чал./км²
Плошча	5122 км²
Месцазнаходжаньне Сылескага ваяводзтва
Мапа Сылескага ваяводзтва
Код аўтам. нумароў	ŚL
Дадатковыя мультымэдыйныя матэрыялы

Сылескае ваяводзтва (па-польску: Województwo śląskie) — адміністрацыйная адзінка міжваеннай Польскай Рэспублікі. Утворанае 15 ліпеня 1920 году.

Сылезкае ваяводзтва было адзінаю аўтаномнаю адзінкай у складзе міжваеннай Польшчы.

Геаграфія

Ваяводзтва знаходзілася ў заходняй Польшчы, межавала з Чэхаславаччынай і Нямеччынай і ваяводзтвамі Келецкім і Кракаўскім. Сядзіба ваяводзкае ўлады — Катавіцы.

Аўтаномія

Сылезыя атрымала аўтаномію ў выніку змаганьня Польшчы зь Нямеччынай за гэтыя землі. Да заканчэньня Першае сусьветнае вайны ў 1918 годзе тэрыторыя будучага ваяводзтва падзялялася між тэрыторыямі Прусіі ды Аўстра-Вугорскай імпэрыі, якім належалі цэнтар і поўнач ды Цешынскі рэгіён адпаведна; пруская частка складала правінцыю Сылезія, у той час як навакольле Цешыну ўваходзіла ў склад Сылезіі — адной з частак падначаленай Аўстра-Вугоршчыне Чэхіі. Польскі ўрад надаў аўтаномны статус Сылескаму ваяводзтву, каб прыцягнуць галасы жыхароў рэгіёну ў галасаваньні за дзяржаўную прыналежнасьць у сакавіку 1921 году. Сылескае ваяводзтва атрымлівала ўласны парлямэнт (Сылескі сойм) і ўласную казну. Адміністрацыя ваяводзтва падпарадкоўвалася ваяводзе, які быў вызначаны Варшавай, але на амаль усе рашэньні патрабаваў ён дазволу Ваяводзкай рады, у склад якой уваходзіў ён сам з сваім намесьнікам. Апошнімі чальцамі Рады былі людзі, якіх выбіраў Сылескі Сойм.

Адміністрацыйны падзел

Ваяводзтва складалася з 3 гарадзкіх паветаў (Катавіцы, Каралеўская Гута, Бельска) і 8 земскіх паветаў: Бельскага (цэнтар: Бельска), Цешынскага (Цешын), Катавіцага, Люблінецкага, Пшчынскага, Рыбніцкага, Тарнагорскага і Сьвентахавіцкага паветаў. Паветы былі дадаткова падзеленыя на 25 гарадзкіх і 463 сельскія гміны.

Ваяводы

• Юзэф Рымэр (16 чэрвеня 1922 — 5 сьнежня 1922)
• Зыгмунт Жураўскі (15 сьнежня 1922 — 1 лютага 1923)
• Антоні Шульціс (1 лютага 1923 — 3 сакавіка 1924)
• Тадэвуш Концкі (15 кастрычніка 1923 — 2 траўня 1924)
• Мечыслаў Більскі (6 траўня 1924 — 3 верасьня 1926)
• Міхал Гражынскі (6 верасьня 1937 — 5 верасьня 1939)