Правакацыя (гурт)

	Правакацыя
Гады	1993—2000
Месца ўтварэньня	Менск, Беларусь
Мова	беларуская
Жанр	панк-рок
Удзельнікі	Альгерд Бахарэвіч; Уладзімер Лушчынскі; Вольга Краўцова; Андрэй Бараноўскі

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Правакацыя (неадназначнасьць).

«Правака́цыя» — беларускі панк-рок гурт, які існаваў у 90-х гадах XX стагодзьдзя. Заснавальнікам і лідэрам гурта быў Альгерд Бахарэвіч, які пісаў тэксты песьняў і зьяўляўся вакалістам. Тэксты песьняў маюць найперш іранічна-палітычны характар, уяўляюць сабой своеасаблівы творчы пратэст.

Гісторыя

Гурт быў створаны ў 1993 годзе, дэбют адбыўся на першым фэстывалі «Раздавім фашысцкую гадзіну» ў Менску. У гады існаваньня гурт прымаў удзел у шматлікіх акцыях і фэстывалях, сярод якіх варта адзначыць «Раздавім фашысцкую гадзіну», «Вольныя танцы», «Хай што-небудзь адбудзецца», «Гэта ты, Моцарт?!», усяго было дадзена каля паўсотні канцэртаў. Акрамя Менску гурт граў у Магілёве, Лагойску, Талачыне. Апошні канцэрт «Правакацыі» быў дадзены ў 2000 годзе ў менскім клюбе «Медыюм» сумесна зь беларускім гуртом Hate to State і ірляндзкім Call Center. 22 лютага 2003 гурт узьяднаўся каб даць яшчэ адзін канцэрт, які адбыўся ў Талачыне.

Удзельнікі

За час існаваньня «Правакацыі» ў яе складзе грала 11 музыкаў. Фактычна, адзіным нязьменным чальцом гурта зьяўляўся «Алежка» — Альгерд Бахарэвіч.

Альбомы

У 1999 годзе гуртом быў запісаны і выдадзены адзіны студыйны альбом пад назвай «Звычайная раніца». Больш раньнія запісы рабіліся ў хатніх умовах і распаўсюджваліся толькі сярод знаёмых. Альбом «Звычайная раніца» ўключае 8 кампазыцыяў.

«Карычневае»
«Не занадта»
«Шэф у гістэрыцы»
«Квітней, мая Быдляндыя»
«Тан’я»
«I Wanna Be Your Dog»
«Нацыянальны сход»
«Адчай»

Вонкавыя спасылкі

Злучыць^?