Георг Отс

Георг Отс
Georg Ots
Дата нараджэньня	21 сакавіка 1920
Месца нараджэньня	Петраград
Дата сьмерці	5 верасьня 1975
Месца сьмерці	Талін
Прычына сьмерці	рак мозгу[d]
Месца пахаваньня	Лясныя могілкі
Грамадзянства	СССР
Месца вучобы	Эстонская акадэмія музыкі і тэатру[d] Tallinn French School[d]
Прафэсія	сьпявак
Жанры	опэра
Вакал	барытон
Інструмэнты	голас
Бацька	Карл Отс[d]
Узнагароды	Ордэн Леніна Ордэн Працоўнага Чырвонага Сьцягу Ордэн «Знак Пашаны» Народны артыст СССР
Георг Отс у Вікісховішчы

Гео́рг Отс (па-эстонску: Georg Ots; 21 сакавіка 1920, Петраград, Расейская СФСР — 5 верасьня 1975, Талін, Эстонская ССР) — эстонскі опэрны і эстрадны сьпявак. Народны артыст СССР (1960), ляўрэат дзьвюх Сталінскіх (1950, 1952) і Дзяржаўнай прэміі СССР (1968). Сын знакамітага тэнара Карла Отса.

Жыцьцяпіс

Георг Отс навучаўся ў Францускім ліцэі, скончыў талінскую вайсковую вучэльню, атрымаўшы званьне афіцэра, паступіў на падрыхтоўчы курс вайскова-тэхнічнае вучэльні. У 1939 стаў чэмпіёнам Эстоніі па плаваньні на маратонскую дыстанцыю 1500 м, а ў 1940 — у эстафэце 4×200 м вольным стылем. Аднак у 1940 працягнуў навучаньне ў Талінскім тэхнічным унівэрсытэце.

У 1941 годзе, скончыўшы першы курс, быў мабілізаваны ў РСЧА. Адплыў на параходзе «Сыбір» у Ленінград для залічэньня ў воінскую частку. 18 жніўня ля вострава Гоглянд карабель быў падбіты немцамі, Отса зь іншымі пасажырамі падабраў мінны тральшчык. Сьпярша перавезены ў Ленінград, пасьля пад Чалябінск, адкуль у канцы студзеня 1942 быў накіраваны камандзірам супрацьтанкавага ўзводу. На чыгуначнай станцыі ён спаткаў рэжысэра Прыйта Пылдроаса, якія запрасіў яго ў ствараныя ў Яраслаўлі «Дзяржаўныя ансамблі Эстоніі», дзе Георг пачаў прафэсійна займацца сьпевам.

З 1944 году — артыст хору, з 1945 году — саліст тэатру опэры і балету «Эстонія». У 1951 годзе скончыў Талінскую кансэрваторыю.

Чалец ВКП(б) з 1946 году. Дэпутат Вярхоўнага Савету СССР 9-га скліканьня.

Памёр 5 верасьня 1975 году ў Таліне. Пахаваны на Лясных могілках у талінскім раёне Пірыта.

Прэміі і ўзнагароды

• Сталінская прэмія другой ступені (1950) — за выкананьне галоўнай партыі ў опэрным спэктаклі «Яўген Анегін» П. І. Чайкоўскага
• Сталінская прэмія трэцяй ступені (1952) — за выкананьне ролі ў фільме «Сьвятло ў Коардзі»
• Заслужаны артыст Эстонскай ССР (1953)
• Народны артыст Эстонскай ССР (1956) (рас.)
• Народны артыст СССР (1960)
• Дзяржаўная прэмія СССР (1968)
• Дзяржаўная прэмія Эстонскай ССР (1975) (рас.)
• Ордэн Леніна
• Ордэн Працоўнага Чырвонага Сьцягу (1956)
• Ордэн Знак Пашаны (1950)

Памяць

• Імя Георга Отса мае вуліца ў цэнтры Таліну, дзе знаходзяцца Эстонскі драматычны тэатар і Нацыянальная опэра Эстонія
• Талінская музычная вучэльня імя Георга Отса
• «Георг Отс» — пасажырская судзіна
• астэроід «1977 QAI» у 1996 року быў названы ягоным імем

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5

Вонкавыя спасылкі

Георг Отс — сховішча мультымэдыйных матэрыялаў

• Георг Отс (анг.) на сайце IMDb