Перайсьці да зьместу

Яўген Елязаранка

Зьвесткі зь Вікіпэдыі — вольнай энцыкляпэдыі
Яўген Елязаранка
Пэрсанальная інфармацыя
Нарадзіўся 4 ліпеня 1993(1993-07-04)[1] (32 гады)
Рост 175 см
Вага 75 кг
Пазыцыя паўабаронца
Клюбная інфармацыя
Клюб Асіпавічы
Нумар 21
Клюбы
Гады Клюб Гульні (галы)¹
2011 Дынама-2[d] 25 (4)
2013—2015 Нафтан 72 (1)
2016—2017 Шахцёр Салігорск 20 (2)
2017 → Гомель 20 (1)
2018 Слуцак 3 (0)
2018—2019 Тарпэда Менск 23 (0)
2019 Ліда 13 (2)
2020 Дняпро Магілёў 24 (8)
2021 Нафтан 2 (0)
2021 Хваля 4 (0)
2022—2023 Асіпавічы 29 (3)
2023 Колас Ігумен[d] 9 (2)
2024 Крумкачы 6 (1)
2025—4 Асіпавічы 29 (3)
Зборныя
2014 Беларусь (да 21) 10 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
26 лістапада 2025.

Яўге́н Еляза́ранка (нар. 4 ліпеня 1993 году) — беларускі футбаліст, паўабаронца «Асіпавічаў».

Кар’ера

[рэдагаваць | рэдагаваць код]

Пачаў займацца футболам у Асіпавічах, дзе трэнэрам быў ягоны бацька — Аляксандар Елязаранка. Пазьней навучаўся ў адмысловай футбольнай клясе Менскай сувораўскай вучэльні, адкуль трапіў у «Дынама-2». У 2012 годзе перайшоў у наваполацкі «Нафтан», дзе спачатку абараняў колеры дубля. У сэзоне 2013 году новы галоўны трэнэр «Нафтана» Павал Кучараў далучыў Елязаранку да асноўнай каманды. Хутка замацаваўся ў асноўным складзе, дзе пачаў выступаць на пазыцыі апорнага паўабаронцы.

У сэзоне 2014 году быў асноўным апорным паўабаронцам каманды. У красавіку і ліпені 2014 году некаторы час не гуляў праз пашкоджаньні, але потым вярнуў месца ў асноўным складзе. З студзеня 2016 году праходзіў прагляд у салігорскім «Шахцёры», зь якім у сакавіку склаў працоўную дамову[3]. Спачатку выходзіў на замену, але потым замацаваўся ў стартавым складзе салігорцаў. У верасьні 2016 году атрымаў траўму, празь якую выбыў да сканчэньня сэзону. У пачатку 2017 году, акрыяўшы ад траўмы, трэнаваўся з «Шахцёрам», але ў лютым накіраваўся на прагляд у «Гомель» і ў выніку ў сакавіку быў арандаваны гэтым клюбам[4]. У складзе «Гомля» неўзабаве замацаваўся ў першай адзінаццатцы, аднак у канцы сэзону страціў месца ў асноўным складзе. У сьнежні 2017 году па заканчэньні тэрміну арэнды вярнуўся ў «Шахцёр»[5].

У пачатку 2018 году трэнаваўся з «Шахцёрам», трапіў з камандай на першы (кіпрскі) збор. У лютым 2018 году, аднак, ня трапіў на другі (турэцкі) збор салігорцаў і неўзабаве далучыўся да «Слуцку». У сакавіку 2018 году, паводле пагадненьня бакоў скасаваў кантракт з салігорцамі ды афіцыйна прыяднаўся да случакоў[6]. Аднак, за паўгады згуляў за асноўную каманду слуцкага клюбу толькі ў трох матчах чэмпіянату Беларусі і двух кубкавых. У ліпені 2018 году пакінуў «Слуцак» і прыяднаўся да менскага «Тарпэда»[7], дзе замацаваўся ў асноўным складзе. У ліпені 2019 году ў сувязі зь фінансавымі цяжкасьцямі каманды пакінуў клюб і выправіўся на прагляд ва ўзбэцкую «Бухару»[8], аднак у выніку ў жніўні стаў гульцом «Ліды»[9], дзе трывала гуляў у асноўным складзе.

У лютым 2020 году падпісаў кантракт з магілёўскім «Дняпром»[10]. Дапамог магілёўскаму клюбу атрымаць перамогу ў Другой лізе. У сьнежні 2020 году пакінуў «Дняпро»[11]. У лютым 2021 году стала вядома, што Елязаранка падпісаў кантракт з наваполацкім «Нафтанам»[12]. У ліпені 2021 году перабраўся ў пінскую «Хвалю»[13], аднак пераважна заставаўся на лаўцы запасных. У сьнежні 2021 году паводле пагадненьня бакоў пакінуў пінскі клюб[14]. У сакавіку 2022 году стаў гульцом «Асіпавічаў»[15], дзе замацаваўся ў стартавым складзе. У сакавіку 2023 году падоўжыў кантракт з клюбам[16]. Пакінуў каманду ў ліпені 2023 году[17] і неўзабаве далучыўся да ігуменскага «Коласа». У красавіку 2024 году ўзмоцніў склад «Крумкачоў»[18]. Пасьля таго, як «Асіпавічы» зноў вярнуліся ў Першую лігу, Елязаранка вярнуўся ў каманду[19].

Дасягненьні

[рэдагаваць | рэдагаваць код]

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Нафтан2015Найвышэйшая ліга221
Шахцёр Салігорск2016Найвышэйшая ліга202
Гомель2017Найвышэйшая ліга201
Слуцак2018Найвышэйшая ліга30
Тарпэда Менск120

Крыніцы

[рэдагаваць | рэдагаваць код]
  1. ↑ Evgeni Elesarenko // Transfermarkt (мн.) — 2000.
  2. ↑ https://footballfacts.ru/person/218814
  3. ↑ Евгений Елезаренко подписал контракт с "Шахтером" (рас.)
  4. ↑ "Шахтер" отдал Елезаренко в аренду "Гомелю" (рас.)
  5. ↑ Ситко, Афоаква, Адомако и еще четыре игрока покинули "Гомель" (рас.)
  6. ↑ Евгений Елезаренко перешел в "Слуцк" (рас.)
  7. ↑ Елезаренко перешел в минское "Торпедо" (рас.)
  8. ↑ Елезаренко на просмотре в «Бухаре», Капор подписал контракт с клубом (рас.)
  9. ↑ Вратарь "Минска" и еще два игрока пополнили состав "Лиды" (рас.)
  10. ↑ Елезаренко и Ходенков подписали контракты с "Днепром-Могилев" (рас.)
  11. ↑ Евгений Елезаренко покидает Днепр (рас.) Афіцыйны сайт магілёўскага «Дняпра»
  12. ↑ 15 февраля "Нафтан" выходит из отпуска. Сейчас на контракте в клубе 8 игроков (рас.)
  13. ↑ Елезаренко перешел из "Нафтана" в "Волну" (рас.)
  14. ↑ "Волна" расторгла соглашения с Елезаренко и Ханкевичем (рас.)
  15. ↑ Кто еще фавориты Д2, звездные дебютанты, усиление "Осиповичей" и "Молодечно-2018" (+ таблица трансферов) (рас.)
  16. ↑ "Осиповичи" продлили контракты с тремя игроками (рас.)
  17. ↑ "По личным причинам". Самый опытный игрок "Осиповичей" покинул клуб (рас.)
  18. ↑ Экс-игрок "Шахтёра", "Гомеля" и "Днепра" будет выступать за "Крумкачы" (рас.)
  19. ↑ Евгений Елезаренко стал игроком «Осиповичей» (рас.). Белорусский футбол. Праверана 2025-04-21 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Яўген_Елязаранка&oldid=2612481»