Янотавыя

Янотавыя
Procyon lotor — тыповы від
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Драпежныя (Carnivora)
Падатрад	Сабакападобныя (Caniformia)
Сямейства	Янотавыя
Бінамінальная намэнклятура
Procyonidae Gray, 1825
Янотавыя на Віківідах  Янотавыя ў Вікісховішчы ITIS 180573 · NCBI 9647

Янотавыя (Procyonidae) — сямейства клясы сысуноў атрада драпежных, якая ўключае 14 сучасных відаў зь 6 родаў. Гэтыя жывёлы насяляюць Амэрыку ад поўдня Канады да поўначы Аргентыны. Янотавыя сустракаюцца ў самых розных асяроддзях пражываньня, у тым ліку ў пустыні, паўночных лясах, трапічных лясах і на забалочаных землях.

Зьнешні выгляд

Янотавыя маюць вагу ад менш за 1 кг до больш за 20 кг. Некаторыя віды маюць стройныя целы, іншыя — не. Усе маюць сярэднія ці доўгія хвасты. Поўсьць шэрая альбо карычневая, часам з кантраснымі меткамі на твары і светлымі і цёмнымі кольцамі вакол хваста. У большасьці відаў адносна кароткія, шырокія твары і кароткія стаячыя вушы, якія могуць быць круглявымі або завостранымі. Канечнасьці даволі доўгія. Пярэднія і заднія лапы маюць 5 пальцаў. Кіпцюры кароткія і выгнутыя. Зубная формула: 3/3,1/1,3–4/3–4,2/2–3 = 36–42.

Лад жыцьця

Янотавыя, ў асноўным, ўсяедныя. Яны спажываюць расьліннасьць, дробных сысуноў, птушак і некаторых бесхрыбетных, асабліва ракападобных. Некаторыя віды сацыяльныя, іншыя — адзінокія. Усе віды добра лазяць па дрэвах. Большасць відаў — начныя.

Эвалюцыя

Янотавыя вядомыя з позьняга эацэна Паўночнай Амэрыкі і раньняга алігацэна Эўропы і з позьняга міяцэна ў Азіі. Яны дабраліся да Паўднёвай Амэрыкі з Паўночнай Амэрыкі ў канцы міяцэну.

Сыстэматыка

Procyonidae

• Potosinae
  • Bassaricyon
    • Bassaricyon alleni
    • Bassaricyon gabbii
    • Bassaricyon medius
    • Bassaricyon neblina
  • Potos
    • Potos flavus
• Procyoninae
  • Bassariscus
    • Bassariscus astutus
    • Bassariscus sumichrasti
  • Nasua
    • Nasua narica
    • Nasua nasua
  • Nasuella
    • Nasuella meridensis
    • Nasuella olivacea
  • Procyon
    • Procyon cancrivorus
    • Procyon lotor
    • Procyon pygmaeus

Вонкавыя спасылкі

• Myers P. (2000) Procyonidae^(анг.). Animal Diversity Web. Праверана 01.02.2021 г.
• Vaughan T., Ryan J., Czaplewski N. Mammalogy. — Jones & Bartlett Learning, 2011. — С. 315, 316. — 750 с. — ISBN 9780763762995^(анг.)