Юры Шулейка

	Анатоль Ліс
Старшыня Берасьцейскага аблвыканкаму
	26 студзеня 2021 — дасюль
Прэзыдэнт:	Аляксандар Лукашэнка
Прэм’ер-міністар:	Раман Галоўчанка
Папярэднік:	Анатоль Ліс
Памочнік прэзыдэнта Рэспублікі Беларусь
	12 траўня 2017 — 26 студзеня 2021
Асабістыя зьвесткі
Нарадзіўся:	31 сакавіка 1968; Казлоўшчына, Дзятлаўскі раён
Адукацыя:	Магілёўскі дзяржаўны ўнівэрсытэт харчаваньня (1992); Акадэмія кіраваньня пры прэзыдэнце Рэспублікі Беларусь (2002);

Ю́ры Вітольдавіч Шуле́йка (нар. 31 сакавіка 1968, Казлоўшчына, Дзятлаўскі раён, Гарадзенская вобласьць) — беларускі дзяржаўны дзеяч. Старшыня Берасьцейскага аблвыканкаму (з 2021).

Жыцьцяпіс[рэдагаваць | рэдагаваць крыніцу]

Скончыў Магілёўскі тэхналягічны інстытут (1992) і Акадэмію кіраваньня пры прэзыдэнце Рэспублікі Беларусь (2002).

З 1992 году працаваў майстрам па рамонце тэхналягічнага абсталяваньня і выканаўцам абавязкаў галоўнага энэргетыка на Гарадзенскім мясакамбінаце. У 1994 годзе заняў пасаду начальніка мяснога цэха сельгаспрадпрыемства «Абухова» Гарадзенскай вобласьці. У 1996 годзе — намесьнік дырэктара — начальніка перапрацоўчага комплексу Зэльвенскай цеплаэлектрасеткі.

У 1996—2005 гадах працаваў начальнікам аддзела мэханізацыі і аўтаматызацыі вытворчых працэсаў Гарадзенскага мясакамбінату, пасьля на працягу двух гадоў узначальваў Лідзкі мясакамбінат. У 2007—2008 гадах — генэральны дырэктар прадпрыемства «Гарадзенскія мясамалочныя прадукты», у 2008—2012 гадах — генэральны дырэктар аб’яднаньня «Гроднамясамалпрам».

У 2012 годзе прызначаны першым намесьнікам старшыні Гарадзенскага гарвыканкама, у 2013 годзе — намесьнікам старшыні Гарадзенскага аблвыканкаму.

12 траўня 2017 году прызначаны памочнікам прэзыдэнта Беларусі — інспэктарам па Гомельскай вобласьці^[1].

26 студзеня 2021 году прызначаны старшынёй Берасьцейскага абласнога выканаўчага камітэту^[2].

25 лютага 2022 году быў уключаны ў чорны сьпіс Эўразьвязу за расейскую агрэсію супраць Украіны^[3]. У тым самым годзе трапіў пад санкцыі Швейцарыі, Вялікабрытаніі, Украіны, Канады^[4].

Асабістае жыцьцё[рэдагаваць | рэдагаваць крыніцу]

Са сваёй будучай жонкай пазнаёміўся ў 21 год. Яго жонка — Людміла Шулейка, працуе намесьнікам генэральнага дырэктара Гарадзенскага мясакамбінату па ідэалёгіі і сацыяльных пытаньнях. У іх двое дзяцей: дачка Дыяна нядаўна скончыла ўнівэрсытэт, працуе на мытні. Сын Максім працуе намесьнікам дырэктара страхавой кампаніі.

Крыніцы[рэдагаваць | рэдагаваць крыніцу]

^ На Брестчине — новый губернатор: биография
^ Шулейка змяніў Ліса на пасадзе губернатара Брэсцкай вобласці
^ «Садзейнічалі расейскай агрэсіі». Пад санкцыі Эўразьвязу трапілі 20 беларускіх чыноўнікаў і вайскоўцаў. Радыё Свабода (2022-02-26). Праверана 2022-02-26 г. Архіўная копія ад 26 лютага 2022 г.
^ ШУЛЕЙКО Юрій Вітольдович

[1] На Брестчине — новый губернатор: биография

[2] Шулейка змяніў Ліса на пасадзе губернатара Брэсцкай вобласці

[3] «Садзейнічалі расейскай агрэсіі». Пад санкцыі Эўразьвязу трапілі 20 беларускіх чыноўнікаў і вайскоўцаў. Радыё Свабода (2022-02-26). Праверана 2022-02-26 г. Архіўная копія ад 26 лютага 2022 г.

[4] ШУЛЕЙКО Юрій Вітольдович

[1]

[2]

[3]

[4]