Юлія Несьцярэнка

Юлія Несьцярэнка
Юлія Несьцярэнка на беларускай паштовай марцы 2004 году
Пэрсанальная інфармацыя
Поўнае імя	Юлія Віктараўна Несьцярэнка
Нарадзілася	15 чэрвеня 1979 Берасьце
Грамадзянства	Беларусь
Рост	173 см
Вага	60 кг
Прафэсійная інфармацыя
Спэцыялізацыя	бег
Узнагароды і мэдалі Алімпійскія гульні Золата Атэны 2004 Бег 100 м Чэмпіянат сьвету Бронза Будапэшт 2004 60 м Бронза Хэльсынкі 2005 эстафэта 4×100 мэтраў

Ю́лія Ві́ктараўна Несьцярэ́нка (нар. 15 чэрвеня, 1979, Берасьце) — беларуская лёгкаатлетка, алімпійская чэмпіёнка ў спрынце на 100 мэтраў.

Біяграфія

Нарадзілася ў Берасьці. Дзявоцкае прозьвішча Барцэвіч. Зь дзяцінства паказвала высокія вынікі ў бегу (школьны трэнэр Сяргей Салямановіч зазначае, што ўжо ў сёмым клясе яна паказвала вынікі кандыдата ў майстры спорту), была пераведзеная ў спартовую школу СДЮШОР, потым у менскую вучэльню алімпійскага рэзэрву. У 1992 годзе нечакана памёр яе бацька Віктар. У школе алімпійскага рэзэрву Юлія была прызначаная на сямібор’е, але не паказвала сэнсацыйных вынікаў. Па сканчэньні школы Юлія Барцэвіч вярнулася ў Берасьце, дзе пяць гадоў адвучылася ў Берасьцейскім унівэрсытэце, там і пазнаёмілася са сваім будучым мужам Зьмітром Несьцярэнкам (ажаніліся яны 6 верасьня 2002 году). Муж і прывёў яе на бегавую дарожку да трэнэра Віктара Ярашэвіча.

Спартовая кар’ера

Першы посьпех — бронзавы мэдаль на 60-мэтровай дыстанцыі на чэмпіянаце сьвету ў Будапэшце (2004), з вынікам 7.13 сэкунды. Потым у гэтым самым годзе Юлія Несьцярэнка выйгала этап «Гран-пры» ў Гейтсхэде (11.32 сэкунды) і ў Рыме на «Залатой лізе» выйграла з вынікам 11.13 сэкунды. Галоўным посьпехам стала перамога на Летніх Алімпійскіх гульнях у Атэнах у 2004 годзе (10.93 сэк.). Гэта першая перамога на Алімпіядзе не-амэрыканкі на 100-мэтроўцы за апошнія дваццаць пяць гадоў. У паўфінале Алімпійскіх гульняў у Атэнах усталявала рэкорд Беларусі на 100 м — 10.92 сэкунды, які быў і яе лепшым вынікам. У 2005 годзе на чэмпіянаце сьвету ў Хэльсынкі заваявала бронзавы мэдаль у эстафэце 4×100 мэтраў (з Аленай Данілюк-Неўмяржыцкай).

Вонкавыя спасылкі

• Самая хуткая жанчына плянэты жыве ў Беларусі (Інтэрвію зь Юліяй Несьцярэнка і яе мужам)
• Юлія Несьцярэнка — «залатое дзіця» Берасьця(недаступная спасылка)
• Лукашэнка не задаволены выступам беларусаў, а алімпійская чэмпіёнка Юлія Несьцярэнка трапіла ў шпіталь
• «Frankfunter Allgemeine»: «Польскі допінг-тэст наўрад ці будзе мець нейкія наступствы для самой Несьцярэнкі» (недаступная спасылка)
• Юлія Несьцярэнка: «Гэта звычайная правакацыя»
• Беларускія алімпійскія чэмпіёны: слаўная мінуўшчына й цяжкая сапраўднасьць